ସୁବର୍ଣ୍ଣପୁର- କଦମଫୁଲ ସାହିତ୍ୟ ସଂସଦ ବିରମହାରାଜପୁର ଆନୁକୁଲ୍ୟରେ ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ସତ୍ୟବାଦୀ ଜୁନିୟର କଲେଜ,କଳାପଥର ସଭାଗୃହରେ ଦିବସବ୍ୟାପୀ ଛଅ ମାସିକ କୋଶଲୀ ସାହିତ୍ୟ ପତ୍ରିକା ର ଦ୍ଵିତୀୟ ସଂଖ୍ୟା ଉନ୍ମୋଚନ ଉତ୍ସବ ଆଲୋଚନା ଚକ୍ର ଓ କବିତା ପାଠୋତ୍ସଵ ଅନୁଷ୍ଠିତ ହୋଇଯାଇଛି ।ଏହି ଅବସରରେ କୋଶଳୀ ଭାଷା ସାହିତ୍ୟ ଉପରେ ଏକ ଆଲୋଚନା ଚକ୍ର ହୋଇଥିଲା ।ପ୍ରଥମେ ଅତିଥି ମାନଙ୍କ ଦ୍ୱାରା ପ୍ରଦୀପ ପ୍ରଜ୍ବଳନ, ପତ୍ରିକା ‘କଦମଫୁଲ’ ଏବଂ ଯୁବକବି ଶ୍ରୀଯୁକ୍ତ ଯୁଧିଷ୍ଠିର ଖମାରୀ ଙ୍କ ପ୍ରବନ୍ଧ ପୁସ୍ତକ ‘ତିରିଶ ଦିନେ ସାଫୁଲ ହେବାର ତରିକା’ ଉନ୍ମୋଚନ କରାଯାଇଥିଲା । ଗାୟତ୍ରୀ ଆବାସିକ ଶିକ୍ଷାନିକେତନ ର ପ୍ରଧାନ ଶିକ୍ଷକ ଶ୍ରୀଯୁକ୍ତ ପଙ୍କଜ ଖମାରୀ ଙ୍କ ସଭାପତିତ୍ୱରେ ଆୟୋଜିତ ସଭାରେ ବରିଷ୍ଠ ଲେଖକ ,ଐତିହାସିକ ତଥା ସଂଗ୍ରାହକ ଶ୍ରୀଯୁକ୍ତ ନିମାଇଁ ଚରଣ ପାଣିଗ୍ରାହୀ ମୁଖ୍ୟ ଅତିଥି,ଶିକ୍ଷାବିତ ବ୍ରଜମୋହନ ଦାନୀ, କୋଶଲ ସାହିତ୍ୟ ଓ ସଂସ୍କୃତି ଏକାଡେମୀ,ସୋନପୁର ସଭାପତି ଶ୍ରୀଯୁକ୍ତ ଗୋରେଖ ନାଥ ସାହୁ,ମହକ ନାଟ୍ୟ ଅନୁଷ୍ଠାନ,ପଲସାଗୋରା ସମ୍ପାଦକ ଶ୍ରୀଯୁକ୍ତ ଦିଲୀପ କୁମାର ମହାନ୍ତି,କଥାକାର ଭାଷା ଗବେଷକ ଶ୍ରୀଯୁକ୍ତ ଭାଗିରଥ ରଥ ପ୍ରମୁଖ ସମ୍ମାନିତ ଅତିଥି ଏବଂ କୋଶଲି ଭାଷା ସାହିତ୍ୟର ଅନନ୍ୟ ସାରଥୀ ତଥା ଯୁବକବି ଭାଷାବିତ ଡକ୍ଟର ସାକେତ ଶ୍ରୀଭୂଷଣ ସାହୁ ମୁଖ୍ୟବକ୍ତା ଭାବରେ ଯୋଗଦେଇ କୋଶଲୀ ଭାଷା ସାହିତ୍ୟର ବିଭିନ୍ନ ଦିଗ ଉପରେ ଅଲୋଚନା କରଥିଲେ ।ଯୁବକବି ରାଧେଶ୍ୟାମ ମିଶ୍ର ସ୍ୱାଗତ ସମ୍ଭାଷଣ ଓ ଅତିଥି ପରିଚୟ ପ୍ରଦାନ କରିଥିବାବେଳେ ‘କଦମଫୁଲ’ ପତ୍ରିକାର ମୁଖ୍ୟ ସମ୍ପାଦକ ଶ୍ରୀଯୁକ୍ତ ଯୁଧିଷ୍ଠିର ଖମାରୀ ବିବରଣୀ ପାଠ କରିଥିଲେ ।ଅପରାହ୍ନ ଦ୍ଵିତୀୟ ଅଧିବେଶନ ରେ କବି ଲକ୍ଷ୍ମୀ ନାରାୟଣ ସାହୁ ଏବଂ କବୟିତ୍ରୀ ଦେବଯାନୀ ମେସୁଆ ଙ୍କ ସଂଯୋଜନାରେ ଅନୁଷ୍ଠିତ କବିତା ପାଠୋତ୍ସବରେ ହୃଷିକେଶ ଚାନ୍ଦ, ମନୋଜ କୁମାର ମହାନ୍ତି,ଈଶ୍ୱର ଚନ୍ଦ୍ର ସାହୁ,ଅତିଥି ଭାବରେ ଯୋଗଦେଇ କବିମାନଙ୍କୁ ଉତ୍ସାହିତ କରିଥିଲେ ।ଏଥିରେ କୋଶଲାଞ୍ଚଳର ବହୁ କୋଶଲୀ କବି ଯୋଗଦେଇ ସ୍ବ ରଚିତ କବିତା ଆବୃତି କରିଥିଲେ ।ଶେଷରେ ଯୁବକବି ବାଙ୍କ ବିହାରି ମହାକୁର ଧନ୍ୟବାଦ ଅର୍ପଣ କରିଥିଲେ ।ଅନୁଷ୍ଠାନର କର୍ମକର୍ତା ସୌମିତ୍ରୀ କର୍ଣ୍ଣ,କୃପାସିନ୍ଧୁ ମହାକୁର,ପ୍ରଦୀପ ପ୍ରଧାନ,ରଞ୍ଜିତ ସେଠୀ, ଶାନ୍ତନୁ କୁମାର କର୍ଣ୍ଣ,ଆଖୋଜ କୁମାର ଷାଣ୍ଢ ପ୍ରମୁଖ ସହଯୋଗ କରିଥିଲେ ।ରିପୋର୍ଟ, ଉଗ୍ରସେନ କର୍ମୀ, ସୁବର୍ଣ୍ଣପୁର
ସୁବର୍ଣ୍ଣପୁର ଇପିଏରୁ ଉଗ୍ରସେନ କର୍ମୀ ଙ୍କ ରିପୋର୍ଟ
ଇପିଏ ନିଉଜ ( ଇଷ୍ଟର୍ଣ୍ଣ ପ୍ରେସ୍ ଏଜେନ୍ସି )
