ପାରାଦୀପ ବିଶ୍ୱକର୍ମା ପୂଜା ମହୋତ୍ସବରେ ସାମ୍ବାଦିକ ପ୍ରକୋଷ୍ଠ ଉଦଘାଟିତ
=
ପାରାଦୀପ – ପ୍ରସିଦ୍ଧ ବିଶ୍ୱକର୍ମା ପୂଜା ଉତ୍ସବ ଉପଲକ୍ଷେ ପାରାଦୀପ ର କାର୍ଯ୍ୟରତ ସାମ୍ବାଦିକ ମାନଙ୍କ ଦ୍ୱାରା ପ୍ରସ୍ତୁତ ଏକ ସାମ୍ବାଦିକ ପ୍ରକୋଷ୍ଠ କମଳା ସିନେମା ହଲ ନିକଟରେ ସୋମବାର ଦିନ ଉଦଘାଟିତ ହୋଇଯାଇଛି l ଏହି ଅବସରରେ ପାରାଦୀପ ପୌରାଧ୍ୟକ୍ଷ ବସନ୍ତ ବିଶ୍ୱାଳ ମୁଖ୍ୟ ଅତିଥି ଭାବେ ଯୋଗଦେଇ ଏହି ପ୍ରକୋଷ୍ଠ କୁ ଉଦଘାଟନ କରି ପୂଜା ଉତ୍ସବର ପ୍ରଚାର ପ୍ରସାର ପାଇଁ ସାମ୍ବାଦିକ ଙ୍କ ଦ୍ୱାରା ଏପରି ଉଦ୍ୟମ କୁ ପ୍ରଶଂସା କରିଥିଲେ l ଅନ୍ୟମାନଙ୍କ ମଧ୍ୟରେ ପୌର ନିର୍ବାହୀ ଅଧିକାରୀ ଅଭିଷେକ ପଣ୍ଡା ଓ ଇଫକୋ ଲୋକ ସମ୍ପର୍କ ଅଧିକାରୀ ପ୍ରସନ୍ନ କୁମାର ବେଉରା ସମ୍ମାନିତ ଅତିଥି ଭାବେ ଉପସ୍ଥିତ ଥିଲେ l
ସୂଚନା ଥାଉକି ବିଶ୍ୱକର୍ମା ପୂଜା ମହୋତ୍ସବ ର ଟିକିନିଖି ଖବର ପ୍ରସାରଣ ପାଇଁ କାର୍ଯ୍ୟରତ ସାମ୍ବାଦିକ ମାନେ ପ୍ରବଳ ଭିଡ଼ ରେ ଖବର ସଂଗ୍ରହ କରିଥାନ୍ତି l ତେବେ ସେମାନଙ୍କୁ ଖବର ପ୍ରେରଣ ନିମନ୍ତେ ବହୁ ଅସୁବିଧା ର ସମ୍ମୁଖୀନ ହେବାକୁ ପଡିଥାଏ l ଏହାକୁ ଦୃଷ୍ଟିରେ ରଖି କାର୍ଯ୍ୟରତ ସାମ୍ବାଦିକ ମାନେ ଗତ ବର୍ଷ ଠାରୁ ସାମ୍ବାଦିକ ମାନଙ୍କ ସୁବିଧା ନିମନ୍ତେ ଏହି ପ୍ରକୋଷ୍ଠ ପ୍ରସ୍ତୁତ କରି ଆସୁଛନ୍ତି l ଏଥିସହିତ ପୂଜାରେ ବୁଲି ଥକି ପଡୁଥିବା ବୃଦ୍ଧ ଓ ବୃଦ୍ଧା ମାନଙ୍କୁ ଏହି ପ୍ରକୋଷ୍ଠ ରେ ବିଶ୍ରାମ ବ୍ୟବସ୍ଥା କରାଇବା ସହିତ ସାଧାରଣରେ ଚୋରି, ଛୀନତାଇ ଓ ବିଭିନ୍ନ ଦୁର୍ଘଟଣା ଅଭିଯୋଗ କୁ ପୋଲିସ ପ୍ରଶାସନ ପାଖରେ ପହଞ୍ଚାଇବାରେ ସହଯୋଗ କରିଥାନ୍ତି l
