ଓଡିଶା ର ବିଭିନ୍ନ ଜିଲ୍ଲାରେ ହେବ ଗୋ ଅଭୟାରଣ୍ୟ

ଗୋବିନ୍ଦ ଗୋ ଧାମ ମୁଖ୍ୟ ଙ୍କ ସହିତ ପୂର୍ବତନ କେନ୍ଦ୍ର ମନ୍ତ୍ରୀ ବିଶେଶ୍ୱର ଟୁଡୁ ଙ୍କ ଆଲୋଚନା

ପୁରୀ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଜୀଙ୍କ ମାର୍ଗଦର୍ଶନ ରେ ଦେଶରେ ଗୋ ସମ୍ପଦ ସହିତ ପଶ୍ଚିମ ବଙ୍ଗଳା ବାସୀଙ୍କ ଭାରତ ର ବିଭିନ୍ନ ରାଜ୍ୟରେ ଆବଶ୍ୟକୀୟ ସୁବିଧା ସୁଯୋଗ ଯୋଗାଇଦେବା ନିମନ୍ତେ ଚାଲୁ ରହିଥିବା କାର୍ଯ୍ୟକ୍ରମ ଅନୁଯାୟୀ ଓଡିଶା ପରିପ୍ରେକ୍ଷୀରେ ଓଡିଶା ର ମୁଖ୍ୟ ଦାୟିତ୍ୱ ବହନ କରୁଥିବା ପୂର୍ବତନ କେନ୍ଦ୍ର ମନ୍ତ୍ରୀ ବିଶେଶ୍ୱର ଟୁଡୁ ପଶ୍ଚିମ ବଙ୍ଗଳା ରାଜ୍ୟ ବିଜେପି ର ରାଜ୍ୟ ଉପ ସଭାପତି ସୌମିତ କୁମାର ଦାସ ପୁରୀ ପହଞ୍ଚି ନିଜର ଟିମ ସହିତ ଗୋବିନ୍ଦ ଗୋଧାମ ଗୋଶାଳା ର ପ୍ରତିଷ୍ଠାତା ତଥା ଜଗତଗୁରୁ ରାମଭଦ୍ରାଚାର୍ଯ୍ୟ ଙ୍କ ଓଡିଶା ମୁଖ୍ୟ ପ୍ରଭାରୀ ପଣ୍ଡିତ ବିଷ୍ଣୁ ଚରଣ ପଣ୍ଡାଙ୍କ ସହିତ ବିସ୍ତୃତ ଆଲୋଚନା କରିଥିଲେ |

ଏହି ପରିପ୍ରେକ୍ଷୀରେ ପଣ୍ଡିତ ବିଷ୍ଣୁ ଚରଣ ପଣ୍ଡା ପ୍ରସ୍ତାବ ରଖିଥିଲେ ଓଡିଶା ର ବିଭିନ୍ନ ଜିଲ୍ଲାରେ ଥିବା ସରକାରୀ ଜଙ୍ଗଲ ରେ ସ୍ୱତନ୍ତ୍ର ରୂପେ ନିର୍ଦ୍ଧିଷ୍ଟ ଯାଗାରେ ଗୋ ଅଭୟାରଣ୍ୟ ଘୋଷଣା କରାଯାଇ ଗୋମାତା ମାନଙ୍କୁ ସୁରକ୍ଷିତ ରଖାଯାଉ |ସେଥିପାଇଁ ସରକାରୀ ବ୍ୟବସ୍ଥା କରିବାର ଆବଶ୍ୟକତା ରହିଛି |

ଯା ଦ୍ୱାରା ସରକାର ଗୋ ଚାଲାଣ ରୋକିବାରେ ସକ୍ଷମ ହୋଇପାରିବେ |ଏହି ପ୍ରସ୍ତାବ କୁ ପୂର୍ବତନ କେନ୍ଦ୍ରମନ୍ତ୍ରୀ ଶ୍ରୀଯୁକ୍ତ ଟୁଡୁ ଗ୍ରହଣ କରିବା ସହିତ ମୁଖ୍ୟମନ୍ତ୍ରୀ ଏବଂ ପଶୁପାଳନ ମନ୍ତ୍ରୀଙ୍କ ସହିତ ବୈଠକ କରାଯିବ ବୋଲି ପୂର୍ବତନ କେନ୍ଦ୍ରମନ୍ତ୍ରୀ ପ୍ରକାଶ କରିଛନ୍ତି |ସେହିଭଳି ପୁରୀରେ ଥିବା ବଙ୍ଗାଳି ସମୁଦାୟ ଙ୍କ ବିଭିନ୍ନ ସମସ୍ୟା ଓ ସମାଧାନ ସମ୍ପର୍କରେ ବିସ୍ତୃତ ଆଲୋଚନା କରାଯାଇଥିଲା |ଏହି ବୈଠକ ରେ ବିଜେପି ମହିଳା ମୋର୍ଚ୍ଚା ରାଜ୍ୟ ସଦସ୍ୟା ରଂଜିତା ପାଢ଼ୀ, ପୁରୀ ସିଂହଦ୍ୱାର ମଣ୍ଡଳ ର ସୋମା ଦାଶ, ବିଜେପି ନେତା ସମୀର ଚାନ୍ଦ, ବରିଷ୍ଠ ସାମ୍ବାଦିକ ବିଷ୍ଣୁଦତ୍ତ ଦାସ ପ୍ରମୁଖ ଉପସ୍ଥିତ ଥିଲେ |

ପୁରୀ ଇପିଏ ରୁ ସୌଭାଗ୍ୟ ପଟ୍ଟନାୟକ ଙ୍କ ରିପୋର୍ଟ
ଇପିଏ ନିଉଜ