ଜାତୀୟ କନ୍ୟା ସନ୍ତାନ ସପ୍ତାହ ପାଳନ ଅବସରରେ ସଚେତନତା ପଦଯାତ୍ରା
ଜିଲ୍ଲାପ୍ରଶାସନ ଓ ଜିଲ୍ଲା ସମାଜ କଲ୍ଯାଣ ବିଭାଗ ଏବଂ ଜିଲ୍ଲା ଶିଶୁ ସୁରକ୍ଷା ୟୁନିଟ ର ମିଳିତ ସହଯୋଗରେ ଜାତୀୟ ଶିଶୁ କନ୍ୟା ସପ୍ତାହ ପାଳନ ଅବସରରେ ବୁଧୁବାର ଦିନ ନବରଙ୍ଗପୁର ସହରରେ ଏକ ସଚେତନତା ପଦଯାତ୍ରା ଅନୁଷ୍ଠିତ ହୋଇଯାଇଛି । ଜିଲ୍ଲାପାଳଙ୍କ କାର୍ଯ୍ୟଳୟ ପରିସରରେ ଜିଲ୍ଲାପାଳ ଡଃ ମହେଶ୍ଵର ସ୍ଵାଇଁ ସବୁଜ ପତାକା ଦେଖାଇ ଏହି ସଚେତନତା ପଦଯାତ୍ରା କୁ ଶୁଭାରମ୍ଭ କରିଥିଲେ । ଜିଲ୍ଲା ସମାଜ କଲ୍ଯାଣ ଅଧିକାରୀ ଦ୍ରୌପଦୀ କହଁର ଙ୍କ ତତ୍ଵାବଧାନରେ ନବରଙ୍ଗପୁର ନର୍ସିଂ ମହାବିଦ୍ୟାଳୟର ଓ ବିଦ୍ୟାର୍ଥୀ ନର୍ସିଂ ମହାବିଦ୍ୟାଳୟ ଛାତ୍ର ଛାତ୍ରୀ ମାନେ ଏକ ପଦଯାତ୍ରାରେ ଜିଲ୍ଲାପାଳଙ୍କ କାର୍ଯ୍ୟଳୟ ରୁ ବାହାରି ବ୍ଲକ କାର୍ଯ୍ୟାଳୟ ପର୍ଯ୍ୟନ୍ତ ଯାଇଥିଲେ । ଶୋଭାଯାତ୍ରା କାରୀମାନେ କନ୍ୟା ଭୃଣହତ୍ୟା ବନ୍ଦ କର , ଝିଅ ହେଲେ ପାଠୋଇ ଦେଶ ଯିବଆଗେଇ , ଜାତୀୟ କନ୍ୟା ଦିବସ ପାଳନ କର,କନ୍ୟା ଅଟେ ଆମ ରତନ କରିବା ଆମେ ତାର ଯତନ,କନ୍ୟା ଅଟେ ଆମ ଦୁହିତା ପାଠ ପଢି ହେବା ଜଗତଜିତା , ଝିଅ କୁ କେବେ ନମଣ ସାନ, ଆଇନ ଆଖିରେ ପୁଅ ଝିଅ ସବୁ ସମାନ ,ଶିଶୁ ଅଧିକାର ଝିଅ କୁ ଦେବା ଲିଙ୍ଗ ଭେଦଭାବ ଦୂର କରିବା,ଝିଅ କୁ ଦିଅ ଶିକ୍ଷା ଓ ସମ୍ମାନ ରଖିବ ସିଏ ତୁମର ମାନ ସୁବିଧା ସୁଯୋଗ ଝିଅକୁ ଦିଅ ରାଷ୍ଟ୍ରପତି ବି ହୋଇବ ଝିଅ ଆଦି ସ୍ଲୋଗାନ ଦେଇ ସହର ପରିକ୍ରମା କରିଥିଲେ । ଏହି ଅବସରରେ ବ୍ଲକ କାର୍ଯ୍ୟାଳୟ ପରିସରରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା। ନବରଙ୍ଗପୁର