ପୋଲିସ କମିଶନରେଟ୍ ପକ୍ଷରୁ ସ୍ୱେଚ୍ଛାକୃତ ରକ୍ତଦାନ ଶିବିର
ଭୁବନେଶ୍ୱର: ପୋଲିସ କମିଶନରରେଟ୍ ରେଡକ୍ରସ ସୋସାଇଟ୍ ଆଚଂଳିକ ଶାଖା ପକ୍ଷରୁ କ୍ୟାପିଟାଲ୍ ଥାନା ପରିସରରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା। ଏହି ଶିବିରକୁ ଆରକ୍ଷି ଆୟୁକ୍ତ ଶ୍ରୀ ଦେବଦତ ସିଂ ମୁଖ୍ୟ ଅତିଥି ଭାବେ ଯୋଗ ଦେଇ ଉଦ୍ଘାଟନ କରିଥିଲେ। ପୋଲିସ କମିଶନରେଟ୍ର ଡିସିପି କ୍ରାଇମ୍ ଶ୍ରୀ ଏସ୍ ଟପ୍ନୋ, ଆଡିସନାଲ ଡିସିପି ମାନସ ଗଡନାୟକ, କ୍ୟାପିଟାଲ ଥାନା ଆଇଆଇସି ଶ୍ରୀ ଦୟାନିଧି ନାୟକ ପ୍ରମୁଖ ଉପସ୍ଥିତ ଥିଲେ।
କ୍ୟାପିଟାଲ ମେଡିକାଲ ବ୍ଲଡ ବ୍ୟାଙ୍କ ଶାଖାର ଅଧିକାରୀ ଶ୍ରୀ ଦେବାଶିଷ ମିଶ୍ର ଙ୍କ ସମେତ ଅନ୍ୟକର୍ମଚାରୀମାନେ ଏହାକୁ ପରିଚାଳନା କରିଥିଲେ। କମିଶନର ପୋଲିସର ବିଭିନ୍ନ କର୍ମଚାରୀଙ୍କ ସମେତ ୬୦ ଜଣ ରକ୍ତଦାନ କରିବା ସହ ନିୟମିତ ରକ୍ତଦାତାଙ୍କୁ ଶ୍ରୀଯୁକ୍ତ ସିଂ ପ୍ରଶଂସାପତ୍ର ପ୍ରଦାନ କରିଥିଲେ। ମୁଖ୍ୟ ଅତିଥି ରକ୍ତଦାନ ଶିବିରରେ ପହଂଚିବା ମାତ୍ରେ ଏକନମ୍ବର ହାଟ କଂଚାପରିବା ବ୍ୟବସାୟୀ ସଂଘର କାର୍ଯ୍ୟକାରୀ ସଭାପତି ଶ୍ରୀ ହୃଷିକେଶ ଓଝାଙ୍କ ସହ ବିଭିନ୍ନ କର୍ମକର୍ତା ତାଙ୍କୁ ପୁଷ୍ପଗୁଚ୍ଛ ଓ ଉତରୀୟ ଦେଇ ସ୍ୱାଗତ ଜଣାଇଥିଲେ। କମିଶନରେଟ୍ ପୋଲିସର ଏଭଳି ମହତ କାର୍ଯ୍ୟ ସାଧାରଣରେ ପ୍ରଶଂସିତ ହେଉଛି।
ଇପିଏ ନିଉଜ ( ଇଷ୍ଟର୍ଣ୍ଣ ପ୍ରେସ ଏଜେନ୍ସି )
