ସର୍କଲ ମୁଖ୍ୟ ଜେନେରାଲ ମ୍ୟାନେଜରଙ୍କ ଦ୍ଵାରା ନୂତନ ଷ୍ଟେଟ ବ୍ୟାଙ୍କ ଉଦଘାଟିତ

ରାୟଗଡ ଭାରତୀୟ ଷ୍ଟେଟ୍ ବ୍ୟାଙ୍କର ନୂତନ ଗୁମୁଡ଼ା ଶାଖା ୦୨/୦୮/୨୪ତାରିଖ ଶୁକ୍ରବାର ଦିନ ଭାରତୀୟ ଷ୍ଟେଟ୍ ବ୍ୟାଙ୍କ ଭୁବନେଶ୍ୱର ସର୍କଲ ମୁଖ୍ୟ ଜେନେରାଲ ମ୍ୟାନେଜର ଶ୍ରୀଯୁକ୍ତ ଦିନେଶ ପ୍ରୁଥୀଙ୍କ ଦ୍ଵାରା ଉଦଘାଟିତ ହୋଇଯାଇଛି । ଏହି ଅବସରରେ ଭାରତୀୟ ଷ୍ଟେଟ ବ୍ୟାଙ୍କର ଶ୍ରୀଯୁକ୍ତ ବିଜୟ କୁମାର ଟି, ଡିଜିଏମ (ସର୍କଲ କ୍ରେଡିଟ ଅଫିସର), ଶ୍ରୀଯୁକ୍ତ ସୋନଦୀପ କୁମାର ଚୌବେ,ଡିଜିଏମ(ବି ଓ ଅ), ବ୍ରହ୍ମପୁର ମଣ୍ଡଳ ଏବଂ ଶ୍ରୀଯୁକ୍ତ ପ୍ରକାଶ କୁମାର ନାଗ, ଆରଏମ, ରାୟଗଡା ଆଞ୍ଚଳିକ ବ୍ୟାପାର ଅଫିସ , ଭାରତୀୟ ଷ୍ଟେଟ୍ ବ୍ୟାଙ୍କ, ଗୁମୁଡା ଶାଖା ପରିଚାଳକ ଶ୍ରୀଯୁକ୍ତ ଉତ୍କଳ କେଶରୀ ମହାପାତ୍ର, ଗୁମୁଡ଼ା ସ୍ଥାନୀୟ ପ୍ରଶାସନିକ ଅଧିକାରୀଗଣ ଏଵଂ ଜନପ୍ରତିନିଧି ଉପସ୍ଥିତ ଥିଲେ।

ଏହି ଶାଖା ଖୋଲା ଯିବା ଦ୍ୱାରା ଏହି ଅଞ୍ଚଳର ଜନସାଧlରଣ ଏବଂ ଚାଷୀ ମାନଙ୍କ ନିମନ୍ତେ ବ୍ୟାଙ୍କିଙ୍ଗ ସୁବିଧା ଉପଲବ୍ଧ ହେଇପାରିବ। ଏହା ପରେ ସର୍କଲ ମୁଖ୍ୟ ଜେନେରାଲ ମ୍ୟାନେଜର ଶ୍ରୀଯୁକ୍ତ ଦିନେଶ ପ୍ରୁଥୀ, ଜାଗୃତି ୨ୟ ବାର୍ଦ୍ଧକ୍ୟ ଗୃହ, ରାୟଗଡା ପରିଦର୍ଶନ କରି ବାର୍ଦ୍ଧକ୍ୟ ଗୃହ ନିମନ୍ତେ ଷ୍ଟେଟ ବ୍ୟାଙ୍କ ତରଫରୁ କିଛି ଅନୁଦାନ ପ୍ରଦାନ କରିଥିଲେ, ଯଦ୍ୱାରା ବାର୍ଦ୍ଧକ୍ୟ ଗୃହର ଅନ୍ତେବାସୀ ଓ ଅନ୍ତେବାସୀନୀ ମାନେ ଉପକୃତ ହୋଇପାରିବେ।ବାର୍ଦ୍ଧକ୍ୟ ଗୃହ ତରଫରୁ ସେଥିନିମନ୍ତେ ଶ୍ରୀଯୁକ୍ତ ପୂର୍ଥୀଙ୍କୁ ଧନ୍ୟବାଦ ଅର୍ପଣ କରାଯାଇଥିଲା।