କାର ଦୁର୍ଘଟଣା ରେ ଚାରି ଜଣ ଗୁରୁତର l

ବୌଦ୍ଧ –ଭାରସାମ୍ୟ ହରାଇ ଗଛରେ ପିଟି ହେଲା କାର । ଚାରି ଜଣ ଯୁବକ ଗୁରୁତର । ଗୁରୁତର ଯୁବକ ଙ୍କୁ ପ୍ରଥମେ ପୁରୁଣାକଟକ ସ୍ୱାସ୍ଥ୍ୟକେନ୍ଦ୍ର ଓ ପରେ ବୌଦ୍ଧ ଜିଲ୍ଲା ମୁଖ୍ୟ ଡାକ୍ତରଖାନା କୁ ସ୍ଥାନାନ୍ତର କରାଯାଇଛି । ଚାରି ଜଣ ଯୁବକ ହେଲେ ବୌଦ୍ଧ ସହରର ଶ୍ରୀରାମ ଅଗ୍ରୱାଲ , କ୍ରିସ୍ ଅଗ୍ରୱାଲ , ଧ୍ରୁବ ସାହୁ ଓ ରୋହିତ ସାହୁ। ବୌଦ୍ଧ କନ୍ଧମାଳ ସୀମାନ୍ତ ଘୋଡାଡିଆଁ ନିକଟରେ ଦୁର୍ଘଟଣା ଟି ଘଟିଥିବା ବେଳେ ଗାଡି ଟି ବୌଦ୍ଧ ରୁ ଫୁଲବାଣୀ ଅଭିମୁଖେ ଯାଉଥିଲା । ସୂଚନାମୁତାବକ ବୌଦ୍ଧ ସହରର ଚାରିଜଣ ଯୁବକ ଗତକାଲି ରାତିରେ ବୌଦ୍ଧ ରୁ ଫୁଲବାଣୀ ଅଭିମୁଖେ ବାହାରିଥିବା ବେଳେ ପୁରୁଣାକଟକ ଥାନା ଅନ୍ତର୍ଗତ ଘୋଡାଡିଆଁ ନିକଟରେ ଭାରସାମ୍ୟ ହରାଇ କାର ଟି ରାସ୍ତା କଡରେ ଥିବା ଏକ ଗଛ କୁ ଧକ୍କା ଦେଇଥିଲା । ଫଳରେ ଚାରି ଜଣ ଯୁବକ ଗୁରୁତର ହୋଇଥିଲେ । ପରେ ଆମ୍ବୁଲାନ୍ସ ଯୋଗେ ଯୁବକମାନଙ୍କୁ ବୌଦ୍ଧ ମୁଖ୍ୟ ଡାକ୍ତରଖାନା ରେ ଭର୍ତ୍ତି କରାଯାଇଥିଲା । ଦୁଇ ଜଣ ଯୁବକ ଙ୍କ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବୁର୍ଲା ସ୍ଥାନାନ୍ତର କରାଯାଇଥିବା ଜଣାପଡ଼ିଛି । ଘଟଣା ସ୍ଥଳରେ ପୁରୁଣାକଟକ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।

ସୁବର୍ଣପୁର ଇପିଏ ରୁ ଉଗ୍ରସେନ କର୍ମୀ ଙ୍କ ରିପୋର୍ଟ
ଇପିଏ ନିଉଜ ( ଇଷ୍ଟର୍ଣ୍ଣ ପ୍ରେସ ଏଜେନ୍ସି )