ଗୋଷ୍ଠୀ ଉନ୍ନୟନ ଅଧିକାରୀ ସୁନୀଲି କୁମାର ଖରା , ଜିଲ୍ଲା ଶିଶୁ ସୁରକ୍ଷା ଅଧିକାରୀ ସୁରେଶ ପଟ୍ଟନାୟକ, ମନୋରମା ମାଝି ,ଜିଲ୍ଲା ମହିଳା ସୁରକ୍ଷା ଅଧିକାରୀ ରମା ପଟ୍ଟନାୟକ ଅତିଥି ଭାବେ ଯୋଗ ଦେଇ କନ୍ୟା ସନ୍ତାନ ଦିବସର ଗୁରୁତ୍ଵ ଉପରେ ଆଲୋକପାତ କରିବା ସହିତ ଝିଅ ମାନଙ୍କ ପ୍ରଗତି ପାଇଁ ହେଉଥିବା ସମସ୍ତ ପ୍ରଚେଷ୍ଟାର ସଫଳ ରୂପାୟନ କେବଳ ମାନସିକ ସ୍ତରରେ ଝିଅମାନଙ୍କୁ ସେମାନଙ୍କର ଅଧିକାର ଦେଲେ ହିଁ ସଫଳ ହେବ ବୋଲି ମତବ୍ୟକ୍ତ କରିଥିଲେ । ଅନ୍ୟ ମାନଙ୍କ ମଧ୍ୟରେ ଜିଲ୍ଲା ସଂଯୋଜକ ୟୁନିସେଫ , ମହିଳା ସଶକ୍ତି କରଣ ହବ ର ସଂଯୋଜିକା ସରିତା ରାଣୀ ପାଣି, ଆର୍ଥିକ ସାକ୍ଷରତା ବିଶେଷଜ୍ଞ ସସ୍ମିତା ପାତ୍ର , ଲିଙ୍ଗ ସମ୍ବେଦନଶୀଳତା ବିଶେଷଜ୍ଞ ପ୍ରୀତି କୁମାରୀ ବାଘ ନବରଙ୍ଗପୁର ଶକ୍ତି ସଦନ କେନ୍ଦ୍ରର କର୍ମ କର୍ତ୍ତା, ଚାଇଲ୍ଡ ଲାଇନ ର ସଂଯୋଜିକା, ଶିଶୁ ଅଧିକାର ସହଯୋଗୀ ଆଭା ୱାନଷ୍ଟପ ସେଣ୍ଟର ପକ୍ଷରୁ ରଞ୍ଜିତା ସାହୁ , ଓକିଲ କିଶୋରୀ ପଟ୍ଟନାୟକ ପ୍ରମୁଖ୍ୟ ବକ୍ତା ମାନେ ସମାଜରେ ମହିଳା ମାନଙ୍କର ସମସ୍ଯା ବିଶେଷ କରି କିଶୋରୀ ବାଳିକା ମାନେ ସେମାନଙ୍କ ଜୀବନରେ ଯେଉଁ ସବୁ ସମସ୍ୟାର ସମ୍ମୁଖୀନ ହେଉଛନ୍ତି ତାହାକୁ ଦୃଢ ଭାବରେ ମୁକାବିଲା କରି ଆଗକୁ ଚାଲିବା ସହିତ , ସେମାନଙ୍କର ମାନବିକ ଅଧିକାରକୁ ଅକ୍ଷୁଣ୍ଣ ରଖିବା ,ସମସ୍ତ ଶିଶୁ କନ୍ୟା ମାନେ ଯେପରି ସମାନ ଭାବରେ ଶିକ୍ଷା ପାଇପାରିବେ ଏହି ସବୁ ବିଷୟରେ ଆଲୋଚନା କରିଥିଲେ ।
ରିପୋର୍ଟ:ନବରଙ୍ଗପୁର ଜିଲ୍ଲା ଈପିଏରୁ ତିରୁମାଲା ପ୍ରସାଦ ପଟ୍ଟନାୟକ
