କମର୍ସ ମେରିଟ ଏକାଡେମୀ ର ୭ମ ବାର୍ଷିକ ଉତ୍ସବ ଲୋହିଆ ଏକାଡେମୀ
ସତ୍ୟନଗର ସ୍ଥିତ କମର୍ସ ମେରିଟ ଏକାଡେମୀ ର ୭ମ ବାର୍ଷିକ ଉତ୍ସବ ଲୋହିଆ ଏକାଡେମୀ ଠାରେ ଅନୁଷ୍ଠିତ ହୋଇଯାଇଅଛି। ଏଥିରେ ମୁଖ୍ୟ ଅତିଥି ଭାବେ ଡ. ଭାଗବତ ଶୁକ୍ଲ ଯୋଗଦେଇ ନୂତନ ପିଢ଼ି ପାଇଁ କମର୍ସ ର ଉପୋଯୋଗୀତା ସମ୍ପର୍କରେ ଆଲୋକପାତ କରିଥିଲେ। ଏତଦ୍ ବ୍ୟତୀତ ଶ୍ରୀ. ଜଗନ୍ନାଥ ପ୍ରଧାନ, ଶ୍ରୀ. ନିଶିକାନ୍ତ ମହାପାତ୍ର, ଶ୍ରୀ. ରୁଦ୍ର ନାରାୟଣ ସାମନ୍ତରାୟ, ଡ. ଅନିନ୍ଦିତା ଦାସ, ଡ. ସଂଯୁକ୍ତା ସାହୁ ଓ ଡ. ରୋନିଶ୍ମିତା ମିଶ୍ର ଆଦି ଯୋଗଦେଇ କମର୍ସ ର ବିଭିନ୍ନ ଦିଗ ପ୍ରତି ଆଲୋଚନାପୂର୍ବକ ସୂଚନା ପ୍ରଦାନ କରିଥିଲେ। କମର୍ସ ମେରିଟ ଏକାଡେମୀ ର ନିର୍ଦ୍ଦେଶକ ଶ୍ରୀ.କ୍ଷୀତିଶ କୁମାର ମହାପାତ୍ର ଏକାଡେମୀ ସମ୍ବନ୍ଧରେ ବିସ୍ତୃତ ଭାବେ ଆଲୋକପାତ କରିଥିଲେ। ଏହାପରେ ବିଭିନ୍ନ ଉଚ୍ଚବିଦ୍ୟାଳୟର ନିମନ୍ତ୍ରିତ ଶିକ୍ଷକ ଓ ଶିକ୍ଷୟିତ୍ରୀ ମାନଙ୍କୁ ଅନୁଷ୍ଠାନର ଅଧ୍ୟାପକ ଶ୍ରୀ. ସମୀର ଗଛାୟତ, ଶ୍ରୀ. ମନୋରଞ୍ଜନ ତ୍ରିପାଠୀ, ଶ୍ରୀ. ନିମାଇଁ ଚରଣ ନାୟକ, ଶୁଭଶ୍ରୀ ବେହେରା, ଶୁଭଲକ୍ଷ୍ମୀ ମହାନ୍ତି ଓ ପୂର୍ବାଶା ନାୟକ ପ୍ରବୃତ୍ତି ସମ୍ବର୍ଦ୍ଧିତ କରିଥିଲେ। ଏହାର ମୁଖ୍ୟ ଆକର୍ଷଣ କୁଇଜ୍ ପ୍ରତିଯୋଗିତାରେ କୃତକାର୍ଯ୍ୟ ହୋଇଥିବା ଦଶମ ଶ୍ରେଣୀ ଛାତ୍ରଛାତ୍ରୀ ମାନଙ୍କୁ ଅତିଥିମାନଙ୍କ ଦ୍ଵାରା ପୁରସ୍କୃତ କରାଯାଇଥିଲା। ଏତଦ୍ ବ୍ୟତୀତ ବିଦ୍ୟା ଓ ବିକାଶ ଚାରିଟେବୁଲ ଟ୍ରଷ୍ଟ ର ଲୋଗୋ ମୁଖ୍ୟ ଅତିଥିଙ୍କ ଦ୍ଵାରା ଉନ୍ମୋଚନ କରାଯାଇଥିଲା। ଏହି ଚାରିଟେବୁଲ ଟ୍ରଷ୍ଟ ର ମୂଳ ଲକ୍ଷ୍ୟ ହେଲା ନବମ ଓ ଦଶମ ଶ୍ରେଣୀ ଗରିବ ମେଧାବୀ ଛାତ୍ରଛାତ୍ରୀ ମାନଙ୍କୁ ବିନାମୂଲ୍ୟରେ ଶିକ୍ଷାଦାନ କରିବା। ଶେଷରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
ଇପିଏ ନିଉଜ ( ଇଷ୍ଟର୍ଣ୍ଣ ପ୍ରେସ ଏଜେନ୍ସି )
