ବିଶ୍ୱ ଶାନ୍ତି ବିଷ୍ଣୁ ମହାଯଜ୍ଞ ନିମନ୍ତେ ଗାଁ ଗାଁରେ ଚାଲିଛି ପ୍ରସ୍ତୁତି ବୈଠକ
ବୌଦ୍ଧ ସଦର ବ୍ଲକ ତାଳସରଡ଼ା ପଂଚାୟତ ଐତିହାସିକ ସିଦ୍ଧଗୁରୁ ମଠ ଡ଼ମ୍ବରୁଗଡ଼(କଂକଲା)ଠାରେ ପବିତ୍ର କାର୍ତ୍ତିକ ମାସ ପଞ୍ଚକ ପାଞ୍ଚ ଦିନ ନଭେମ୍ବର 11ଠାରୁ 15 ତାରିଖ ପର୍ଯ୍ୟନ୍ତ ବିଶ୍ୱ ଶାନ୍ତି ବିଷ୍ଣୁ ମହା ଯଜ୍ଞ ମହାସମାରୋହରେ ପାଳିତ ହେବ l ମା ଅନ୍ନପୂର୍ଣ୍ଣା, ସିଦ୍ଧଗୁରୁ ବାବା ଓ ମହନ୍ତ ଗିରିବର ଦାସଙ୍କ ଅପାର କରୁଣାରୁ ଓ ମଠର ମହନ୍ତ ସର୍ବେଶ୍ୱର ଦାସ ମହାରାଜଙ୍କ ନିର୍ଦ୍ଧେଶକ୍ରମେ ଯଜ୍ଞ କମିଟି ସଭାପତି ପ୍ରବକ୍ତା ଗୌରୀ ପ୍ରସାଦ ସାହୁ ସଭାପତିତ୍ୱ କରିଥିବାବେଳେ ବାବା ହନୁମାନ ଦାସ ଓ ମଠ ପରିଚାଳନା କମିଟି ସଭାପତି ପୟୋଧର ମହାକୁଳ, ଯଜ୍ଞ କମିଟି କାର୍ଯ୍ୟକାରୀ ସଦସ୍ୟ ଶାନ୍ତନୁ କୁମାର ଚାନ୍ଦ, ମୟସେନ ରଣା, ଶିବ କର୍ମୀ,ଶ୍ରୀପତି ମହାକୁଡ଼, ଦୁଷ୍ମନ୍ତ ପୃଷ୍ଠି ,ରବି ବେହେରାଙ୍କ ଉପସ୍ଥିତରେ ପଦ୍ମନପୁର ପଂଚାୟତର ପୁଡ଼ିଆକଟା ଓ କୁସୁମଝୁଲି ଗ୍ରାମରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି l ବିଶ୍ୱ ଶାନ୍ତି ଯଜ୍ଞ ନିମନ୍ତେ ଉକ୍ତ ଗ୍ରାମର ପ୍ରତ୍ୟେକ ପରିବାରରୁ ତନ, ମନ, ଧନ ପୁର୍ବକ ପୂର୍ଣ୍ଣ ସହଯୋଗ କରିବା ପାଇଁ ଆୟୋଜନ କମିଟି ତରଫରୁ ଅନୁରୋଧ କରାଯାଇଥିଲା l ବିଭିନ୍ନ ଆଲୋଚନାରେ ଉଭୟ ଗ୍ରାମର ସଭାପତି, ସମ୍ପାଦକ ଓ ସଦସ୍ୟ ମାନେ ଆଲୋଚନାରେ ଅଂଶ ଗ୍ରହଣ କରିଥିଲେ l
ସୁବର୍ଣପୁର ଇପିଏ ରୁ ଉଗ୍ରସେନ କର୍ମୀ ଙ୍କ ରିପୋର୍ଟ
ଇପିଏ ନିଉଜ ( ଇଷ୍ଟର୍ଣ୍ଣ ପ୍ରେସ ଏଜେନ୍ସି )
