ଦିବ୍ୟାଙ୍ଗ ପିତୃଭକ୍ତ ଧିରେନ ଙ୍କୁ ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ପକ୍ଷରୁ ସହାୟତା
ତ୍ରେତୟା ଯୁଗରେ ମାତା ପିତା ଙ୍କ ନିରନ୍ତର ସେବା କରୁଥିଲେ ଶ୍ରବଣ କୁମାର, କଳିଯୁଗ ରେ ସେହିପରି ପିତାଙ୍କର ନିରନ୍ତର ସେବା କରୁଛନ୍ତି ପିତ୍ରୁଭକ୍ତ ଧିରେନ। ଧିରେନ୍ ନିଜେ ଜଣେ ଦିବ୍ୟାଙ୍ଗ ବ୍ୟକ୍ତି । 2025 ମସିହା ରେ ଜଣେ 58 ବର୍ଷୀୟ ଦିବ୍ୟାଙ୍ଗ ବ୍ୟକ୍ତି ନିଜର 92 ବର୍ଷୀୟ ବୃଦ୍ଧ ବାପା ଙ୍କ ର ନିରନ୍ତର ସେବା କରୁଛନ୍ତି , ଏହାକୁ ଦେଖି କିଛି ଧର୍ମପରାୟଣ ବ୍ୟକ୍ତି ଧୀରେନ୍ ଙ୍କୁ “କେନ୍ଦ୍ରାପଡ଼ା ର ଶ୍ରବଣ କୁମାର” ନାମ ରେ ନାମିତ କରିଛନ୍ତି । ଏଠାରେ କହି ରଖୁ କି ଏହି ଶ୍ରବଣ କୁମାର ଙ୍କ ଘର ହେଇଛି କେନ୍ଦ୍ରାପଡା ଜିଲ୍ଲାର ମାର୍ଶାଘାଇ ବ୍ଲକ ଅନ୍ତର୍ଗତ ଗର୍ଜଙ୍ଗା ପଂଚାୟତ ଅନ୍ତର୍ଗତ କୁଆଁରପାଳ ଗ୍ରାମ ରେ। ଆଜି ର ଯୁଗ ରେ ବାପା ମା ବୃଦ୍ଧ ହୋଇଗଲେ ପୁଅ ଚାକିରି କରି ବାହାରେ ରହୁଥିଲେ ପିଲାମାନେ ବୃଦ୍ଧଶ୍ରମ ଟିଏ ଯୋଗାଡ କରନ୍ତି ବାପା ମା ଙ୍କୁ ଛାଡ଼ିବା ପାଇଁ। ଏ ସମୟ ରେ ଙ୍କ ଚିନ୍ତାଧାରା କୁ ଅଶେଷ ଧନ୍ୟବାଦ। ଧୀରେନ ଙ୍କ ଦୁର୍ଭାଗ୍ୟ ତାଙ୍କ ମା ଦୀର୍ଘ ଦିନ ହେବ ଚାଲି ଗଲେଣି। ବିଭିନ୍ନ ଗଣ ମାଧ୍ୟମ ରୁ ଖବର ପାଇବା ପରେ ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ର କର୍ମକର୍ତ୍ତା ପହଞ୍ଚିଥିଲେ ଧିରେନ ଙ୍କ ଘରେ। ତାଙ୍କର ସେବା କୁ ପ୍ରଶଂସା କରିବା ସହ ବିଭିନ୍ନ ପ୍ରକାର ର ଆସବାବ ପତ୍ର ପ୍ରଦାନ କରିଥିଲେ। ଦୁଇ ମାସ ପାଇଁ ରାସନ ସାମଗ୍ରୀ ଯୋଗାଇ ଦେଇଥିଲେ। ବାପା ଓ ପୁଅ ଙ୍କ ପାଇଁ କମ୍ବଳ, ଧୋତି, ଗାମୁଛା ଓ ପିନ୍ଧିବା ଶୀତ ବସ୍ତ୍ର ପ୍ରଦାନ କରିଥିଲେ। ବିଭିନ୍ନ ପ୍ରକାରର ପନିପରିବା ମଧ୍ୟ ଦିଆଯାଇଥିଲା। ଏହାକୁ ଦେଖି ୯୨ ବର୍ଷୀୟ ବୃଦ୍ଧ ଶତ୍ରୁଘ୍ନ ଟ୍ରଷ୍ଟ ର ସମସ୍ତ କର୍ମକର୍ତା ଙ୍କୁ ଆଶିର୍ବାଦ ପ୍ରଦାନ କରିଥିଲେ। ଆଜି ର ଏହି କାର୍ଯ୍ୟକ୍ରମ ରେ ସହଯୋଗୀ ଭାଇ ମାନେ ହେଲେ ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ର ଯଶୋଦା ମା ମୋହିନୀ ନାୟକ, ଶ୍ରୀ ଜଗନ୍ନାଥ ଚାରିଟେବୁଲ ଟ୍ରଷ୍ଟ ର ସଭାପତି ଶ୍ରୀଯୁକ୍ତ ଦମନ ମହାନ୍ତି, ବିକାଶ କୁମାର ପାତ୍ର, କାଳନ୍ଦୀ ମଲ୍ଲିକ, କେଦାର ସ୍ବାଇଁ, ଅଭୟ ରାଉତ, ବଳରାମ ଦାସ ଓ ସଚେତନ ଶତପଥୀ।
