ରାୟଗଡ଼ା ଜିଲ୍ଲାରେ ଅନିଲ ପ୍ରସାଦ ମିଶ୍ରଙ୍କୁ ଶ୍ରଦ୍ଧାଞ୍ଜଳି ଅର୍ପଣ
ଇଷ୍ଟର୍ଣ୍ଣ ପ୍ରେସ ଏଜେନ୍ସିର ସମ୍ପାଦକ ତଥା ପ୍ରତିଷ୍ଠାତା , ବରିଷ୍ଟ ଫଟୋ ଜର୍ଣାଲିଷ୍ଟ ଶ୍ରୀ ଅନିଲ ପ୍ରସାଦ ମିଶ୍ରଙ୍କ ଦେହାନ୍ତରେ ମଙ୍ଗଳବାର ଦିନ ପୂର୍ବାହ୍ନ ୧୧ ଘଣ୍ଟିକା ସମୟରେ ରାୟଗଡ଼ା ଜିଲ୍ଲା ସଂସ୍କୃତି ଭବନରେ ଏକ ସମବେଦନା ସଭା ଆୟୋଜିତ ହୋଇଯାଇଛି। ଉକ୍ତ ସମବେଦନା ସଭାରେ ବରିଷ୍ଟ ସମାଜସେବୀ,ରାୟଗଡ ନାଗରିକ ମଞ୍ଚ, ଜିଲ୍ଲା ସାମ୍ବାଦିକ ସଙ୍ଘ ଓ ସକ୍ଷମ ଅନୁଷ୍ଠାନର ସଭାପତି ତଥା ବରିଷ୍ଠ ସାମ୍ବାଦିକ ଡ଼ଃ ବାଦଲ ତା’ଙ୍କ ଯୋଗ ଦେଇ ସର୍ବପ୍ରଥମେ ପ୍ରଦୀପ ପ୍ରଜ୍ବଳନ କରି ଶ୍ରୀ ମିଶ୍ରଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରିଥିଲେ । ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଶ୍ରୀ ବସନ୍ତ ପ୍ରଧାନ ସ୍ବର୍ଗତ ମିଶ୍ରଙ୍କ ଫୋଟ ଚିତ୍ରରେ ପୁଷ୍ପମାଲ୍ୟ ଅର୍ପଣ କରିବା ସହ କର୍ମଚାରୀ ପୁଷ୍ପମାଲ୍ୟ ଅର୍ପଣ କରିଥିଲେ । ତା ପରେ ପରେ ଉପସ୍ଥିତ ସାମ୍ବାଦିକମାନେ ପୁଷ୍ପମାଲ୍ୟ ଅର୍ପଣ କରିଥିଲେ । ଉକ୍ତ ସମବେଦନା ସଭାରେ ଉପସ୍ଥିତ ସମସ୍ତଙ୍କ ଦ୍ୱାରା ଦୁଇ ମିନିଟ ନିରବ ପ୍ରାର୍ଥନା କରାଯାଇଥିଲା । ଶ୍ରୀ ତା ନିଜ ଭାଷଣରେ କହିଥିଲେ ଯେ ସ୍ବର୍ଗତ ଅନିଲ ପ୍ରସାଦ ମିଶ୍ର ତାଙ୍କ ନିରପେକ୍ଷ,ନିର୍ଭୀକ ଭାବରେ ତାଙ୍କ ଖବରକାଗଜରେ ଉପସ୍ଥାପନ କରିଆସୁଥିଲେ। ଯାହା କେ ରାଜ୍ୟ ତଥା ଆମ ଦେଶରେ ସୁନାମ ଅର୍ଜନ କରିଥିଲେ । ତାଙ୍କ ଦେହାନ୍ତ ନିଶ୍ଚିତ ରୂପେ ସମ୍ପାଦକ ତଥା ସାମ୍ବାଦିକ ଜଗତରେ ବଡ କ୍ଷତ ହୋଇଛି। ତାଙ୍କ ଖବର ସମ୍ପାଦନା ସମସ୍ତଙ୍କ ପାଇଁ ପ୍ରେରିତ କରିବା ସହ ଆମ ମଧ୍ୟରେ ସେ ଚିର ସ୍ମରଣୀୟ ହୋଇ ରହିବେ । ସେହିପରି ସୂଚନା ଅଧିକାର କାର୍ଯ୍ୟକର୍ତ୍ତାଙ୍କ ସଦସ୍ୟ ତଥା ସମୟ ଖବରକାଗଜ ଜିଲ୍ଲା ପ୍ରତିନିଧି ରବୀନ୍ଦ୍ର ପାଟଖଣ୍ଡଲ ସ୍ବର୍ଗତ ମିଶ୍ରଙ୍କ ଜଣେ ପ୍ରତିବଦ୍ଧ ଏବଂ ସଚ୍ଚୋଟ ବୃତ୍ତିଗତ ସମ୍ପାଦକ ଥିଲେ। ତାଙ୍କ ସମ୍ପାଦନା ନିରନ୍ତର ସ୍ମରଣୀୟ ବୋଲି କହିଥିଲେ। ସେହିପରି ରାୟଗଡ଼ା ଜିଲ୍ଲା ପ୍ରତିନିଧି ଶ୍ରୀ ତିରୁମାଲା ପ୍ରସାଦ ପଟ୍ଟନାୟକ କହିଥିଲେ ଯେ ସେ ଜଣେ ଅତି ସଚ୍ଚୋଟ, ନିର୍ଭୀକ ସାମ୍ବାଦିକ ଥିଲେ ଏବଂ ପ୍ରାୟ ଦଶନ୍ଧି ଧରି ସମ୍ପାଦକ ଭାବରେ କାମ କରୁଥିଲେ। ସେ ନିଜ ସିଦ୍ଧାନ୍ତରେ କେବେ ବି ସଙ୍କୋଚନ କରିନାହାଁନ୍ତି। ପରବର୍ତ୍ତୀ ଜୀବନରେ ସେ ଆଧ୍ୟାତ୍ମିକତା ପ୍ରତି ଆଗ୍ରହ ଦେଖାଉଥିଲେ। ତାଙ୍କର ସମ୍ପାଦନା ରାଜ୍ୟ ତଥା ଦେଶ ପାଇଁ ସଦା ସ୍ମରଣୀୟ ହୋଇ ରହିବ ।
ଦୀର୍ଘଦିନ ସ୍ଵାସ୍ଥ୍ୟଗତ ସମସ୍ୟାରେ ପୀଡ଼ିତ ପରେ ଗତ ମଙ୍ଗଳବାର ଦିନ ଶ୍ରୀ ଅନିଲ ପ୍ରସାଦ ମିଶ୍ରଙ୍କୁ ଶେଷ ନିଃଶ୍ୱାସ ତ୍ୟାଗ କରିଥିଲେ । ସ୍ବର୍ଗତ ଅନିଲ ପ୍ରସାଦ ମିଶ୍ର ଆଇନରେ ସ୍ନାତକ ହାସଲ କରିବା ପରେ ସେ ୧୯୮୦ ମସିହାରେ ସାମ୍ବାଦିକ କ୍ଷେତ୍ରରେ କ୍ୟାରିୟର ଆରମ୍ଭ ହୋଇଥିବା ବେଳେ ୧୯୮୪ ମସିହାରେ ଫୋଟୋଗ୍ରାଫି ସାମ୍ବାଦିକତା ଆରମ୍ଭ କରି ବିଭିନ୍ନ ସମୟରେ ସାମାଜିକ, ରାଜନୈତିକ, ଅପରାଧ ସମ୍ବନ୍ଧୀୟ ଘଟଣା, ବିଭିନ୍ନ ପ୍ରସଙ୍ଗରେ ଅନୁସନ୍ଧାନକାରୀ ରିପୋର୍ଟକୁ ତଥା ସତ୍ୟ ଘଟଣା ନେଇ ନିର୍ଭୀକ ଭାବେ ଅନ୍ତର୍ଭୁକ କରି ରାଜ୍ୟ ତଥା ଅନ୍ତରାଷ୍ଟ୍ରୀୟ ସ୍ତରରେ ବେଶ୍ ଭାବେ ସୁନାମ ଅର୍ଜନ କରିଥିଲେ ।
ସ୍ବର୍ଗତ ମିଶ୍ର ନିଜ ଜୀବନରେ ତାଙ୍କ ସମ୍ପାଦନ ଜରିଆରେ ଅନେକ ସମସ୍ୟା ସମାଧାନ କରିଥିଲେ । ତନ୍ମଧ୍ୟରୁ ପାରାଦୀପ ବନ୍ଦରରେ ଶ୍ରମିକ ଅଶାନ୍ତି, ବୁର୍ଲା ଛାତ୍ର ଅଶାନ୍ତି ଏବଂ ସେଠାରେ ଛାତ୍ରଙ୍କ ହତ୍ୟାକାଣ୍ଡକୁ ସଫଳତାର ସହ ଆଚ୍ଛାଦନ କରିଥିଲେ । ସେହି ବର୍ଷ ଓଡ଼ିଶାରେ ସାମ୍ବାଦିକଙ୍କ ଉପରେ ପୋଲିସର ଅତ୍ୟାଚାର, ଯେଉଁଥିରେ ଜଣାଶୁଣା ସାମ୍ବାଦିକ ସ୍ୱରୁପ ଜେନାଙ୍କ ମୃତ୍ୟୁ ଘଟିଥିଲା ଏବଂ ଅସ୍ତରଙ୍ଗରେ ପୋଲିସ୍ ଗୁଳି ଚଳାଇଥିଲା ଯାହା କି ଶ୍ରୀ ମିଶ୍ର ତାଙ୍କ କ୍ୟାମେରାରେ କଏଦ କରିବା ଫଳରେ ଯାହା ନ୍ୟାୟପାଳିକା ଏହାକୁ ଉଚ୍ଚ ମାନର ପ୍ରମାଣ ଭାବରେ ଗ୍ରହଣ କରାଯାଇଥିଲା । ଭୋକ କାରଣରୁ ନିଜର ସାତ ବର୍ଷର ବୋହୂକୁ ବିକ୍ରି କରି ଏକ ଆନ୍ତର୍ଜାତୀୟ ପ୍ରସଙ୍ଗରେ ପରିଣତ ହୋଇଥିବା ଆଦିବାସୀ ମହିଳା ଫାନାସ୍ ପଞ୍ଜୀଙ୍କ କାହାଣୀ ନିସନ୍ଦେହରେ ଶ୍ରୀ ମିଶ୍ରଙ୍କ ସବୁଠାରୁ ବଡ ସଫଳତା। ୧୯୮୮ରେ ଭୁବନେଶ୍ୱରରେ ବସ୍ତି ବାସିନ୍ଦାଙ୍କ ଉପରକୁ ଗୁଳି ଚଳାଇବା ତାଙ୍କ ଫୋଟରେ କଏଦ ମଧ୍ୟ କୋର୍ଟଙ୍କ ପ୍ରମାଣ ଭାବରେ ଗ୍ରହଣ କରାଯାଇଥିଲା। ଏହି ସମ୍ବାଦ ଫଟୋଗ୍ରାଫ ଏବଂ ଫଟୋ ବୈଶିଷ୍ଟ୍ୟ ବ୍ୟତୀତ ଶ୍ରୀ ମିଶ୍ର ନିଜ କ୍ୟାମେରା ସହିତ ପ୍ରକୃତି ଏବଂ ବନ୍ୟଜନ୍ତୁଙ୍କ ସୈନ୍ଦର୍ଯ୍ୟକୁ କାବୁ କରିଥିଲେ ଯେଉଁଥିପାଇଁ ତାଙ୍କୁ ଅନେକ ଥର ପୁରସ୍କୃତ କରାଯାଇଛି । ୧୯୮୯ ମସିହାରେ ସେ ବିଜୁ ପଟ୍ଟନାୟକଙ୍କ ଜୀବନ କାହାଣୀ ତଥା ଅନ୍ୟାନ୍ୟ ଡକ୍ୟୁମେଣ୍ଟାରୀ ଭଳି ଏକ ଭିଡିଓ ଚଳଚ୍ଚିତ୍ର “ଜୁଗ ସାରଥୀ” ପ୍ରସ୍ତୁତ କରିଥିଲେ | ବିଭିନ୍ନ ମନୋବଳ ଏବଂ କାର୍ଯ୍ୟକଳାପରେ ସ୍ୱର୍ଗତ ବିଜୁ ପଟ୍ଟନାୟକଙ୍କ ତାଙ୍କର ଫଟୋଗ୍ରାଫ୍ ଏକ ବିରଳ ସଂଗ୍ରହ ବୋଲି ପ୍ରମାଣିତ ହୋଇଥିଲା ଏବଂ ପ୍ରାୟ ସମସ୍ତ ଖବରକାଗଜ ଏବଂ ପତ୍ରିକାରେ ପ୍ରକାଶିତ ହୋଇଥିଲା । ସ୍ବର୍ଗତ ମିଶ୍ର ଏକ ପୁସ୍ତକ “ସ୍ମୃତି ବିଜୁ ପଟ୍ଟନାୟକ” ମଧ୍ୟ ପ୍ରକାଶ କରିଥିଲେ ଯାହା ବିରଳ ଅଟେ।ସେ ଅନ୍ୟମାନଙ୍କ ପାଇଁ ଏକ ଆଦର୍ଶ ପାଲଟିଛନ୍ତି। ରାଜ୍ୟ ତଥା ଦେଶର ବିଭିନ୍ନ ସମସ୍ୟା ବିଷୟରେ ସେ ତାଙ୍କର ଉଦ୍ଦେଶ୍ୟମୂଳକ ରିପୋର୍ଟ ମାଧ୍ୟମରେ ଅନେକ ସରକାରଙ୍କୁ ମାର୍ଗଦର୍ଶନ କରିଥିଲେ ।
ଆଜିର ଶୋକ ସଭାରେ ଅନ୍ୟ ମାନଙ୍କ ମଧ୍ୟରେ ବରିସ୍ଟ ସାମ୍ବାଦିକ ତଥା ଈଟିଭି ଭାରତର ବ୍ୟୁର ରଞ୍ଜନ ରଥ, ନନ୍ଦିଘୋଷ ଟିଭିର ଜିଲ୍ଲା ପ୍ରତିନିଧି ଅଜୟ ରଥ,ଟିଭି୫ ଓଡ଼ିଆ ବ୍ୟୁରୋ ଚିଫ ଦୟାନିଧି ଖାଡାଙ୍ଗା ସମେତ ବିଜୟ ଦାସ,ଆଶୁତୋଷ ପଟ୍ଟନାୟକ ବହୁ ୱେବ୍ ମିଡିଆ ସାମ୍ବାଦିକ ଉପସ୍ଥିତ ଥିଲେ । ଜିଲ୍ଲାରେ ଥିବା ସମସ୍ତ ସାମ୍ବାଦିକ ସଂଘର ସଦସ୍ୟମାନେ ଶ୍ରୀ ମିଶ୍ରଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିବା ବେଳେ ଜିଲ୍ଲା ପ୍ରତିନିଧି ତିରୁମାଲା ପ୍ରସାଦ ପଟ୍ଟନାୟକ ଶୋକ ସଭା ଆୟୋଜନ କରିଥିଲେ ।
