୭୮ ତମ ସ୍ବାଧୀନତା ଦିବସ ଦେଶପ୍ରେମ ପରିବେଶ ଓ ଉତ୍ସାହ ଉଦ୍ଦୀପନା ସହିତ ପାଳିତ
ପାରାଦୀପ – ପାରାଦୀପ ରିଫାଇନେରୀ ରେ ୭୮ ତମ ସ୍ବାଧୀନତା ଦିବସ ଦେଶପ୍ରେମ ପରିବେଶ ଓ ଉତ୍ସାହ ଉଦ୍ଦୀପନା ସହିତ ପାଳିତ ହୋଇଯାଇଛି । ଏହି ଅବସରରର ପାରାଦୀପ ରିଫାଇନେରୀର କାର୍ଯ୍ୟନିର୍ବାହୀ ନିର୍ଦ୍ଦେଶକ ତଥା ପ୍ରମୁଖ କୌଶିକ ବସୁ, କର୍ପୋରେଟ୍ ଅଫିସ୍ ଏବଂ ଇଣ୍ଡିଆନଅଏଲର ସମସ୍ତ ୟୁନିଟ୍ ସହିତ ଏକଜୁଟ ହୋଇ ପାରାଦୀପ ରିଫାଇନେରୀ ଟାଉନସିପ୍ ର ନେତାଜୀ ସୁଭାଷ ଚନ୍ଦ୍ର ବୋଷ ଷ୍ଟାଡିୟମରେ ଜାତୀୟ ପତାକା ଉତ୍ତୋଳନ କରିଥିଲେ । ସମସ୍ତ ଇଣ୍ଡିଆନ୍ ଅଏଲ୍ ପରିବାର ସହିତ ମିଳିତ ଭାବରେ ଜାତୀୟ ସଂଗୀତ ଗାନ କରାଯାଇଥିଲା । ଏହି ସମାବେଶକୁ ସମ୍ବୋଧିତ କରି ଶ୍ରୀ ବସୁ , ମହାନ ନେତା ତଥା ସ୍ବାଧୀନତା ସଂଗ୍ରାମୀ, ଯେଉଁମାନେ ଆମ ଦେଶ ପାଇଁ ସ୍ବାଧୀନତା ହାସଲ କରିବାରେ ପ୍ରମୁଖ ଭୂମିକା ଗ୍ରହଣ କରିଥିଲେ, ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଏହି ଅବସରରେ ଶ୍ରୀ କୌଶିକ ବସୁ ନିକଟବର୍ତ୍ତୀ ଅଞ୍ଚଳରେ ବ୍ୟବହାର ପାଇଁ ୧ ୧0 ଟି ଇ-ରିକ୍ସା ପ୍ରଦାନ କରିଥିଲେ ଯାହା ପାରାଦୀପରେ ପ୍ରଦୂଷଣକୁ ହ୍ରାସ କରିବା ସହିତ ବେକାର ସ୍ଥାନୀୟ ଯୁବକମାନଙ୍କୁ ବିକଳ୍ପ ନିଯୁକ୍ତି ସୁଯୋଗ ପ୍ରଦାନ କରିବ । ଡିପିଏସ୍ ଛାତ୍ରଛାତ୍ରୀ ମାନଙ୍କ ଦ୍ବାରା ଦେଶାତ୍ମବୋଧ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା l
