ଓସେପା ଏସପିଡିଙ୍କ ଗଞ୍ଜାମଜିଲ୍ଲା ପରିଦର୍ଶନ

0 8

ମଧୁଆପ୍, ସ୍କୁଲ ରୂପାନ୍ତରୀକରଣ କାର୍ଯ୍ୟକ୍ରମକୁ ପ୍ରଂଶସା କଲେ ରାଜ୍ୟ ପରିଦର୍ଶକ

ବ୍ରହ୍ମପୁର : ଓସେପା (ଓଡିଶା ସ୍କୁଲ ଶିକ୍ଷା କାର୍ଯ୍ୟକ୍ରମ କର୍ତ୍ତୃପକ୍ଷ) ର ଏସପିଡି (ରାଜ୍ୟ ପ୍ରକଳ୍ପ ନିର୍ଦ୍ଦେଶକ) ଅନୁପମ ଶାହ ମଙ୍ଗଳବାର ଗଂଜାମ ଜିଲା ଗସ୍ତରେ ଆସି ବିଭିନ୍ନ ସ୍କୁଲ ପରିଦର୍ଶନ କରିଛନ୍ତି । ଏଥିସହ ସେ ଶିକ୍ଷା ବିଭାଗ ପକ୍ଷରୁ ଚାଲିଥିବା ବିଭିନ୍ନ କାର୍ଯ୍ୟକ୍ରମର ଅନୁଧ୍ୟାନ କରିବା ସହ ତଥ୍ୟ ସଂଗ୍ରହ କରିଛନ୍ତି । ଛତ୍ରପୁରସ୍ଥିତ ସମଗ୍ର ଶିକ୍ଷା ଅଭିଯାନ କାର୍ଯ୍ୟାଳୟରେ ଥିବା ମଧୁ-ଆପ୍ ଲ୍ୟାବ୍ କୁ ଯାଇ ଏସପିଡି ପରିଦର୍ଶନ କରିଥିଲେ । ମଧୁଆପ୍ ରେ ବିିଭିନ୍ନ ସ୍କୁଲ ପାଠ୍ୟ ବିଷୟ କୁ ଶିକ୍ଷକ ମାନେ ପାଠ ପଢାଉଥିବା ଭିଡିଓକୁ ଅପଲୋଡ୍ କରାଯାଇଥାଏ । ଏହି ଆପ୍ ଖୋଲି ପିଲାମାନେ ପାଠ ପଢିଥାନ୍ତି । ମଧୁ ଆପ୍ ରେ ପାଠ ପଢା ର ଭିଡିଓ ମଧ୍ୟ ଏସପିଡି ଦେଖି ଖୁସି ପ୍ରକଟ କରିବା ସହ ଗଂଜାମ ଜିଲାପ୍ରଶାସନ କୁ ପ୍ରଂଶସା କରିଥିଲେ । ମଧୁଆପ୍ ଗଞ୍ଜାମ ଜିଲାପ୍ରଶାସନର ଏକ ନିଜସ୍ୱ ପ୍ରୟାସ ଥିଲା । ଏହାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁଭାରମ୍ଭ କରିଥିଲେ । ଗଂଜାମ ଜିଲା ଗ୍ରାମ୍ୟ ଉନ୍ନୟନ ସଂସ୍ଥା ର ପ୍ରକଳ୍ପ ନିର୍ଦ୍ଦେଶକ ସିନ୍ଧେ ଦତ୍ତାତ୍ରେୟ ଭାଉସାହେବ, ଜିଲ୍ଲା ଶିକ୍ଷା ଅଧିକାରୀ ଅମୂଲ୍ୟ ପ୍ରଧାନ, ସମଗ୍ର ଶିକ୍ଷା ଅଭିଯାନ ର ଜିଲ୍ଲା ପ୍ରକଳ୍ପ ସଂଯୋଜିକା ବିନିତା ସେନାପତି ପ୍ରମୁଖ ଉପସ୍ଥିତ ଥିଲେ । ଛତ୍ରପୁର ସ୍ଥିତ ସମଗ୍ର ଶିକ୍ଷା ଅଭିଯାନ ର ଡିପିସି ଅଫିସ ସହ ଅନସ୍ଲୋ ସରକାରୀ ହାଇସ୍କୁଲ କୁ ଯାଇ ଏସପିଡି ପରିଦର୍ଶନ କରିଥିଲେ । ଅନସ୍ଲୋ ସରକାରୀ ହାଇସ୍କୁଲ ରେ ଚାଲିଥିବା ସ୍କୁଲ ରୁୂପାନ୍ତରୀକରଣରେ ସ୍ମାର୍ଟ କ୍ଲାସ ର ସେ ଅନୁଧ୍ୟାନ କରିଥିଲେ । ହିଂଜିଳି ର ଶାସନଆମ୍ବଗାଁ ଓଡିଶା ଆଦର୍ଶ ବିଦ୍ୟାଳୟ , ଗଣ୍ଡଳାର ଗଣେଷ ବିଦ୍ୟାପୀଠ ଓ ହିଂଜଳିର ବୃନ୍ଦାବନ ହାଇସ୍କୁଲ ରେ ୫ ଟି କାର୍ଯ୍ୟକ୍ରମରେ ହୋଇଥିବା ସ୍କୁଲ ରୂପାନ୍ତରୀକରଣ ରେ କରାଯାଇଥିବା ଇ-ଲାଇବ୍ରେରୀ, ସ୍ମାର୍ଟ କ୍ଲାସ୍, ସ୍ମାର୍ଟ ଲାବ୍ରୋଟାରୀ ଆଦି ର ସେ ଅନୁଧ୍ୟାନ କରିଛନ୍ତି ।

ବ୍ରହ୍ମପୁର ଇପିଏରୁ କେ. ସତ୍ୟନାରାୟଣ ରେଡ୍ଡୀଙ୍କ ରିପୋର୍ଟ
ଇପିଏ ନିଉଜ ( ଇଷ୍ଟର୍ଣ୍ଣ ପ୍ରେସ୍ ଏଜେନ୍ସି )

Leave A Reply

Your email address will not be published.