ବହୁଚର୍ଚ୍ଚିତ ମହାନଦୀ ମୁଣ୍ଡୁଳି ବ୍ୟାରେଜ ଗଜରାଜ ଉଦ୍ଧାର ଡଙ୍ଗା ବୁଡି ଘଟଣା ରେ ମୟୂରଭଞ୍ଜ ଜିଲ୍ଲାର ଠାକୁରମୁଣ୍ଡା ବ୍ଲକ ଅନ୍ତର୍ଗତ ମୁକ୍ତାଝରୀ ଗ୍ରାମର ଓଡ୍ରାଫ ସିପାହୀ ସହୀଦ ସିତାରାମ ମୁର୍ମୁ ଙ୍କ ପରିବାର କୁ ସହାୟତା ର ହାତ ବଢାଇଛନ୍ତି ମୟୂରଭଞ୍ଜ ଜିଲ୍ଲାର ଯବାନ ସଂଘ ଭଞ୍ଜ ଋଷିକା ଫଉଜି କଳା । ସୂଚନା ଅନୁଯାୟୀ ଶନିବାର ସନ୍ଧ୍ୟା ପ୍ରାୟ ୬ ଟା ବେଳେ ସଂଘ ର ସଦସ୍ୟ ଅବସରପ୍ରାପ୍ତ ଯବାନ ସୁପାଇ ମୁର୍ମୁ,ସି ଆଇ ଏସ୍ ଏଫ୍ ସାମାୟ ହାଁସଦା,ସି ଆର ପି ଏଫ୍ ସୁନାରାମ ମୁର୍ମୁ,ଏସ୍ ଏସ୍ ବି ମଙ୍ଗଲ ମାଝୀ, ଯବାନ ନନ୍ଦଲାଲ ମୁର୍ମୁ, ଯବାନ ଲକ୍ଷ୍ମଣ ଟୁଡୁ ଏବଂ କୁଳିଅଣା ବ୍ଲକ କୁଆବୁଡା ଗ୍ରାମପଞ୍ଚାୟତ ର ସରପଞ୍ଚ ସିମାଲ୍ ମୁର୍ମୁ ଠାକୁରମୁଣ୍ଡା ରେ ଆସି ପହଞ୍ଚିଥିଲେ। ସ୍ଥାନୀୟ ନୂଆସାହି ର ଭୀମସେନ ଟୁଡୁ ଏବଂ ଗୋବରଯୋଡା ର ଘାସିରାମ ମାଝୀ ଙ୍କ ସହାୟତା ରେ ସେମାନେ ସହୀଦ ସିତାରାମ ଙ୍କ ଗ୍ରାମ ମୁକ୍ତାଝରୀ ରେ ପହଞ୍ଚିଥିଲେ। ପରିବାର ର ସହୀଦ ସିତାରାମ ଙ୍କ ସ୍ତ୍ରୀ ଦାନଗି ମୁର୍ମୁ, ପୁଅ ଆଲୋକ ମୁର୍ମୁ, ଝିଅ ରାନି ମୁର୍ମୁ, ବାପା ଆଲ୍ଲାଣ ମୁର୍ମୁ ଙ୍କୁ ଭେଟି ସୁବିଧା ଅସୁବିଧା ବିଷୟରେ ପଚାରି ବୁଝିବା ସହ ସମବେଦନା ଜଣାଇଥିଲେ ।
ପରେ ସ୍ତ୍ରୀ ଦାନଗି ଙ୍କୁ ନଗଦ ୨୦ ହଜାର ଟଙ୍କାର ସହାୟତା ରାଶି ପ୍ରଦାନ କରିଥିଲେ। ଏହି ସମୟରେ ଠାକୁରମୁଣ୍ଡା ବ୍ଲକ ର ଉପାଧ୍ୟକ୍ଷା ଶୁଶ୍ରୀ ଯବାମଣୀ ଟୁଡୁ ପହଞ୍ଚି ପରିବାର ଲୋକଙ୍କୁ ଆଶ୍ଵାସନା ଦେବା ସହ କିଛି ଅର୍ଥ ରାଶି ସ୍ତ୍ରୀ ଦାନଗି ମୁର୍ମୁ ଙ୍କୁ ପ୍ରଦାନ କରିଥିଲେ । ଏହି ଅବସରରେ ସ୍ତ୍ରୀ ଦାନଗି କହିଥିଲେଯେ,ମୋ ଦୁଃଖ ଦୁର୍ଦ୍ଦଶା ଶୁଣି ଆପଣମାନେ ଆସି ମୋତେ ସହାୟତା କରୁଛନ୍ତି କିନ୍ତୁ ସରକାର କ’ଣ ପାଇଁ ଆଖି ବୁଜି ଦେଇଛନ୍ତି । ମୋ ସ୍ବାମୀ ସହୀଦ ହେବାର ଏତେ ଦିନ ପରେ ମଧ୍ୟ କାହିଁକି ମୋତେ ଅନୁକମ୍ପାମୂଳକ ସହାୟତା ମିଳି ନାହିଁ ବୋଲି ପ୍ରଶ୍ନ କରିଥିଲେ । ବ୍ଲକ ଉପାଧ୍ୟକ୍ଷା ତାଙ୍କ ପରିବାର କିପରି ସରକାର ଙ୍କ ଠାରୁ ସୁବିଧା ସୁଯୋଗ ପାଇବେ, ଅନୁକମ୍ପାମୂଳକ ସହାୟତା ରାଶି ପାଇପାରିବେ ସେହି ବିଷୟରେ ଉପସ୍ଥିତ ଯବାନ ମାନଙ୍କ ସହିତ ଆଲୋଚନା କରିଥିଲେ । ଏହି ଆଲୋଚନାରେ ଗ୍ରାମର ମୁଖିଆ ଭୀମ ମୁର୍ମୁ ଙ୍କ ସହିତ ବହୁ ଗ୍ରାମବାସୀ ଉପସ୍ଥିତ ଥିଲେ।
ମୟୁରଭଂଜ ଜିଲ୍ଲା ଇପିଏ ରୁମାନଗୋବିନ୍ଦ ପାଣିଗ୍ରାହୀଙ୍କ ରିପୋର୍ଟ
ଇପିଏ ନିଉଜ ( ଇଷ୍ଟର୍ଣ୍ଣ ପ୍ରେସ୍ ଏଜେନ୍ସି )
