ଠିକାଦାରଙ୍କ ଠାରୁ ଲାଞ୍ଚ ନେବା ପଡ଼ିଲା ମାହାଙ୍ଗା

ଭିଜିଲାନ୍ସ ଜାଲରେ ଫସିଲେ ରାୟଗଡ ଜନସ୍ବାସ୍ଥ୍ୟ ବିଭାଗର ଅଧୀକ୍ଷକ ଇଞ୍ଜିନିୟର ଶ୍ରୀ ସହଦେବ କିସାନ

ଠିକାଦାରଙ୍କ ବିଲ ପାସ କରାଇଦେବା ପାଇଁ କଣ୍ଟ୍ରାକ୍ଟରଙ୍କ ଠାରୁ ବିପୁଳ ବେଆଇନ ନଗଦ ନେବା ଅଭିଯୋଗରେ ଭିଜିଲାନ୍ସ ହାତରେ ଧରାପଡିଲେ ରାୟଗଡ ଜନସ୍ବାସ୍ଥ୍ୟ ବିଭାଗର ଅଧୀକ୍ଷକ ଇଞ୍ଜିନିୟର ଶ୍ରୀ ସହଦେବ କିସାନ । କଣ୍ଟ୍ରାକ୍ଟରଙ୍କ ଠାରୁ ବିପୁଳ ପରିମାଣର ବେଆଇନ ନଗଦ ସଂଗ୍ରହ କରିବା ପରେ ଶ୍ରୀ ମହାଦେବ କିସାନ, ଓଡି-୧ ୮ଏନ -୭୯୫୭ ପଞ୍ଜୀକୃତ ଏକ ସ୍କର୍ପିଓ ଗାଡିରେ ତାଙ୍କ କାର୍ଯ୍ୟାଳୟରୁ ତାଙ୍କ ଆବାସିକ ସରକାରୀ କ୍ୱାର୍ଟରକୁ ଯାଉଥିବାବେଳେ ଓଡିଶା ଭିଜିଲାନ୍ସର ଚାରି ଜଣିଆ ଏକ ଟିମ୍ ତାଙ୍କୁ ଧରିଥିଲା।

ନିର୍ଭରଯୋଗ୍ୟ ସୂଚନାକୁ ଭିତ୍ତି କରି ଭିଜିଲାନ୍ସ ଟିମ୍ ହସ୍ତକ୍ଷେପ ସମୟରେ ସନ୍ଦେହଜନକ ୧,୫୦,୦୦୦/- ଟଙ୍କା ବେଆଇନ ନଗଦ ଟଙ୍କା ପାଇଥିଲା। କଣ୍ଟ୍ରାକ୍ଟରଙ୍କ ଠାରୁ ବେଆଇନ ଲକ୍ଷାଧିକ ଟଙ୍କା ଗ୍ରହଣ କରିଥିବା ସୁପରିଣ୍ଟେଣ୍ଡେଣ୍ଟ ଇଞ୍ଜିନିୟର ଶ୍ରୀ କିସାନଙ୍କ ଅଧୀନରୁ ପାଇବା ପରେ ଭିଜିଲାନ୍ସ ବିଭାଗୀୟ ଅଧିକାରୀମାନେ ପଚରାଉଚରା ବେଳେ ସେ ସନ୍ତୋଷଜନକ ଭାବରେ ହିସାବ ଦେଇପାରିନଥିଲେ । ତାଙ୍କ ନିକଟରୁ ନଗଦ ଟଙ୍କା ଜବତ କରାଯାଇଥିଲା |
ଓଡ଼ିଶା ଭିଜିଲାନ୍ସର ଏହି ହସ୍ତକ୍ଷେପ ପରେ,ସମସ୍ତ ଦୃଷ୍ଟିକୋଣରୁ ଶ୍ରୀ କିସାନଙ୍କ ସହ ଜଡ଼ିତ ୦୨ଟି ସ୍ଥାନରେ ତଦନ୍ତ କାର୍ଯ୍ୟ ଜାରି ରଖିଛି ଭିଜିଲାନ୍ସ ବିଭାଗ।

ରିପୋର୍ଟ:ରାୟଗଡ଼ା ଜିଲ୍ଲା ଈପିଏରୁ ତିରୁମାଲା ପ୍ରସାଦ ପଟ୍ଟନାୟକ