ଗୁଣ ନିଶ୍ଚିତତା ପ୍ରଭାଗରେ ବିଶ୍ବକର୍ମାଙ୍କ ପୂଜା ଉତ୍ସବ
ବ୍ରହ୍ମପୁର, : ସ୍ଥାନୀୟ କୋର୍ଟପେଟା ଛକ ସ୍ଥିତ ଗୁଣ ନିଶ୍ଚିତତା ପ୍ରଭାଗ, ଜଳ ସମ୍ପଦ ବିଭାଗ କାର୍ଯ୍ୟାଳୟ ପରିସରରେ ସୋମବାର ଦିନ ଶ୍ରୀ ଶ୍ରୀ ଶ୍ରୀ ବିଶ୍ବକର୍ମାଙ୍କ ପାରମ୍ପାରିକ ପୂଜା ବୈଦିକ ରୀତି ଅନୁଯାୟୀ ମହାସମାରୋହରେ ଅଫିସ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଛି। ଜଳ ସମ୍ପଦ ବିଭାଗ ଅଧିକ୍ଷଣ ଯନ୍ତ୍ରୀଙ୍କ ନିର୍ଦ୍ଦେଶନାରେ ଆୟୋଜିତ ଏହି କାର୍ଯ୍ୟକ୍ରମରେ କାର୍ଯ୍ୟସୂଚୀ ଅନୁଯାୟୀ ସକାଳେ ପୂଜାରମ୍ଭରେ ହୋମ, ଆରତୀ ଓ ଶେଷରେ ପୁଷ୍ପାଞ୍ଜଳି ପ୍ରଦାନ କରି ପୂଜାର୍ଚ୍ଚନା କରାଯାଇଥିଲା । ଏଥିରେ ଏସିଇ ବିଷ୍ଣୁ ଚରଣ ସାହୁ, ଦୀନବନ୍ଧୁ ବାରିକ, ରବୀନ୍ଦ୍ର ସାହୁ, ସୋନାଲି ପଟ୍ଟନାୟକ, ନିକିତା ବେହେରା, ଅମିସା ମଞ୍ଜରୀ ଜାଲିଙ୍କ ସମେତ ସମସ୍ତ କର୍ମଚାରୀ ବୃନ୍ଦ ଓ ସପରିବାର ଉକ୍ତ ପୂଜନୋତ୍ସବରେ ଯୋଗଦାନ ପୂର୍ବକ ପ୍ରଭୁକୃପା ଲାଭ ସହ ଉତ୍ସାହିତ କରିଥିଲେ । ଏନେଇ ଅଧିକ୍ଷଣ ଯନ୍ତ୍ରୀ ସୂଚନା ଦେଇଛନ୍ତି ଯେ, ପ୍ରତ୍ୟେକ ବର୍ଷପରି ଚଳିତ ବର୍ଷ ମଧ୍ୟ ଭାଦ୍ରବ ମାସ ଶୁକ୍ଳପକ୍ଷ କନ୍ୟା ସଂକ୍ରାନ୍ତି ଦିନ ବିଶ୍ବକର୍ମାଙ୍କ ପାରମ୍ପାରିକ ପୂଜା ବୈଦିକ ରୀତି ଅନୁଯାୟୀ ପାଳନ କରାଯାଇଛି, ତେବେ ଆଜି ଏହି ଅବସରରେ ପ୍ରସାଦ ସେବନ କାର୍ଯ୍ୟକ୍ରମ ଆୟୋଜିତ ହୋଇଥିବା ବେଳେ, ଆସନ୍ତା ବୁଧବାର ଦିନ ଠାକୁରଙ୍କ ବିସର୍ଜନ କରାଯିବ ବୋଲି ସୂଚନା ଦେଇଛନ୍ତି ।
