ପୁରୀ ଜିଲ୍ଲା ରୋଗୀ କଲ୍ୟାଣ ସମିତି ପରିଚାଳନା ପରିଷଦ ବୈଠକ ଅନୁଷ୍ଠିତ
ଜିଲ୍ଲା ମୁଖ୍ୟାଳୟ ଡାକ୍ତରଖାନା (ଡିଏଚ୍ଏଚ୍), ପୁରୀର ରୋଗୀ କଲ୍ୟାଣ ସମିତି (ଆରକେଏସ୍)ର ପରିଚାଳନା ପରିଷଦ ବୈଠକ ପୁରୀ ଲୋକସଭା ସାଂସଦ ଡାକ୍ତର ସମ୍ବିତ ପାତ୍ରଙ୍କ ଅଧ୍ୟକ୍ଷତାରେ ଆଜି ପୂର୍ବାହ୍ନରେ ସର୍କିଟ ହାଉସ ଠାରେ ଅନୁଷ୍ଠିତ ହୋଇଥିଲା।ଜିଲ୍ଲା ର ସ୍ୱାସ୍ଥ୍ୟ ଭିତ୍ତିଭୂମିକୁ ସୁଦୃଢ ସହ ଜନ ସାଧାରଣ ଙ୍କୁ ଉନ୍ନତ ମାନର ଚିକିତ୍ସା ଯୋଗାଇବା ଉପରେ ଡା ପାତ୍ର ଗୁରୁତ୍ୱ ଦେଇଥିଲେ।କାକଟପୁର ବିଧାୟକ ତୁଷାର କାନ୍ତି ବେହେରା,ପୁରୀ ବିଧାୟକ ସୁନୀଲ କୁମାର ମହାନ୍ତି, ପିପିଲି ବିଧାୟକ ଆଶ୍ରିତ ପଟ୍ଟନାୟକ,ଜିଲ୍ଲା ପରିଷଦ ଅଧ୍ୟକ୍ଷା ସ୍ବପ୍ନାରାଣୀ ସ୍ବାଇଁ,ଜଗତସିଂହପୁର ସାଂସଦ ଙ୍କ ପ୍ରତିନିଧି ସୁଦର୍ଶନ ସ୍ବାଇଁ ପ୍ରମୁଖ ଯୋଗ ଦେଇ ଜନସାଧାରଣ ଙ୍କ ସ୍ବାସ୍ଥ୍ୟ ସମ୍ପର୍କରେ ଆବଶ୍ୟକତା,ସ୍ବାସ୍ଥ୍ୟ ଭିତ୍ତିଭୂମି ର ଆବଶ୍ୟକତା,ଡାକ୍ତର ଓ କର୍ମଚାରୀ ନିଯୁକ୍ତି ସମ୍ପର୍କରେ ଆଲୋକପାତ କରିଥିଲେ।
ବୈଠକରେ ଜିଲ୍ଲାପାଳ ଦିବ୍ୟ ଜ୍ୟୋତି ପରିଡା ସମସ୍ତ ଙ୍କୁ ସ୍ବାଗତ ସହ ଜିଲ୍ଲାରେ ସ୍ବାସ୍ଥ୍ୟ ବ୍ୟବସ୍ଥା ସମ୍ପର୍କରେ ସୂଚନା ପ୍ରଦାନ କରିଥିଲେ। ବିସ୍ତୃତ ଆଲୋଚନା କରାଯାଇ ମୁଖ୍ୟ ଚିକିତ୍ସାଳୟ ର ନବନିର୍ମିତ ୩୦୦ ଶଯ୍ୟା ବିଶିଷ୍ଟ ହସ୍ପିଟାଲ କୋଠା ଏବଂ ଆଖପାଖ ଅଞ୍ଚଳ ପାଇଁ ଆପ୍ରୋଚ୍ ରୋଡ୍ ନିର୍ମାଣ, ହସ୍ପିଟାଲ କ୍ୟାମ୍ପସରେ ଉପଯୁକ୍ତ ଡ୍ରେନେଜ୍ ଏବଂ ଡ୍ରେନ୍ କଭର ସ୍ଥାପନ, ଆଧୁନିକୀକରଣକୁ ସହଜ କରିବା ପାଇଁ ପୁରୁଣା ଗଠନକୁ ସୁରକ୍ଷିତ ଭାବରେ ଅପସାରଣ,ଅଗ୍ନି ନିରାପତ୍ତା ମାନଦଣ୍ଡ ସହିତ ଅନୁପାଳନ ସୁନିଶ୍ଚିତ କରିବା ଏବଂ ପ୍ରମାଣପତ୍ର ସୁରକ୍ଷିତ କରିବା, ବୈଦ୍ୟୁତିକ ସୁରକ୍ଷା ପଦକ୍ଷେପଗୁଡ଼ିକୁ ସୁଦୃଢ଼ କରିବା ଏବଂ ଆବଶ୍ୟକୀୟ ଅନୁମୋଦନ ହାସଲ କରିବା,ଡ୍ରେନେଜ୍ ପ୍ରସ୍ତୁତି ସହିତ ନୂତନ କୋଠାର ଆନୁଷ୍ଠାନିକ ହସ୍ତାନ୍ତର, ଏସଟିପି ସ୍ଥାପନ ପାଇଁ ଉପଯୁକ୍ତ ସ୍ଥାନ ଚିହ୍ନଟ, ହସ୍ପିଟାଲ ଆବଶ୍ୟକତା ପୂରଣ କରିବା ପାଇଁ ବୈଦ୍ୟୁତିକ ଲୋଡ୍ କ୍ଷମତାର ଉନ୍ନତିକରଣ, ସର୍ବନିମ୍ନ ୪୦୦ ଲିଟର କ୍ଷମତା ସହିତ ଓଭରହେଡ୍ ଜଳ ବିଶୋଧକ ସ୍ଥାପନ, ମାନବ ସମ୍ବଳର ଅଭାବକୁ ଦୂର କରିବା ଏବଂ ବିଦ୍ୟମାନ ମାନବ ସମ୍ବଳ କ୍ଷମତାକୁ ସୁଦୃଢ଼ କରିବାକୁ ସ୍ଥିର ହେଲା।ସ୍ୱତନ୍ତ୍ର ନବଜାତ ଯତ୍ନ ୟୁନିଟ୍ (SNCU) ଲଗାତାର ତିନି ବର୍ଷ ପାଇଁ ସମସ୍ତ ଜିଲ୍ଲାରେ ସର୍ବୋତ୍ତମ SNCU ପାଇଁ ପ୍ରଥମ ପୁରସ୍କାର ପାଇଥିବାରୁ,ରାଜ୍ୟର ସର୍ବୋତ୍ତମ କେମୋଥେରାପି ୟୁନିଟ୍ ଭାବରେ ସ୍ୱୀକୃତିପ୍ରାପ୍ତ ହୋଇ ଥିବାରୁ,STEMI କାର୍ଯ୍ୟକ୍ରମ ଅଧୀନରେ ଓଡ଼ିଶାରେ ସର୍ବୋତ୍ତମ କାର୍ଯ୍ୟକ୍ଷମ DHH ଭାବରେ ପୁରସ୍କୃତ ହୋଇ ଥିବାରୁ ସମସ୍ତେ ଶୁଭେଚ୍ଛା ଜଣାଇଥିଲେ। ପୁରୀ, ଚାରିଟି ପବିତ୍ର ଧାମ ମଧ୍ୟରୁ ଗୋଟିଏ ହୋଇଥିବାରୁ ଅନ୍ୟ ଅଞ୍ଚଳ ତୁଳନାରେ ଅଧିକ ଲୋକ ଆସିଥାନ୍ତି।ପର୍ବପର୍ବାଣୀ ଏବଂ ରଥଯାତ୍ରା ସମୟରେ ଆହୁରି ଅଧିକ ଗହଳି ହୁଏ ତେଣୁ ସ୍ବାସ୍ଥ୍ୟ ଭିତ୍ତିଭୂମି କୁ ସୁଦୃଢ ପାଇଁ ସରକାରଙ୍କୁ ପ୍ରସ୍ତାବ ଦିଆଯାଇଥିଲା।
ଅନ୍ୟ ମାନଙ୍କ ମଧ୍ୟରେ ଜିଲ୍ଲା ପରିଷଦର ମୁଖ୍ୟ ଉନ୍ନୟନ ଅଧିକାରୀ ପ୍ରିୟରଞ୍ଜନ ପୃଷ୍ଟି, ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡା ଅକ୍ଷୟ କୁମାର ଶତପଥୀ,ସୂଚନା ଓ ଲୋକସମ୍ପର୍କ ଉପ ନିର୍ଦ୍ଦେଶକ ସନ୍ତୋଷ କୁମାର ସେଠୀ,,ହସପିଟାଲ ପରିଚାଳକ ଅନମୋଲ ମହାନ୍ତି ଏବଂ ସମସ୍ତ ହସ୍ପିଟାଲ ପରିଚାଳକମାନେ ଯୋଗ ଦେଇଥିଲେ। ଜିଲ୍ଲା କାର୍ଯ୍ୟକ୍ରମ ପରିଚାଳକ ଶ୍ୟାମ ସୁନ୍ଦର ତ୍ରିପାଠୀ କାର୍ଯ୍ୟ ସୂଚୀ ଅନୁସାରେ ତଥ୍ୟ ଉପସ୍ଥାପନ କରିଥିଲେ।
