ବିକଶିତ ଭାରତ ଯୁବ ନେତୃତ୍ବ ସଂଳାପ ୨୦୨୬ ,ଜିଲ୍ଲାସ୍ତରୀୟ ଯୁବୋତ୍ସବ – ୨୦୨୫ ଅନୁଷ୍ଠିତ
filter: 0; fileterIntensity: 0.0; filterMask: 0; module: photo; hw-remosaic: false; touch: (-1.0, -1.0); modeInfo: ; sceneMode: 8; cct_value: 7045; AI_Scene: (-1, -1); aec_lux: 212.81827; aec_lux_index: 0; hist255: 0.0; hist252~255: 0.0; hist0~15: 0.0; albedo: ; confidence: ; motionLevel: 0; weatherinfo: null; temperature: 39;
ନୟାଗଡ଼ : ନୟାଗଡ ବିକଶିତ ଭାରତ ଯୁବ ନେତୃତ୍ୱ ସଂଳାପ – ୨୦୨୬, ଜିଲ୍ଲାସ୍ତରୀୟ ଯୁବୋତ୍ସବ -୨୦୨୫, କ୍ରୀଡା ଓ ଯୁବ ସେବା ବିଭାଗ, ଓଡିଶାଙ୍କ ନିର୍ଦ୍ଦେଶରେ ନୟାଗଡ଼ ସ୍ଵୟଂଶାସିତ ମହାବିଦ୍ୟାଳୟ ହିରକ ଜୟନ୍ତୀ ପ୍ରେକ୍ଷାଳୟରେ ଅନୁଷ୍ଠିତ ହୋଇଯାଇଛି। ଯୁବକମାନଙ୍କର ସାହିତ୍ୟିକ, ସାଂସ୍କୃତିକ, କଳାକୌଶଳ, ସଙ୍ଗୀତ ଓ ନେତୃତ୍ୱ ସମ୍ଭାବନାକୁ ଉତ୍ସାହିତ ଓ ପ୍ରଚାର କରିବା ପାଇଁ ଜିଲ୍ଲାର ବିଭିନ୍ନ ଶିକ୍ଷା ସଂସ୍ଥା ଓ ଯୁବ ସଂଗଠନର ପ୍ରତିନିଧିମାନେ ବିଭିନ୍ନ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ। ଯଥା – ଅଭିଭାଷଣ,କବିତା ଲିଖନ,ଗଳ୍ପ ଲିଖନ, ଚିତ୍ରାଙ୍କନ, ବିଜ୍ଞାନ ମେଳା,ଲୋକ ସଙ୍ଗୀତ ଓ ଲୋକ ନୃତ୍ୟ ।ଏହି ପ୍ରତିଯୋଗିତା ବିଚାରକ ମଣ୍ଡଳୀଙ୍କୁ ନେଇ ଦିନ ୧୦ ଘଟିକାରୁ ଆରମ୍ଭ ହୋଇ ଅପରାହ୍ନ ୫ ଘଟିକା ପର୍ଯ୍ୟନ୍ତ ଚାଲିଥିଲା ।ଏହାପରେ ଯୁବୋତ୍ସବର ଉଦ୍ଦେଶ୍ୟ ଓ ବିଜୟୀ ପ୍ରତିଯୋଗୀଙ୍କୁ ପୁରସ୍କାର ବିତରଣ କାର୍ଯ୍ୟକ୍ରମର ସଭାକାର୍ଯ୍ୟ ମୁଖ୍ୟ ଅତିଥି ଜିଲ୍ଲା ପରିଷଦ ଅଧ୍ୟକ୍ଷ ଇଂ ଦେବାଶିଷ ପଟ୍ଟନାୟକ,ସମ୍ମାନୀତ ଅତିଥି ଅରିତିକ୍ତ ଜିଲ୍ଲାପାଳ ଶ୍ରୀମତି ରୋଜିନା ଦାସ, ଉପଜିଲ୍ଲାପାଳ ଶ୍ରୀ କର୍ଣ୍ଣଦେବ ସମାଦାର, ନୟାଗଡ଼ ସ୍ଵୟଂଶାସିତ ମହାବିଦ୍ୟାଳୟ ଅଧ୍ୟକ୍ଷ, ଶ୍ରୀ ବିପିନ ବିହାରୀ ପଟ୍ଟନାୟକ ଏବଂ ଶ୍ରୀମତୀ ସୁଜାତା କୁମାରୀ ସାହୁ, ଜିଲ୍ଲା କ୍ରିଡା ଅଧିକାରୀ, ନୟାଗଡ଼ ପ୍ରମୁଖ ଉପସ୍ଥିତିରେ ଆରମ୍ଭ ହୋଇଥିଲା ।ଅତିଥିମାନେ ଯୁବୋତ୍ସବର ଉପାଦେୟତା ବିଷୟରେ ଆଲୋକପାତ କରିଥିଲେ ।
