ସୋନପୁର ଟାଉନ ହଲ ପଛରେ ଦେଶୀ ମଦ ଭାଟି, କଳାକାର ଅସୁକ୍ଷିତ, କଳାକାରଙ୍କୁ ମଦୁଆଙ୍କ ଦୁର୍ବ୍ୟବହାର ଅଭିଯୋଗ
ସୁବର୍ଣ୍ଣପୁର:ସୋନପୁର ସହରର ଟାଉନ ହଲ ପଛପଟରେ ଥିବା ଦେଶୀ ମଦ ଭାଟି ହେତୁ ସମ୍ପ୍ରତି ସାଂସ୍କୃତିକ କାର୍ଯ୍ୟକ୍ରମ ପାଇଁ ଆସୁଥିବା କଳାକାର ଓ ସାଧାରଣ ନାଗରିକମାନେ ଚିନ୍ତା ଓ ଅସୁବିଧାରେ ପଡୁଛନ୍ତି। ସନ୍ଧ୍ୟା ଓ ରାତି ସମୟରେ ମଦୁଆମାନଙ୍କ ପାଦୁର୍ଭାବ, ଦାଦାଗିରି ଓ ଅସଭ୍ୟ ବ୍ୟବହାର ଫଳରେ ଟାଉନ ହଲ ପରିସରର ଶାନ୍ତ ପରିବେଶ ନଷ୍ଟ ହେଉଛି। କାର୍ଯ୍ୟକ୍ରମ ଓ ରିହାର୍ସଲ କରିବାକୁ ଯାଇଥିବା କଳାକାରମାନେ କହୁଛନ୍ତି— ନିକଟରେ ହୋଇଥିବା ମହିମା ସୁବର୍ଣ୍ଣପୁର ଲୋକ ମହୋତ୍ସବ ସମୟରେ କଳାକାର ମାନଙ୍କ ଭୋଜନ ର ବ୍ୟବସ୍ଥା ହୋଇଥିଲା ଏହି ଟାଉନ ହଲ ରେ କିନ୍ତୁ ଏଠାକୁ ଭୋଜନ ପାଇଁ ଆସିଥିବା କଳାକାର ମାନଙ୍କୁ ମଦ୍ୟପାନ କରିଥିବା ମଦୁଆ ମାନେ ଅସଭ୍ୟ ବ୍ୟବହାର କରିଥିବା ଅଭିଯୋଗ ହୋଇଛି l ଯିବା ଆସିବା ସମୟ ରେ ରାସ୍ତାରେ ଅଟକେଇ ଦେଉଛନ୍ତି ଓ କେବେ କେବେ ଅପମାନଜନକ ଭାଷା ବ୍ୟବହାର କରୁଛନ୍ତି। ଏଥିରେ ମହିଳା କଳାକାରମାନେ ସବୁଠାରୁ ଅଧିକ ଅସୁବିଧାରେ ପଡୁଛନ୍ତି।ସ୍ଥାନୀୟ ବାସିନ୍ଦାମାନେ ବି କହିଛନ୍ତି ଯେ ରାତି ବେଳେ ମଦୁଆମାନଙ୍କ ଝଗଡା, ଉଚ୍ଚଶବ୍ଦ ଓ ବାଦବିବାଦ ଦେଖିବାକୁ ମିଳୁଛି। ଏଠାକୁ ଗ୍ରାମାଞ୍ଚଳରୁ କାର୍ଯ୍ୟକ୍ରମ ପାଇଁ ଆସୁଥିବା କିଛି ଦର୍ଶକ ବି ଅସୁରକ୍ଷିତ ଭାବରେ ରହୁଥିବା ଅଭିଯୋଗ ହେଉଛି lସୋନପୁର ଟାଉନ ହଲ ସହରର ସାମାଜିକ ଓ ସାହିତ୍ୟିକ କାର୍ଯ୍ୟକ୍ରମର ମୁଖ୍ୟ କେନ୍ଦ୍ର। ଏଠାରେ ବର୍ଷ ପାଇଁ ଅନେକ ସାଂସ୍କୃତିକ, ସାହିତ୍ୟିକ ଓ ଶିକ୍ଷାସମ୍ପର୍କୀୟ କାର୍ଯ୍ୟକ୍ରମ ବିଭିନ୍ନ ସରକାରୀ ଓ ବେସରକାରୀ କାର୍ଯ୍ୟକ୍ରମ ଅନୁଷ୍ଠିତ ହୋଇଥାଏ।ସ୍ଥାନୀୟ ନାଗରିକ ଓ କଳାକାରମାନେ ଦାବି କରୁଛନ୍ତି ଯେ, ଦେଶୀ ମଦ ଭାଟିକୁ ଟାଉନ ହଲ ଅଞ୍ଚଳରୁ ଦୂରରେ ପୁନଃସ୍ଥାପନ କରାଯାଉ, ଅଞ୍ଚଳରେ ପୋଲିସ ପଟ୍ରୋଲିଂ କଡାକଡି କରାଯାଉ l ଟାଉନ ହଲ ପରିସରରେ ସୁରକ୍ଷା ବ୍ୟବସ୍ଥା କରାଯିବାକୁ ଦାବି ହେଉଛି l ଟାଉନ ହଲ ପଛ ରେ ମଦ ଭାଟି ରହିବା ଯୋଗୁଁ ସହରର ସାଂସ୍କୃତିକ ପରିଚୟ ମଧ୍ୟ ପ୍ରଭାବିତ ହେଉଛି l ଜିଲ୍ଲା ପ୍ରଶାସନ ଏ ବିଷୟ ରେ ଅବଗତ ଥିଲେ ମଧ୍ୟ କୌଣସି ପଦକ୍ଷେପ ଏପର୍ଯ୍ୟନ୍ତ ନେଇନଥିବା ଅଭିଯୋଗ ହେଉଛି l
ସୁବର୍ଣ୍ଣପୁର ରୁ ଉଗ୍ରସେନ କର୍ମୀ ଙ୍କ ରିପୋର୍ଟ ଇପିଏ ନ୍ୟୁଜ…
