ଘରୋଇ କଲେଜ ହଷ୍ଟେଲରୁ ଛାତ୍ରୀଙ୍କ ଝୁଲନ୍ତା ମୃତ ଦେହ ଉଦ୍ଧାର

ଢେଙ୍କାନାଳ ସଦର ଥାନା ବଳଦିଆବନ୍ଧ ପଞ୍ଚାୟତର ପାଇକ ଦହିକୋର ନିକଟରେ ଥିବା ଏକ ଘରୋଇ କଲେଜର ହଷ୍ଟେଲରୁ ଜଣେ ଛାତ୍ରୀଙ୍କ ଝୁଲନ୍ତା ମୃତ ଦେହ ଉଦ୍ଧାର କରି ପୋଲିସ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ ।
ସୂଚନା ମୁତାବକ ରାସୋଳ ଗ୍ରାମର ନିରଞ୍ଜନ ସାହୁଙ୍କ ଝିଅ ସୋମ୍ୟାପ୍ରିୟା ସାହୁ ପାଇକଦହିକୋର ନିକଟରେ ଥିବା ଏକ ଘରୋଇ କଲେଜରେ +୨ ପ୍ରଥମ ବର୍ଷରେ ପାଠ ପଢୁଥିଲେ ।

ସମ୍ପର୍କୀୟଙ୍କ ବାହାଘର ପାଇଁ ଘରକୁ ଯାଇଥିଲେ । ମୃତା ସୋମ୍ୟାଙ୍କ ବାପା ଗୁରୁବାର ଦିନ ଝିଅକୁ କଲେଜରେ ଛାଡି ଘରକୁ ଫେରିଥିଲେ । ହେଲେ ସନ୍ଧ୍ୟାରେ ଘରକୁ ଫୋନ ଆସିଥିଲା ଝିଅ ଅସୁସ୍ଥ ଅଛି ଶୀଘ୍ର ଆସନ୍ତୁ । ଏଥିପାଇଁ ବାପା ପହଞ୍ଚିବାପରେ ଝିଅର ମୃତ୍ୟୁ ହୋଇଥିବା ଦେଖିବାକୁ ମିଳିଥିଲା । ଏହାକୁ ନେଇ ଏକ ଉତ୍ତେଜନାପୂର୍ଣ୍ଣ ପରିସ୍ଥିତି ସୃଷ୍ଟି ହୋଇଥିଲା । କଲେଜ କତୃପକ୍ଷ ଝିଅକୁ ମାରିଦେଇ ଟଙ୍ଗେଇ ଦେଇଥିବା ବାପା ଅଭିଯୋଗ କରିଛନ୍ତି ।