ସୋନପୁର ଠାରେ ବୀରମିତ୍ରୋଦୟ ସିଂହଦେଵଙ୍କ ୧୫୧ ତମ ଜନ୍ମ ଜୟନ୍ତୀ ପାଳିତ
ସୁବର୍ଣ୍ଣପୁର: ବୀରମିତ୍ରୋଦୟ ସିଂହଦେଵଙ୍କ ୧୫୧ ତମ ଜନ୍ମ ଜୟନ୍ତୀ ଅବସରରେ ଗଡ ଭିତର ଛକ ଠାରେ ଥିବା ତାଙ୍କର ପ୍ରତିମୂର୍ତ୍ତିରେ ପୌର ପରିଷଦ ଓ ସହରର ବିଭିନ୍ନ ସାମାଜିକ ସଂଗଠନ ପକ୍ଷରୁ ପୁଷ୍ପ ମାଲ୍ୟ ଓ ଶ୍ରଦ୍ଧାସୁମନ ଅର୍ପଣ କରାଯାଇଥିଲା। ରାଜା ପ୍ରତାପରୁଦ୍ର ସିଂହଦେଵ ଏବଂ ରାଣୀ ଅମୁଲ୍ୟମଣି ଦେବୀଙ୍କ ଜ୍ୟେଷ୍ଠ ସନ୍ତାନ ଭାବରେ ରାଜ ଉଆସରେ ୧୮୭୪ ମସିହା ଜୁଲାଇ ମାସ ଆଜିର ତିଥି ରେ ସେ ଜନ୍ମ ଗ୍ରହଣ କରିଥିଲେ l ସୋନପୁର ଅଞ୍ଚଳ ତଥା ରାଜ୍ୟ ର ଶିକ୍ଷା କ୍ଷେତ୍ର ରେ ଉଲ୍ଲେଖନୀୟ ଭୂମିକା ରହି ଥିବା ଏଭଳି ଏକ ମହାନ୍ ଅମର ଆତ୍ମାଙ୍କ ଜୟନ୍ତୀ ଅବସରରେ ତାଙ୍କର ସେହି ଅମୃତ ଅମ୍ଲାନ ସ୍ମୃତି ପ୍ରତି ସୁବର୍ଣ୍ଣପୁର ଅତିରିକ୍ତ ଜିଲ୍ଲାପାଳ ଙ୍କ ସମେତ ସମସ୍ତ ଅତିଥି ଭକ୍ତିପୂତ ଶ୍ରଦ୍ଧାସୁମନ ଜ୍ଞାପନ ପୂର୍ବକ
ସ୍ମୃତି ଚାରଣ କରିଥିଲେ l ସୋନପୁର ର ଐତିହାସିକ ତଥା ଗବେଷକ ଡଃ. ସୁଦାମ ନାଏକ ମୁଖ୍ୟ ବକ୍ତା ଭାବେ ଯୋଗ ଦେଇ ପ୍ରଜାବତ୍ସଳ ରାଜା ଶ୍ରୀ ସିଂହଦେଵ ଙ୍କ ଗୁଣ ଗାନ କରିଥିଲେ l ଜିଲ୍ଲା ସଚେତନ ନାଗରିକ ମଞ୍ଚ ସଭାପତି ସିତାଂଶୁ ଶେଖର ମିଶ୍ର ଙ୍କ ସଂଯୋଜନା ରେ ଅନୁଷ୍ଟିତ ଏହି କାର୍ଯ୍ୟକ୍ରମରେ ସୁବର୍ଣ୍ଣପୁର ଜିଲ୍ଲାପ୍ରଶାସନ ପକ୍ଷରୁ ଅତିରିକ୍ତ ଜିଲ୍ଲାପାଳ ଅଞ୍ଜଳିନା ପ୍ରଧାନ, ପୌର ପରିଷଦ ଅଧ୍ୟକ୍ଷା ତାମସୀ ତାମସ୍ମିତା ନାୟକ, ପୌର ନିର୍ବାହୀ ଅଧିକାରୀ ଋଷି ମାଝୀ, ଜିଲ୍ଲା ସୁଚନା ଓ ଲୋକ ସମ୍ପର୍କ ଅଧିକାରୀ ଅର୍ଜ୍ଜୁନ ମାଝୀ, ପୂର୍ବତନ ପୌର ଅଧ୍ୟକ୍ଷ ପ୍ରକାଶ ସାହୁ ଓ କଇଁରୁ ସ୍ୱାଇଁ, ବରିଷ୍ଠ ସାମ୍ୱାଦିକ ମନୋରଞ୍ଜନ ତ୍ରିପାଠୀ, ଦିଲ୍ଲୀପ ପାତ୍ର, ବରିଷ୍ଠ ନାଗରିକ କୃଷ୍ଣ ଚନ୍ଦ୍ର ବାଘ, ଡ଼ଃ. ଆର୍ତ୍ତତ୍ରାଣ ବାବୁ,
କାଉନସିଲର ପୀୟୂଷ ପଣ୍ଡା,ବନିତା ପଶାୟତ, ପ୍ରାକ୍ତନ କାଉନସିଲର ତ୍ରିଲୋଚନ ତରିଆ, ସଚେତନ ନାଗରିକ ଅକ୍ଷୟ କୁମାର ସେଠୀ, ଦୁଃଖିରାମ ନାୟକ, ଶ୍ରୀଧର ବାଘ,ମାଗୁଣି ସାହୁ,ପ୍ରଦୀପ ପୁରୋହିତ , ବିନୋଦ ମେହେର,ସନ୍ତୋଷ ପାଢ଼ୀ ପ୍ରମୁଖ ଅନେକ ବୁଦ୍ଧିଜୀବୀ ଉପସ୍ଥିତ ଥିଲେ l
ସୁବର୍ଣ୍ଣପୁର ରୁ ଉଗ୍ରସେନ କର୍ମୀ ଙ୍କ ରିପୋର୍ଟ ଇପିଏ ନ୍ୟୁଜ..
