ନୂଆଦିଲ୍ଲୀ : ‘ଗୋଟିଏ ପରିବାରରେ ସବୁ ବେଳେ କିଛି ନା କିଛି ସମସ୍ୟା ଦେଖାଯାଏ। କାହିଁକି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ନୀତିନ ଗଡ଼କରୀଙ୍କ ମଧ୍ୟରେ ଥିବା ମତଭେଦକୁ ଏଡ଼ାଇ ଦିଆଯାଉଛି?’ ପଞ୍ଜାବ ପ୍ରସଙ୍ଗରେ ପଚରାଯିବାରେ ଆଜି ଗଣମାଧ୍ୟମରେ ଏଭଳି ଢଙ୍ଗରେ ଉତ୍ତର ଦେଇଛନ୍ତି ତିନି ଦିନ ତଳେ କଂଗ୍ରେସରେ ଯୋଗ ଦେଇଥିବା ସେ କହିଛନ୍ତି, କଂଗ୍ରେସ ହେଉଛି ଏକ ମାତ୍ର ଦଳ ଯାହା ବିଜେପିକୁ ଟକ୍କର ଦେଇପାରିବ। ୨୦୨୪ ସାଧାରଣ ନିର୍ବାଚନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିପକ୍ଷରେ କିଏ ନେତୃତ୍ୱ ନେବ- ରାହୁଲ ଗାନ୍ଧି ନା ମମତା ବାନାର୍ଜୀ, ତାହା ଲୋକେ ନିଷ୍ପତ୍ତି କରି କଂଗ୍ରେସରେ ଯୋଗ ଦେବା ପ୍ରସଙ୍ଗରେ କହ୍ନେୟା କହିଛନ୍ତି, କଂଗ୍ରେସ ଏକ ବଡ଼ ଜାହାଜ। ଏହା ବଞ୍ଚିଲେ ଛୋଟ ଡଙ୍ଗା ବଞ୍ଚିବେ। ସେହିଭଳି ଲକ୍ଷ ଲକ୍ଷ ଯୁବକଯୁବତୀଙ୍କ ଭଳି ମୁଁ ବି ମନେ କରେ ଯେ ଯଦି କଂଗ୍ରେସକୁ ବଞ୍ଚାଇ ରଖାଯିବ ନାହିଁ, ତା’ହେଲେ ଦେଶ ବି ବଞ୍ଚିବ ନାହିଁ। ଦେଶ ଏବେ ୧୯୪୭ ପୂର୍ବାବସ୍ଥାକୁ ପଳାଇଲାଣି। କଂଗ୍ରେସ ହେଉଛି ଏକ ମାତ୍ର ଦଳ ଯାହା ମହାତ୍ମା ଗାନ୍ଧୀ ଓ ଭଗତ ସିଂହଙ୍କ ଆଦର୍ଶକୁ ଆଗେଇ ନେବ। ସେହିଭଳି ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ୍ କରିଛନ୍ତି। କହ୍ନେୟା କୁମାର କହିଛନ୍ତି, ପ୍ରଧାନମନ୍ତ୍ରୀ ମୋଦି ହେଉଛନ୍ତି ବର୍ତ୍ତମାନ ସମୟର ଗୋବିନ୍ଦା, ଯିଏ ତାଙ୍କ ପୋଷାକ ବାରମ୍ବାର ପରିବର୍ତ୍ତନ କରନ୍ତି। ଏବେ ଆମକୁ ତାଙ୍କ ବିରୋଧରେ ଲଢ଼ିବାକୁ ହେବ। ସମ୍ବିଧାନ ଓ ଦେଶକୁ ରକ୍ଷା କରିବା ଆମର ପ୍ରାଥମିକତା ହେବା ଉଚିତ୍।
ଇପିଏ ରୁ ବିରଞ୍ଚିନାରାୟଣ ପତ୍ରୀ ଙ୍କ ରିପୋର୍ଟ
ଇପିଏ ନିଉଜ ( ଇଷ୍ଟର୍ଣ୍ଣ ପ୍ରେସ୍ ଏଜେନ୍ସି )
