ଖୋର୍ଦ୍ଧାରୋଡ୍ ରେଳ ମଣ୍ଡଳ ପକ୍ଷରୁ ବ୍ୟାପକ ଟିକେଟ ଯାଞ୍ଚ ଅଭିଯାନ।

ଖୋର୍ଦ୍ଧା-ଜଟଣୀ : ଟ୍ରେନରେ ବିନା ଟିକେଟ ଯାତ୍ରାକୁ ରୋକିବା ପାଇଁ ଖୋର୍ଦ୍ଧାରୋଡ୍ ରେଲ ମଣ୍ଡଳ ପକ୍ଷରୁ ଡିଭିଜନର ବିଭିନ୍ନ ରେଳ ଷ୍ଟେସନରେ ଏକ ବ୍ୟାପକ ଟିକେଟ ଯାଞ୍ଚ ଅଭିଯାନ ଆରମ୍ଭ କରାଯାଇଛି।

ଏହି ପଦକ୍ଷେପ, ପ୍ରକୃତ ଟିକେଟ ଧାରୀ ଯାତ୍ରୀ ମାନଙ୍କୁ ଆରାମ ଦାୟକ ଏବଂ ସୁରକ୍ଷିତ ଯାତ୍ରା ସୁନିଶ୍ଚିତ କରିବା ପାଇଁ ଖୋର୍ଦ୍ଧାରୋଡ୍ ଡିଭିଜନର ପ୍ରତିବଦ୍ଧତାର ଏକ ଅଂଶ।

ଏହି ଟିକେଟ୍ ଯାଞ୍ଚ ଅଭିଯାନରେ ଖୋର୍ଦ୍ଧାରୋଡର ବରିଷ୍ଠ ବିଭାଗୀୟ ବାଣିଜ୍ୟିକ ପ୍ରବନ୍ଧକ ଶ୍ରୀ ଅନିଲ କୁମାର ଏସ୍ ଙ୍କ ମାର୍ଗଦର୍ଶନରେ ପରିଚାଳିତ ହେଉଛି, ଯେଉଁଥିରେ ବାଣିଜ୍ୟିକ ଅଧିକାରୀ, ଟିକେଟ୍ ଯାଞ୍ଚ କର୍ମଚାରୀ ଏବଂ ରେଳ ସୁରକ୍ଷା ବାହିନୀ ସାମିଲ ଅଛନ୍ତି।

ଗତ ଦଶ ଦିନ ମଧ୍ୟରେ କଟକ, ଭୁବନେଶ୍ୱର, ବାଣୀବିହାର, କଣାସ ରୋଡ଼, ଲିଙ୍ଗରାଜ ଟେମ୍ପୁଲ ରୋଡ଼ ଆଦି ରେଳ ଷ୍ଟେସନ ଓ ପାସେଞ୍ଜର ହଲ୍ଟ ରେ ଟିକେଟ୍ ଯାଞ୍ଚ ଅଭିଯାନ କରାଯାଇଛି।

କଟକ ରେଳ ଷ୍ଟେସନରେ ଟିକେଟ ଯାଞ୍ଚ ଅଭିଯାନ ସମୟରେ,ବିନା ଟିକେଟରେ ଯାତ୍ରା କରିବାର ୧୦୫ ଟି ମାମଲା ଚିହ୍ନଟ ହୋଇଥିଲା ଏବଂ ଏହି ଯାତ୍ରୀ ମାନଙ୍କ ଠାରୁ ଭଡା ବାବଦକୁ ଜୋରିମାନା ସହିତ ୭୩,୮୪୦ ଟଙ୍କା ଆଦାୟ କରାଯାଇଥିଲା।

ସେହିପରି ଭୁବନେଶ୍ୱରରେ ୫୧ ଜଣ ଅନଧିକୃତ ଯାତ୍ରୀଙ୍କ ଠାରୁ ୧୪,୧୨୫ ଟଙ୍କା, ବାଣୀବିହାର ରେ ୯୨ ଜଣ ଯାତ୍ରୀଙ୍କ ଠାରୁ ୩୧,୦୧୫ ଟଙ୍କା,କଣାସ ରୋଡରେ ୮୪ ଜଣ ଯାତ୍ରୀଙ୍କ ଠାରୁ ୨୬,୧୬୭ ଟଙ୍କା ଏବଂ ଲିଙ୍ଗରାଜ ଟେମ୍ପୁଲ ରୋଡ଼ ରେ ୯୨ ଜଣ ଯାତ୍ରୀଙ୍କଠାରୁ ୨୮,୨୨୦ ଟଙ୍କା ଜରିମାନା ଆଦାୟ କରାଯାଇଛି।

ଆଗାମୀ ଦିନରେ ଖୋର୍ଦ୍ଧାରୋଡ୍ ଡିଭିଜନର ବିଭିନ୍ନ ରେଳ ଷ୍ଟେସନରେ ନିୟମିତ ଟିକେଟ ଯାଞ୍ଚ ଅଭିଯାନ ଆୟୋଜନ କରିବାକୁ ମଧ୍ୟ ଯୋଜନା କରାଯାଇଛି।

ଶ୍ରୀ ଅନିଲ କୁମାର ଏସ୍., ବରିଷ୍ଠ ବିଭାଗୀୟ ବାଣିଜ୍ୟିକ ପରିଚାଳକ କହିଛନ୍ତି ଯେ ଏହି ଟିକେଟ୍ ଯାଞ୍ଚ ଅଭିଯାନ ଦ୍ବାରା ପ୍ରକୃତ ଯାତ୍ରୀ ମାନଙ୍କୁ ଆରାମ ଦାୟକ ଯାତ୍ରା ପ୍ରଦାନ କରିବା, ସେମାନଙ୍କର ସୁରକ୍ଷା ଓ ସେବାର ଗୁଣବତ୍ତା ବୃଦ୍ଧି କରିବା ପାଇଁ ଏକ ଠୋସ୍ ପ୍ରୟାସ। ଯାତ୍ରା ସମୟରେ କୌଣସି ଅସୁବିଧାକୁ ଏଡାଇବା ପାଇଁ, ସେ ସମସ୍ତ ରେଳ ଯାତ୍ରୀ ମାନଙ୍କୁ ବିନମ୍ରତାର ସହିତ ଅନୁରୋଧ କରିଛନ୍ତି।