ମାଲ୍ୟବନ୍ତ ମହୋତ୍ସବ ୨୦୨୪ ଉପଲକ୍ଷେ ପଥ ଉତ୍ସବ ଅନୁଷ୍ଠିତ
ମାଲ୍ୟବନ୍ତ ମହୋତ୍ସବ ୨୦୨୪ ଉପଲକ୍ଷେ ମାଲକାନଗିରି ସହରର ବାଲିମେଳା ଛକ ଠାରୁ ଜିଲ୍ଲାପାଳଙ୍କ କାର୍ଯ୍ୟାଳୟ ମଧ୍ୟରେ ଥିବା ମୁଖ୍ୟ ରାସ୍ତାରେ ପଥ ଉତ୍ସବ ଅନୁଷ୍ଠିତ ହୋଇଯାଇଛି। ଜିଲ୍ଲାପାଳ ଆଶିଷ ଈଶ୍ବର ପାଟିଲ ମୁଖ୍ୟ ଅତିଥ୍ୟ ଭାବେ ଯୋଗ ଦେଇ କାର୍ଯ୍ୟକ୍ରମ ବୁଲି ଦେଖୁ ଥିଲେ।
ଅନ୍ୟମାନଙ୍କ ମଧ୍ୟରେ ଅତିରିକ୍ତ ଜିଲ୍ଲାପାଳ ସାଧାରଣ ସୋମନାଥ ପ୍ରଧାନ, ଅତିରିକ୍ତ ଜିଲ୍ଲାପାଳ ରାଜସ୍ବ ବେଦବର ପ୍ରଧାନ, ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧୂକାରୀ ନରେଶ ଚନ୍ଦ୍ର ଶବର, ଉପଜିଲ୍ଲାପାଳ ଦୁର୍ଯ୍ୟଧନ ଭୋଇ, ବିଏସଏଫ ଡେପୁଟି କମାଣ୍ଡାଣ୍ଡ ଶୁଭଞ୍ଜନ ମହାପାତ୍ର,ପୌର ପରିଷଦ ନିର୍ବାହୀ ଅଧିକାରୀ ପ୍ରଳୟାନନ୍ଦ ଶତପଥି, ନବରଙ୍ଗପୁର ସାଂସଦ ପ୍ରତିନିଧୂ ସଞ୍ଜୟ ସରକାର ଓ ମାଲକାନଗିରି ବିଧାୟକ ପ୍ରତିନିଧୂ ନିହାର ରାୟ ସମେତ ଜିଲ୍ଲା ସୂଚନା ଲୋକ ସମ୍ପର୍କ ଅଧିକାରୀ ପ୍ରମିଳା ମାଝୀ, ଜିଲ୍ଲା ସଂସ୍କୃତି ଅଧିକାରୀ ସନ୍ତ୍ରାସ ନାରାୟଣ ପଣ୍ଡା ଉପସ୍ଥିତ ଥିଲେ। ସହରକୁ ଉତ୍ସବ ମୁଖର କରିବା ସହ ନିଜ ମଧ୍ୟରେ ଥିବା ପ୍ରତିଭାକୁ ଲୋକଲୋଚନକୁ ଆଣିବା ଉଦ୍ଦେଶ୍ୟରେ ପଥ ଉତ୍ସବ ଆୟୋଜନ କରାଯାଉଛି।
ଏହି ଅବସରରେ ମାଲ୍ୟବନ୍ତ ରଥର ଶୁଭାରମ୍ଭ କରାଯାଇଛି। ଆଜିର ପଥ ଉତ୍ସବରେ ବିଭିନ୍ନ ଅନୁଷ୍ଠାନ, ବିଦ୍ୟାଳୟ ଓ ମହାବିଦ୍ୟାଳୟର ଛାତ୍ରଛାତ୍ରୀ ମାନେ ନୃତ୍ୟ ପରିବେଷଣ କରିଥିଲେ। ଏଥିସହ ମ୍ୟୁଜିକ ବ୍ୟାଣ୍ଡ, ଝୋଟି, ଧନୁତୀର ଚାଳନା, ମାର୍ଶାଲ ଆର୍ଟ, ପ୍ଳଟିଂ, ଚିତ୍ରାଙ୍କନ, ଫାନ୍ନି ଡ୍ରେସ୍ ଇତ୍ୟାଦି କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ସେହିପରି ମାଲକାନଗିରି ମୁଖ୍ୟାଳୟ ସୀମା ସୁରକ୍ଷା ବଳ ପକ୍ଷରୁ ଡ଼ଗ୍ ସୋ ଆୟୋଜନ କରାଯାଇଥିଲା ।
ଏଥିରେ ବିଭିନ୍ନ ପ୍ରକାର କୌଶଳ ପ୍ରଦର୍ଶନ କରାଯାଇଥିଲା। ଜିଲ୍ଲା ସଂସ୍କୃତି ପରିଷଦ ପକ୍ଷରୁ ଏହି କାର୍ଯ୍ୟକ୍ରମ ଆୟୋଜନ କରାଯାଇଥିଲା ।
ରିପୋର୍ଟ: ମାଲକାନଗିରି ଜିଲ୍ଲା ଈପିଏରୁ ତିରୁମାଲା ପ୍ରସାଦ ପଟ୍ଟନାୟକ
