ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଙ୍କ ଜନ୍ମଦିନ ଅବସରରେ”ଆତ୍ମନିର୍ଭର ଭାରତ କାର୍ଯ୍ୟକ୍ରମ”
ବ୍ରହ୍ମପୁର: ସେପ୍ଟେମ୍ବର ୧୭ ତାରିଖରୁ ଅକ୍ଟୋବର ୨ ତାରିଖ ପର୍ଯ୍ୟନ୍ତ ଚାଲିଥିବା “ସେବା ପକ୍ଷ” ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଙ୍କ ଜନ୍ମଦିନ ଅବସରର ଗଞ୍ଜାମ ଜିଲ୍ଲାର ଅଟଳ ଯୁବ ବାହୀନି ତରଫରୁ ଗଞ୍ଜାମ ଜିଲ୍ଲାର ଅଧିଷ୍ଠାତ୍ରୀ ଦେବୀ ମାଁ ତାରାତାରିଣୀଙ୍କ ପୀଠରେ ୧୫ ଟି ବିଧାନସଭାରୁ ଆସିଥିବା ୩୦୦୦ ରୁ ଉର୍ଦ୍ଧ ଯୁବକଙ୍କୁ ନେଇ “ଆତ୍ମନିର୍ଭର ଭାରତ କାର୍ଯ୍ୟକ୍ରମ” ଆୟୋଜନ କରାଯାଇଥିଲା । ଅଟଳ ଯୁବ ବାହିନୀ ପକ୍ଷରୁ ମା’ ତାରାତାରିଣୀଙ୍କ ପୀଠରେ ତଳ ବସଷ୍ଟାଣ୍ଡ ଠାରୁ ମା’ ଙ୍କ ପୀଠ ପର୍ଯ୍ୟନ୍ତ ମାରାଥନ୍ ଦୈାଡ଼, ବୃକ୍ଷ ରୋପଣ, ସ୍ୱଚ୍ଛ ଭାରତ ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହେଇଥିଲା । ପରେ ବିଶାଳ ଯୁବ ସମାବେଶ ଅନୁଷ୍ଠିତ ହେଇଥିଲା ଏଥିରେ ସ୍ୱଦେଶୀ ସଂକଳ୍ପ ପତ୍ର ପଠନ କରାଯାଇଥିଲା । ଯସଶ୍ୱୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ୱାନ କ୍ରମେ “ଆତ୍ମନିର୍ଭର ଭାରତ” ଓ “ଲୋକାଲ ଫର୍ ଭୋକଲ” କୁ ଆଖି ଆଗରେ ରଖି ସ୍ୱଦେଶୀ ଜିନିଷକୁ ଅଧିକ ରୁ ଅଧିକ ବ୍ୟବହାର କରିବା ଏବଂ ଏହା କରି ନିଜେ ସ୍ବାବଲମ୍ବୀ ହେବା । ଏହି କାର୍ଯ୍ୟକ୍ରମର ମୁଖ୍ୟ ଅତିଥି ଭାବେ ଓଡ଼ିଶା ସରକାରଙ୍କ ମାନ୍ୟବର ବାଣିଜ୍ୟ, ପରିବହନ, ଖଣି ଓ ଇସ୍ପାତ ମନ୍ତ୍ରୀ ବିଭୂତି ଭୂଷଣ ଜେନା ଯୋଗ ଦେଇ ପ୍ରଧାନମନ୍ତ୍ରୀ ମୋଦିଙ୍କ ସ୍ୱଦେଶୀ ପ୍ରେରଣାକୁ ଆନ୍ଦୋଳନ ଭାବେ ଗ୍ରହଣ କରିବାକୁ ଆହ୍ବାନ ଦେଇଥିଲେ । ଏମଏସଏମଇ’ ମାନେ ଭାରତର ମୂଳଶକ୍ତି — ରୋଜଗାର, ବିକାଶ ଓ ନବୀନତାର ପ୍ରେରକ ତେଣୁ ଏମଏସଏମଇ’ ସଶକ୍ତ କରିବାକୁ ସେ କହିଥିଲେ। ଏହା ସହ ପ୍ରତ୍ୟେକ ଘର ଓ ପ୍ରତ୍ୟେକ ଦୋକାନ ସ୍ୱଦେଶୀ ହେଲେ ଆତ୍ମନିର୍ଭର ଭାରତର ସ୍ବପ୍ନ ପୂରଣ ହୋଇପାରିବ ବୋଲି କହିଥିଲେ। ସେଥିପାଇଁ ସମସ୍ତେ ମେଡ୍ ଇନ୍ ଇଣ୍ଡିଆ ପଣ୍ୟ ବାଛି ଆମର ଯୁବଶକ୍ତିର ସ୍ୱପ୍ନ ଓ ପରିଶ୍ରମକୁ ବାଛିବା ପାଇଁ ସେ ଆହ୍ବାନ ଦେଇଥିଲେ । ଏହି ଅବସରରେ ସମସ୍ତେ ସ୍ୱଦେଶୀ ଆପଣେଇବାକୁ ପାଇଁ ଶପଥ ନେଇଥିଲେ । ଏହି କାର୍ଯକ୍ରମରେ ମାନ୍ୟବର ମତ୍ସ୍ୟ ସମ୍ପଦ,ପଶୁ ପାଳନ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ ଯୋଗ ଦେଇ ସମସ୍ତଙ୍କୁ ଗର୍ବର ସହ ସ୍ୱଦେଶୀ କିଣିବା ପାଇଁ କହିଥିଲେ । ଏହି କାର୍ଯ୍ୟକ୍ରମରେ ବ୍ରହ୍ମପୁର ବିଧାୟକ କେ ଅନିଲ କୁମାର, ଛତ୍ରପୁର ବିଧାୟକ କୃଷ୍ଣ ଚନ୍ଦ୍ର ନାୟକ,କବିସୂର୍ଯ୍ୟନଗର ବିଧାୟକ ପ୍ରତାପ ଚନ୍ଦ୍ର ନାୟକ,ସୋରଡ଼ା ବିଧାୟକ ନୀଳମଣି ବିଷୋୟୀଙ୍କ ସମେତ ଭାରତୀୟ ଜନତା ପାର୍ଟିର ଗଞ୍ଜାମ ଜିଲ୍ଲା ସଭାପତି ସରୋଜ ସାବତ,ଆସ୍କା ସାଙ୍ଗଠନିକ ଜିଲ୍ଲା ସଭାପତି ବିଜୟ କୁମାର ସ୍ୱାଇଁ,ବିଜେପି ରାଷ୍ଟ୍ରୀୟ କାର୍ଯ୍ୟକାରିଣୀ ସଦସ୍ୟ କାହ୍ନୁ ଚରଣ ପତି,ରାଜ୍ୟ କାର୍ଯ୍ୟକାରିଣୀ ସଦସ୍ୟ ଶିଶିର ମିଶ୍ରଙ୍କ ସମେତ ଅଟଳ ଯୁବ ବାହିନୀ ସଭାପତି ଶିବ ଶଙ୍କର ପତି,ତୁତୁନ୍ ପାତ୍ର,ଶିବ ଶଙ୍କର ନାୟକ,ଜଗମୋହନ ପାତ୍ର,ଦୀପକ ଜେନା,ବି.ରବି ରାଓ,କୃଷ୍ଣ ପଲାଇ,କିଶୋର କୁମାର ସାହୁ,ଡ଼ି ସୁରେଶ ରେଡ୍ଡୀ,ଟୁକୁନା ସାହୁ,ସରୋଜ ଭଞ୍ଜ,ସୁମନ୍ ରାଉଳ,ଆଲୋକ ଶତପଥି,ଚିନ୍ମୟ ରେଡ୍ଡୀ,ରୋଶନ ଖୁଣ୍ଟିଆ,ରାକେଶ ରଥ,ରୁଦ୍ର ମିଶ୍ର,ଶୁଭଜିତ କୁମାର,ସୁରେଶ ମହାପାତ୍ର,ବାବୁରାମ ବିଷୋୟୀ,ଦେବାଶିଷ ମିଶ୍ର,କେ ଯୁବରାଜ,ବରୁଣ ସ୍ୱାଇଁ,କାହ୍ନୁ ଚରଣ ଭୂୟାଁ,ଯୋଗେଶ୍ୱର ଗୈାଡ଼,କୃଷ୍ଣ ଚନ୍ଦ୍ର ମହାପାତ୍ର,ସଞ୍ଜୟ କୁମାର ଦାସ,କାହ୍ନା ମହାନ୍ତି ପ୍ରମୁଖଙ୍କ ସମେତ ୩୦୦୦ ରୁ ଉର୍ଦ୍ଧ ଯୁବ କାର୍ଯ୍ୟକର୍ତ୍ତା ଯୋଗ ଦେଇଥିଲେ ।
ବ୍ରହ୍ମପୁର ଇପିଏ ରୁ ନରସିଂହ ଡାକୁଆ ଙ୍କ ରିପୋର୍ଟ
