ସ୍ୱାତୀ କେଜରିୱାଲ ଆଇଏନ୍ଡବ୍ଲ୍ୟୁଇସିର ଆବାହିକା
ଭୁବନେଶ୍ୱର: ଆଇସିସି ଜାତୀୟ ମହିଳା ଉଦ୍ୟୋଗୀ ପରିଷଦ (ଆଇଏନଡବ୍ଲ୍ୟୁଇସି), ଇଣ୍ଡିଆନ୍ ଚାମ୍ବର ଅଫ୍ କିମର୍ସ (ଆଇସିସି)ର ତତ୍ତ୍ୱାବଧାନରେ ପରିବର୍ତ୍ତନ ଓ ସଂସ୍ଥାପନ ଉତ୍ସବ ୨୦୨୬ ଭୁବନେଶ୍ୱରରେ ଅନୁଷ୍ଠିତ ହୋଇଯାଇଛି। ଏହି ଅବସରରେ ନୂତନ କାର୍ଯ୍ୟକର୍ତ୍ତା ଘୋଷଣା ଏବଂ ଭିଜନ ୨୦୨୬-୨୮ ଉନ୍ମୋଚିତ ହୋଇଥିଲା। କାର୍ଯ୍ୟକ୍ରମରେ ଆଇସିସି ଅଧ୍ୟକ୍ଷ ରାଜୀବ ସାହୁ,ବରିଷ୍ଠ ଉପାଧ୍ୟକ୍ଷ ଧର୍ମାଦିତ୍ୟ ପଟ୍ଟନାୟକ, ଆଇସିସି ରାଜ୍ୟ ପରିଷଦ ଉପାଧ୍ୟକ୍ଷ ନୀଳାଞ୍ଜନାମୁଖାର୍ଜୀ, ଯୁଗ୍ମ ନିର୍ଦ୍ଦେଶକ ଜେପି ପାଲ ଏବଂ କ୍ଷେତ୍ରୀୟ ମୁଖ୍ୟ ପ୍ରମୁଖ ଯୋଗ ଦେଇଥିଲେ। ସମାରୋହରେ ବିଦାୟୀ ଆବାହିକା ପ୍ରୀତି ପଲ୍ଲବୀ ପଟ୍ଟନାୟକ ଙ୍କୁ ସମ୍ମାନୀତ କରାଯାଇଥିଲା । ଏକ ନୂତନ ଅଧ୍ୟାୟର ଆରମ୍ଭ କରି ସିଏ ସ୍ୱାତୀ କେଜରିୱାଲ, ପରିଚାଳନା ସହଯୋଗୀ, ଓମ୍ କେଜରିୱାଲ ଏବଂ କମ୍ପାନୀ ଆବାହିକା ଭାବରେ କାର୍ଯ୍ୟଭାର ଗ୍ରହଣ କରିଥିଲେ । ସୁମା ଦେବୀ ଦାଶ ଓ ଜୋସେପ୍ସ ସହ–ଆବାହିକା ଭାବରେ କାର୍ଯ୍ୟଭାର ଗ୍ରହଣ କରିଥିଲେ। ସେମାନଙ୍କ ନେତୃତ୍ୱରେ,ଆଇଏନ୍ଡବ୍ଲ୍ୟୁଇସିର ଅଭିବୃଦ୍ଧି, ସହଯୋଗ ଓ ନେତୃତ୍ୱ ବିକାଶ ଉପରେ ଅଧିକ ଧ୍ୟାନ ଦେବାକୁ ଲକ୍ଷ୍ୟ ରଖିଛି। ସିଏ ସ୍ୱାତୀ କେଜରିୱାଲ କହିଛନ୍ତି ମହିଳା ଉଦ୍ୟୋଗୀମାନେ ନେତା, ନିଷ୍ପତ୍ତି ନିର୍ମାତା ଓ ମୂଲ୍ୟ ସୃଷ୍ଟିକାରୀ। ଆଇଏନ୍ଡବ୍ଲ୍ୟୁଇସି ସ୍କେଲ, ପ୍ରବେଶ ଓ ପ୍ରଭାବକୁ ସକ୍ଷମ କରିବା ପାଇଁ ଏକ ଉତ୍ପ୍ରେରକ ଭାବେ କାର୍ଯ୍ୟକରିବ। ଭିଜନ ୨୦୨୬-୨୮ର ଉନ୍ମୋଚନ ଆଇଏନ୍ଡବ୍ଲ୍ୟୁଇସିର ଯାତ୍ରାରେ ଏକ ନିର୍ଣ୍ଣାୟକ ମାଇଲଖୁଣ୍ଟ ଭାବରେ ଚିହ୍ନିତ କରିଥିଲା।