ମହାବିଦ୍ୟାଳୟର ଅଧ୍ୟକ୍ଷ ଶ୍ରୀ ପଟ୍ଟନାୟକ ପ୍ରତିଯୋଗିତାରେ ଉତ୍ତୀର୍ଣ୍ଣ ହୋଇଥିବା ପ୍ରତିଯୋଗୀ ମାନେ ରାଜ୍ୟ ସ୍ତରୀୟ ପ୍ରତିଯୋଗିତାରେ ବିଜୟୀ ହୋଇ ଆମ ଜିଲ୍ଲାର ସୁନାମ ଆଣିବା ପାଇଁ ପ୍ରଭୁଙ୍କ ପାକରେ କାମନା କରିଥିଲେ ।ଉପ ଜିଲ୍ଲାପାଳ କର୍ଣ୍ଣଦେବ ସମାଦାର କହିଥିଲେ ପ୍ରଧାନମନ୍ତ୍ରୀ ମୋଦୀଙ୍କ ବିକଶିତ ଭାରତ ୨୦୪୭ ଓ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ବିକଶିତ ଓଡ଼ିଶା ୨୦୩୬ ଶିକ୍ଷା, ନିଶା ନିବାରଣ ,ନାରୀ ଶିକ୍ଷା ଓ ସମାଜର ଉନ୍ନତିରେ ଯୁବୋ ଗୋଷ୍ଠୀକୁ ପ୍ରୋତ୍ସାହନ ଦ୍ଵାରା ବିକଶିତ ଭାରତ ଓ ବିକଶିତ ଓଡ଼ିଶା ସମ୍ଭବ ହେବ ।ଅତିରିକ୍ତ ଜିଲ୍ଲାପାଳ ରୋଜିନା ଦାସ କହିଥିଲେ ଯୁବଗୋଷ୍ଠୀ ବିନା ଦେଶ ବା ଓଡ଼ିଶାର ବିକାଶ ଚିନ୍ତା କରାଯାଇ ନପାରେ ।ତେଣୁ ପିଲାମାନେ ତୁମେ ନିଜେ ପ୍ରତିଷ୍ଠିତ ହେବା ସହିତ ଆମ ଦେଶ ଓ ରାଜ୍ୟର ସେବାରେ ବ୍ରତୀ ହେବାକୁ ଏହି ଯୁବୋତ୍ସବର ଉଦ୍ଦେଶ୍ୟ ବୋଲି କହିଥିଲେ ।ମୁଖ୍ୟ ଅତିଥି ଶ୍ରୀ ପଟ୍ଟନାୟକ ଯୁବଗୋଷ୍ଠୀଙ୍କ ଉଦ୍ଦେଶ୍ୟରେ ବକ୍ତବ୍ୟ ଥିଲା ଆତ୍ମ ବିଶ୍ବାସର ସହିତ ଶିକ୍ଷା ନେଇ ନିଜ ଗୋଡ଼ରେ ନିଜେ ଠିଆ ହୋଇ ନିଜର ,ଦେଶର ଓ ଜାତିର ଟେକ ରଖିବାକୁ ସ୍ଵାମୀ ବିବେକାନନ୍ଦଙ୍କର ଉଦାହରଣ ଦେବାସହ ରଘୁ ଦିବାକର ଓ ଇତିହାସ ସୃଷ୍ଟି କରିଥିବା ଆମ ଜିଲ୍ଲା ଥୁଆବାରୀର ଗ୍ରାମର ଉଦାହରଣ ଦେଇଥିଲେ ।
