April 3, 2025
Home » ଖଲ୍ଲିକୋଟ ମହାବିଦ୍ୟାଳୟ ୧୯୮୫ ସ୍ନାତକ ବ୍ୟାଚ୍ ପକ୍ଷରୁ ଡ. ଶଙ୍କର ମାଝିଙ୍କୁ ସମ୍ବର୍ଦ୍ଧନା

ଖଲ୍ଲିକୋଟ ମହାବିଦ୍ୟାଳୟ ୧୯୮୫ ସ୍ନାତକ ବ୍ୟାଚ୍ ପକ୍ଷରୁ ଡ. ଶଙ୍କର ମାଝିଙ୍କୁ ସମ୍ବର୍ଦ୍ଧନା

0

ଦକ୍ଷିଣାଞ୍ଚଳର ସର୍ବବୃହତ୍ ଶିକ୍ଷାୟତନ ଖଲ୍ଲିକୋଟ ମହାବିଦ୍ୟାଳୟ ୧୯୮୫ ମସିହା ସ୍ନାତକ ବ୍ୟାଚ୍ ଛାତ୍ରଛାତ୍ରୀଙ୍କ ପକ୍ଷରୁ ‘ଉତ୍କଳ ଆଶ୍ରମ’ ସଭାଗୃହରେ ଏକ ଭବ୍ୟ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି l ବ୍ରହ୍ମପୁର ବିଶ୍ୱବିଦ୍ୟାଳୟ ପ୍ରାଶାସନିକ ବରିଷ୍ଠ ବିଭାଗୀୟ ଅଧିକାରୀ ଡକ୍ଟର୍ ଶଙ୍କର ମାଝୀଙ୍କୁ ଉପଢୌକନ, ପ୍ରଶସ୍ତିପତ୍ର ଓ ପୁଷ୍ପଗୁଛ ପ୍ରଦାନ ପୂର୍ବକ ସମ୍ବର୍ଦ୍ଧନା ପ୍ରଦାନ କରିଥିଲେ l ଲୋକସେବକ ମଣ୍ଡଳ ଆଜୀବନ ସଦସ୍ୟ ରାଜେନ୍ଦ୍ର କୁମାର ଜେନାଙ୍କ ପୌରୋହିତ୍ୟରେ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଥିଲା l ଏହି ଉତ୍ସବରେ ବ୍ରହ୍ମପୁର ଆଞ୍ଚଳିକ ଉଚ୍ଚଶିକ୍ଷା ନିର୍ଦ୍ଦେଶକ ଡ. ସିଦ୍ଧାର୍ଥ ଶଙ୍କର ପାଢ଼ୀ ଉଦ୍ଘାଟକ, ଖ୍ୟାତିପ୍ରାପ୍ତ ଐତିହାସିକ ତଥା ପ୍ରବାଚକ ପ୍ରଫେସର୍ ମଦନ ମୋହନ ମହାପାତ୍ର ମୁଖ୍ୟଅତିଥି, ଏମ୍.କେ.ସି.ଜି. ଭେଷଜ ମହାବିଦ୍ୟାଳୟ ଅନ୍ତଃସ୍ରାଵୀ ବିଭାଗ ମୁଖ୍ୟ ପ୍ରଫେସର୍ ଡ. ପି. ରବିକୁମାର, ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦକ୍ଷିଣାଞ୍ଚଳ ଉପସଚିବ ଡ. କୁଳମଣି ଓଝା ଓ ଆଞ୍ଚଳିକ ଉଚ୍ଚ ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟ ଉପ-ନିର୍ଦ୍ଦେଶକ ସୁଶାନ୍ତ ଦାସ ପ୍ରମୁଖ ସମ୍ମାନିତ ଅତିଥି ରୂପେ ଯୋଗଦେଇ ଡ. ଶଙ୍କର ମାଝିଙ୍କ ସଂଗଠନିକ ଦକ୍ଷତା, ଉତ୍ସର୍ଗୀକୃତ ସେବାପରାୟଣତା, ସମାଜର ସବୁ ବର୍ଗ ସହ ବନ୍ଧୁତାପୂର୍ଣ୍ଣ ସଂପର୍କ ସ୍ଥାପନ ଓ ସର୍ବୋପରି ପରୋପକାର ଗୁଣ ସଂପର୍କରେ ଆଲୋକପାତ କରିଥିଲେ l ମୁଖ୍ୟଅତିଥି ପ୍ରଫେସର୍ ମହାପାତ୍ର ତାଙ୍କ ବକ୍ତବ୍ୟରେ ଡ. ମାଝିଙ୍କ ଦୀର୍ଘ ନିରାମୟ ଜୀବନ କାମନା କରିଥିଲେ l ଶିକ୍ଷା ପରିଷଦର ଦକ୍ଷିଣାଞ୍ଚଳ ଉପସଚିବ ଡ. କୁଳମଣି ଓଝା ଏହି ସମ୍ବର୍ଦ୍ଧନା ଉତ୍ସବରେ ସମ୍ମାନିତ ଅତିଥି ରୂପେ ଡ. ହୃଷୀକେଶ ପଣ୍ଡା ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିବା ବେଳେ ଡ. ସଞ୍ଜୟ କୁମାର ପଣ୍ଡା ପ୍ରଶସ୍ତିପତ୍ର ପାଠ କରିଥିଲେ l କଳିଙ୍ଗ ବିଦ୍ୟାମନ୍ଦିର ର ଛାତ୍ରୀମାନେ ପ୍ରାରମ୍ଭିକ ସଙ୍ଗୀତ ଗାନ କରିଥିଲେ।

ଖଲ୍ଲିକୋଟ ମହାବିଦ୍ୟାଳୟ ୧୯୮୫ ସ୍ନାତକ ବ୍ୟାଚ୍ ପକ୍ଷରୁ ପଚାଶରୁ ଊର୍ଦ୍ଧ୍ଵ ପୁରାତନ ଛାତ୍ରଛାତ୍ରୀ ଏହି ଉତ୍ସବରେ ସାମିଲ୍ ହୋଇ ଡ. ମାଝିଙ୍କୁ ହାର୍ଦ୍ଦିକ ଶୁଭେଚ୍ଛା ଓ ଅଭିନନ୍ଦନ ଜ୍ଞାପନ କରିଥିଲେ l ଅନ୍ୟମାନଙ୍କ ମଧ୍ୟରେ କଳିଙ୍ଗ ସାହିତ୍ୟ ସମାଜ ପକ୍ଷରୁ ଡ. ବନମାଳୀ ପାଣିଗ୍ରାହୀ, ଡ. କୃଷ୍ଣପ୍ରସାଦ ମହାପାତ୍ର, ନଳିନୀକାନ୍ତ ଗୌଡ଼, ଆନ୍ଧ୍ରପ୍ରଦେଶ ପୋଡ଼ମପେଟା ସରକାରୀ ମହାବିଦ୍ୟାଳୟ ଅଧ୍ୟକ୍ଷ ଡ. ସୁଶାନ୍ତ ଜେନା, ଗବେଷକ ଡ. ଅନନ୍ତରାମ କର (କୌଣ୍ଡିନ୍ୟ), ବିଶ୍ୱବିଦ୍ୟାଳୟ ଯୁଗ୍ମ କୁଳସଚିବ ଡ. ବାବୁଜୀ ସାମଲ, ଉପକୁଳସଚିବ ଡ. ସରୋଜ କୁମାର , ଡ. ମିହିର ତ୍ରିପାଠୀ, ଡ. ପ୍ରଫୁଲ୍ଲ ଦଳେଇ, ଡ. ଗଣପତି ଚୋୖଧୁରୀ ,ଶ୍ରୀମତୀ ସଂଯୁକ୍ତା ବେହେରା, ହାଇଦ୍ରାବାଦରୁ ଆସିଥିବା ସହାଧ୍ୟାୟିନୀ କେ. ନବୀନାଙ୍କ ପୁତ୍ର ନଚିକେତା, ଡ. ଅଭୟ କେଶରୀ ପରିଚ୍ଛା ପଟ୍ଟନାୟକ, ଡ. ପ୍ରସନ୍ନ କୁମାର ବିଷୋୟୀ, ଡ. ପୁଷ୍ପଲତା ସାହୁ, ଡ. ଅଶୋକ କୁମାର ପଣ୍ଡାଙ୍କ ସମେତ କଳିଙ୍ଗ ବିଦ୍ୟାମନ୍ଦିର ର ସମ୍ପାଦକ ହରି କୃଷ୍ଣ କୋଠିଆ , ପ୍ରଧାନ ଶିକ୍ଷୟତ୍ରୀସର୍ମୀଳା ପଟ୍ଟନାୟକ ,ମାରୁତି ମର୍ଣ୍ଣି° ୱାର୍କସ୍ କ୍ଲବ୍, ପୂର୍ବତନ ସେନା ଅଧିକାରୀ ସଂଘ, ବ୍ରହ୍ମପୁର କ୍ରୀଡ଼ା ସଂସଦର ବହୁ କାର୍ଯ୍ୟକର୍ତ୍ତା ଡ. ମାଝିଙ୍କୁ ପୁଷ୍ପସ୍ତବକ ଓ ଉପାୟନ ପ୍ରଦାନ ପୂର୍ବକ ସମ୍ବର୍ଦ୍ଧିତ କରିଥିଲେ l ଡ. ରମେଶ ଚନ୍ଦ୍ର ପ୍ରଧାନ ଅତୀତର ସ୍ମୃତିଚାରଣ ପୂର୍ବକ ଶେଷରେ ଆନୁଷ୍ଠାନିକ ଭାବେ ଧନ୍ୟବାଦ ଅର୍ପଣ କରିଥିଲେ l

ବ୍ରହ୍ମପୁର ଈପିଏରୁ ନରସିଂହ ଡାକୁଆ ଙ୍କ ରିପୋର୍ଟ
ଇପିଏ ନିଉଜ ( ଇଷ୍ଟର୍ଣ୍ଣ ପ୍ରେସ ଏଜେନ୍ସି )

Leave a Reply

Your email address will not be published. Required fields are marked *