ଜିଲ୍ଲା ଜୁନିୟର ରେଡକ୍ରସ ପରିଚାଳନା କମିଟି ର ବାର୍ଷିକ ବୈଠକ ଅନୁଷ୍ଠିତ l

ସୁବର୍ଣ୍ଣପୁର — ସୁବର୍ଣ୍ଣପୁର ଜିଲ୍ଲା ଜୁନିୟର ରେଡକ୍ରସ ର ପରିଚାଳନା କମିଟିର ବାର୍ଷିକ ବୈଠକ ଜିଲ୍ଲା ଶିକ୍ଷା ଅଧିକାରୀ ଲକ୍ଷ୍ମଣ ଭୋଇଙ୍କ ଅଧ୍ୟକ୍ଷତା ରେ ଆୟୋଜିତ ହୋଇଯାଇଛି। ଜିଲ୍ଲା ସମ୍ପାଦକ ତଥା ଏଡିଇଓ ମଞ୍ଜୁଲତା ଭୋଇ ୨୦୨୩-୨୪ ର ବାର୍ଷିକ ବିବରଣୀ ଓ ୨୦୨୪-୨୫ ଶିକ୍ଷା ବର୍ଷର ଜିଲ୍ଲା ଜୁନିୟର ରେଡକ୍ରସ ର ବ୍ୟୟ ଅଟକଳ ପ୍ରଦାନ କରିଥିଲେ। ଜିଲ୍ଲା ଜୁନିୟର ରେଡକ୍ରସ ଅଫିସର ରବିଚନ୍ଦ୍ର ପଶାୟତ ସୁବର୍ଣ୍ଣପୁର ଜୁନିୟର ରେଡ଼କ୍ରସ ର ସ୍ଥିତି, ପ୍ରଗତି ଓ ଯୋଜନା ବିଷୟରେ ପ୍ରକଳ୍ପ ପ୍ରଦର୍ଶନ କରିଥିଲେ। ଭାଇସ ଚେୟାର ପର୍ସନ ଗତିକୃଷ୍ଣ ମିଶ୍ର ଓ ବରିଷ୍ଠ ସାଧନକର୍ମୀ ଝସକେତନ ମେହେର ଜୁନିୟର ରେଡକ୍ରସ କାର୍ଯ୍ୟକ୍ରମ ଛାତ୍ରଛlତ୍ରୀମାନଙ୍କୁ ସମାଜ ସେବା ଯୋଗାଇବାରେ ବେଶ ପ୍ରଭାବ ପକାଇଛି ବୋଲି ମତବ୍ୟକ୍ତ କରିଥିଲେ। କାର୍ଯ୍ୟକ୍ରମକୁ ସାଧନ କର୍ମୀ ଚନ୍ଦ୍ରମଣି ବାଘ ସଂଯୋଜନା କରିଥିବାବେଳେ ହୃଷୀକେଶ ଡାଙ୍ଗ ସ୍ବାଗତ ଅଭିଭାଷଣ ଦେଇଥିଲେ । ଚଳିତ ଶିକ୍ଷା ବର୍ଷର ଜିଲ୍ଲା ସ୍ତରୀୟ ଶିକ୍ଷା ଓ ତାଲିମ ଶିବିର ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ପଞ୍ଚାୟତ ଉଚ୍ଚ ବିଦ୍ୟାଳୟ,ମାୟାବର୍ହା ରେ ଡିସେମ୍ବର ପ୍ରଥମ ସପ୍ତାହରେ ଆୟୋଜନ କରିବାକୁ ଆଜିର ବୈଠକ ରେ ସ୍ଥିରୀକୃତ ହୋଇଛି। ଜିଲ୍ଲାର ସମସ୍ତ ସାଧନ କର୍ମୀ,
ବିସିସି ଓ କର୍ମକର୍ତ୍ତା ବୈଠକରେ ଯୋଗଦାନ କରିଥିଲେ। ଶେଷରେ ଅନୁପ୍ରୀୟା ମିଶ୍ର ଧନ୍ୟବାଦ ଦେଇଥିଲେ।

ରିପୋର୍ଟ – ଉଗ୍ରସେନ କର୍ମୀ, ସୁବର୍ଣ୍ଣପୁର