ଭେଡେନ ବ୍ଲକରେ ଶିଶୁ ସହାୟତା ଗୋଷ୍ଠୀ ସଦସ୍ୟମାନଙ୍କ ପାଇଁ ଏକଦିନିଆ ପ୍ରଶିକ୍ଷଣ ତଥା କ୍ଷମତା ବିକାଶ କାର୍ଯ୍ୟକ୍ରମ
ବରଗଡ଼: ଶିଶୁ ହେଲ୍ପଲାଇନ୍, ବରଗଡ଼ ପକ୍ଷରୁ ଭେଡେନ ବ୍ଲକର ଶିଶୁ ସହାୟତା ଗୋଷ୍ଠୀ (Child Help Group) ସଦସ୍ୟମାନଙ୍କ ପାଇଁ ଏକଦିନିଆ ପ୍ରଶିକ୍ଷଣ ତଥା କ୍ଷମତା ବିକାଶ କାର୍ଯ୍ୟକ୍ରମ ସଫଳତାର ସହିତ 30.୦୧.୨୦୨୬ ତାରିଖରେ ଆୟୋଜିତ ହୋଇଥିଲା। ଏହି କାର୍ଯ୍ୟକ୍ରମଟି ଶିଶୁ ହେଲ୍ପଲାଇନ୍ ଏବଂ ଜିଲ୍ଲା ଶିଶୁ ସୁରକ୍ଷା ୟୁନିଟ୍ (DCPU), ବରଗଡ଼ଙ୍କ ମିଳିତ ସଂଯୋଜନାରେ ଅନୁଷ୍ଠିତ ହୋଇଥିଲା।
ଶିଶୁ ସୁରକ୍ଷାକୁ ସୁଦୃଢ଼ କରିବା ପାଇଁ ଶିଶୁ ସହାୟତା ଗୋଷ୍ଠୀ ସଦସ୍ୟମାନଙ୍କର ଜ୍ଞାନ, କୌଶଳ ଏବଂ ଭୂମିକାକୁ ସୁଦୃଢ଼ କରିବା ହେଉଛି ଏହି ତାଲିମର ମୂଳ ଲକ୍ଷ୍ୟ lପ୍ରଶିକ୍ଷଣ ସମୟରେ ଶିଶୁ ଅଧିକାର, ଶିଶୁ ସୁରକ୍ଷା ବ୍ୟବସ୍ଥା, ମାମଲା ରିପୋର୍ଟିଂ ପ୍ରକ୍ରିୟା ଓ କେସ୍ ପରିଚାଳନା ସମ୍ପର୍କରେ ସଚେତନତା ବଢ଼ାଇବା ଉପରେ ଗୁରୁତ୍ୱ ଦିଆଯାଇଥିଲା। ଏହା ସହିତ ସମୁଦାୟ ଆଧାରିତ ଗୋଷ୍ଠୀମାନଙ୍କର ଶିଶୁ ସମ୍ବନ୍ଧୀୟ ସମସ୍ୟାଗୁଡ଼ିକର ପ୍ରାରମ୍ଭିକ ପରିଚୟ ଏବଂ ସମୟୋଚିତ ହସ୍ତକ୍ଷେପରେ ଗୁରୁତ୍ୱପୂର୍ଣ୍ଣ ଭୂମିକା ବିଷୟରେ ଆଲୋଚନା କରାଯାଇଥିଲା।
ଏହି କାର୍ଯ୍ୟକ୍ରମରେ ଶ୍ରୀମତୀ ଆଲଫୋନା ଟେଟେ, ସିଡିପିଓ,ଭେଡେନ; ଶ୍ରୀ ସୁରେନ୍ଦ୍ର ଦାଶ ଓ ଶ୍ରୀମତୀ ବବିତା ରାଉତ, ସମାଜକର୍ମୀ, ଜିଲ୍ଲା ଶିଶୁ ସୁରକ୍ଷା ୟୁନିଟ; ଏବଂ ଶ୍ରୀ ସଞ୍ଜୟ ସତପଥୀ, ପ୍ରକଳ୍ପ ସାଂଯୋଜକ, ଶିଶୁ ସହାୟତା, ବରଗଡ଼ ତାଙ୍କର ମୂଲ୍ୟବାନ ମତାମତ ଓ ଅଭିଜ୍ଞତା ପ୍ରଦାନ କରିଥିଲେ। ପ୍ରଶିକ୍ଷ୍ୟକଗଣ ବିଭାଗୀୟ ସମନ୍ୱୟ, କାର୍ଯ୍ୟକାରୀ ରିପୋର୍ଟିଂ ବ୍ୟବସ୍ଥା ଏବଂ ଶିଶୁମାନଙ୍କ ସୁରକ୍ଷା, ସଂରକ୍ଷଣ ଓ କଳ୍ୟାଣ ପାଇଁ ତ୍ୱରିତ ପଦକ୍ଷେପର ଗୁରୁତ୍ୱ ଉପରେ ଆଲୋକପାତ କରିଥିଲେ।ଶିଶୁ କଲ୍ୟାଣ ସମିତି, ଜିଲ୍ଲା ଶିଶୁ ସୁରକ୍ଷା ୟୁନିଟ, ଶିଶୁ ସହାୟତା, ଆଇସିଡିଏସ ଏବଂ ସମୁଦାୟ ସ୍ବେଛାସେବୀମାନଙ୍କ ମଧ୍ୟରେ ସହଯୋଗ ସୁଦୃଢ଼ କରି ଗ୍ରାମୀଣ ସ୍ତରରେ ଏକ ଶକ୍ତିଶାଳୀ ଶିଶୁ ସୁରକ୍ଷା ବ୍ୟବସ୍ଥା କରାଯାଇପାରିବ l ଏହି ତାଲିମରେ ପିଏଚଇଓ,ଭେଡେନ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର, ଭେଡେନ ବ୍ଲକର ପଞ୍ଚlୟତ କାର୍ଯ୍ୟ ନିର୍ବାହୀ ଅଧିକାରୀଗଣ, ଅଙ୍ଗନୱାଡି କର୍ମୀଗଣ ତଥା ପୋଲିସ, ସେକଟର ସୁପରଭାଇଜର ଆଦି ଉପସ୍ଥିତ ଥିଲେ l ଏହି କାର୍ଯ୍ୟକ୍ରମକୁ ସାଫଲ୍ୟ ମଣ୍ଡିତ କରିବା ପାଇଁ ଶିଶୁ ସହାୟତାର କେଶ ୱlରକେର ତପସ୍ୱିନୀ ମଲ୍ଲିକ ସହଯୋଗ କରିଥିଲେ l
ଇପିଏରୁ ବରଗଡ଼ ଜିଲ୍ଳା ପ୍ରତିନିଧି କ୍ଷମା ନିଧି ବଣ୍ଡୁକିଙ୍କ ରିପୋର୍ଟ( ଇଷ୍ଟର୍ଣ୍ଣ ପ୍ରେସ୍ ଏଜେନ୍ସୀ)
