ପୁଣି ଚଳନ୍ତା ଟ୍ରେନ୍ ରେ ଲାଗିଲା ନିଆଁ
ପୁଣି ଚଳନ୍ତା ଟ୍ରେନ୍ ରେ ଲାଗିଲା ନିଆଁ। ପୁରୀ ହୁଳହୁଳିଆ ପୋଲ ମଝିରେ ଚଳନ୍ତା ଟ୍ରେନ୍ ରେ ନିଆଁ ଲାଗିଥିବା ବେଳେ ଏହାକୁ ଆୟତ୍ତ କରିବାରେ ସଫଳ ହୋଇଥିଲେ ରେଳ କର୍ମଚାରୀ। ତେବେ ଏଥିରେ କାହାର କୌଣସି କ୍ଷୟକ୍ଷତି ହୋଇନଥିବା ସୂଚନା ଦେଇଛନ୍ତି ଜିଆରପି ଅଧିକାରୀ ସନ୍ତୋଷ କୁମାର ବାହିନୀପତି। ଜିଆରପି ଅଧିକାରୀଙ୍କ ସୂଚନା ଅନୁଯାୟୀ ଆଜି ୧୧ ଟା ୫୫ ମିନିଟ୍ ସମୟରେ ଅନୁଗୋଳ-ପୁରୀ ପାସେଞ୍ଜର ଟ୍ରେନ୍ ମାଳତୀପାଟପୁର ଷ୍ଟେସନରେ ପହଞ୍ଚିଥିଲା। ସେଠାରୁ ଟ୍ରେନ୍ ଛାଡିବା ପରେ ହୁଳହୁଳିଆ ପୋଲ ମଝିରେ ଟ୍ରେନ ରେ ନିଆଁ ଲାଗିଥିବା ଜଣାପଡିଥିଲା। ଟାକ୍ସନ ମୋଟରରେ କିଛି ଅସୁବିଧା ହେବାରୁ ଏହି ନିଆଁ ଲାଗିଥିଲା। ତେବେ ରେଳ କର୍ମଚାରୀ ତୁରନ୍ତ ନିଆଁକୁ ଆୟତ୍ତ କରିବା ସହ ଯାତ୍ରୀ ମାନଙ୍କୁ ଭୟଭୀତ ନହେବା ପାଇଁ ସୂଚନା ଦେଇଥିଲେ। ତେବେ କେଉଁ ସ୍ଥିତିରେ ଏହି ଅଘଟଣ ଘଟିଥିଲା ସେନେଇ ରେଳ ବିଭାଗ ପକ୍ଷରୁ ତଦନ୍ତ କରାଯିବ ବୋଲି କହିଛନ୍ତି ଜିଆରପି ଅଧିକାରୀ।
ପୁରୀ ଇପିଏ ରୁ ସୌଭାଗ୍ୟ ପଟ୍ଟନାୟକ ଙ୍କ ରିପୋର୍ଟ
ଇପିଏ ନିଉଜ ( ଇଷ୍ଟର୍ଣ୍ଣ ପ୍ରେସ ଏଜେନ୍ସି )