ଆମ ଜିଲ୍ଲାରୁ କୃତିତ୍ୱ ହାସଲ କରି ଥିବା ରାଜ୍ୟ ସ୍ତରୀୟ ପ୍ରତିଯୋଗିତାରେ ଜିଲ୍ଲାର ଟେକ ରଖିବାକୁ ଆଶୀର୍ବାଦ କରିଥିଲେ ।ଆମ ଜିଲ୍ଲାର ୮ଟି ବ୍ଲକରୁ ପ୍ରାୟ ୮୦୦ ରୁ ଉର୍ଦ୍ଧ ଛାତ୍ର/ଛାତ୍ରୀ ଏହି ପ୍ରତିଯୋଗୀତାରେ ଭାଗ ନେଇଥିଲେ ।ପ୍ରତିଯୋଗିତାରେ କୃତିତ୍ଵ ହାସଲ କରିଥିବା ଛାତ୍ର/ଛାତ୍ରୀମାନଙ୍କୁ ଅତିଥିମାନଙ୍କ ଦ୍ଵାରା ଅର୍ଥ ରାଶି ସହିତ ମେମୋଣ୍ଟ ଦେଇ ପୁରସ୍କୃତ କରାଯାଇଥିଲା ।ଛାତ୍ର/ଛାତ୍ରୀ ମାନଙ୍କୁ ପୁରସ୍କୃତ କରାଜିବାପରେ ,ଅତିଥି ମାନଙ୍କୁ ଉପଢୌକନ ମେମୋଣ୍ଟ ଦେଇ ସମ୍ବର୍ଦ୍ଧିତ କରିଥିଲେ ସୁଜାତା ସାହୁ । ମଞ୍ଚ ପରିଚାଳନା କରିଥିଲେ ଓ ଧନ୍ୟବାଦ ଦେଇଥିଲେ ଜିଲ୍ଲା ସଂସ୍କୃତି ଅଧିକାରୀ ତଥା କ୍ରୀଡା ଅଧିକାରୀ ସୁଜାତା ସାହୁ । ବିଭିନ୍ନ ବିଭାଗରେ ଜିଲ୍ଲା ସ୍ତରରେ କୃତିତ୍ୱ ହାସଲ କରିଥିବା ପ୍ରତିଯୋଗି ମାନେ ହେଲେ, କ୍ରମାନ୍ୱୟରେ ପ୍ରଥମ, ଦ୍ଵିତୀୟ ଓ ତୃତୀୟ ଅଭିଭାଷଣରେ – ଅସୀମ ରଂଜନ ପଟ୍ଟନାୟକ, ବିଦ୍ୟାଵୀଜିତା ମହାନ୍ତି ,ପ୍ରିୟଙ୍କା ଜେନା । କବିତା ଲିଖନରେ – ବୃହସ୍ପତି ଜୟ ସିଂ, ପ୍ରିୟଦର୍ଶିନୀ ସାହୁ, ଦିପାଞ୍ଜଳି ପରିଡ଼ା ।ଗଳ୍ପ ଲିଖନରେ – ସସ୍ମିତା ପ୍ରଧାନ, ଅନନ୍ୟା ମୈତ୍ରୀ, ବିଜୟଶ୍ରୀ ଲକ୍ଷ୍ମୀ ଦାସ । ଚିତ୍ରାଙ୍କନ – ସାଗର କୁମାର ରଥ, ଦିବ୍ୟ ଜୀବନ ସାହୁ, ଦୀପଙ୍କର ଦାସ । ବିଜ୍ଞାନ ମେଳାରେ – ତୃପ୍ତି ଭେଙ୍କଟେଶ୍ୱର ତ୍ରିପାଠୀ ଗ୍ରୁପ,ମଡେଲ ଡିଗ୍ରୀ କଲେଜ ନୟାଗଡ, ସନ୍ଧ୍ୟାରାଣୀ ସାହୁ ଗ୍ରୁପ, ସ୍ଵୟଂଶାସିତ ମହାବିଦ୍ୟାଳୟ ନୟାଗଡ, ଲିପ୍ସା ତ୍ରିପାଠୀ ଗ୍ରୁପ, ସ୍ଵୟଂଶାସିତ ମହାବିଦ୍ୟାଳୟ ନୟାଗଡ ।ଲୋକ ସଙ୍ଗୀତରେ – ବିଷ୍ଣୁପ୍ରିୟା ଓ ସଣ୍ଡେ ଆର୍ଟ କ୍ରାପ୍ଟ ସ୍କୁଲ ନୟାଗଡ, ନୟାଗଡ କଳା ପରିଷଦ ଗ୍ରୁପ ନୟାଗଡ, ଲୋପାମୁଦ୍ରା ଗ୍ରୁପ ସ୍ଵୟଂ ଶାସିତ ମହାବିଦ୍ୟାଳୟ ନୟାଗଡ ।ଲୋକ ନୃତ୍ୟରେ – ନୟାଗଡ କଳା ପରିଷଦ ନୟାଗଡ, ନୟାଗଡ ସ୍ଵୟଂ ଶାସିତ ମହାବିଦ୍ୟାଳୟ ନୟାଗଡ, ନୂଆଗାଁ +୩ ଡିଗ୍ରୀ କଲେଜ ନୂଆଗାଁ ।ଜିଲ୍ଲା ଯୁବୋତ୍ସବ କାର୍ଯ୍ୟକ୍ରମଟିକୁ ନୟାଗଡ଼ ଜିଲ୍ଲା ସଂସ୍କୃତି ଅଧିକାରୀ ତଥା ଜିଲ୍ଲା କ୍ରୀଡା ଅଧିକାରୀ ସୁଜାତା ସାହୁ ତାଙ୍କ କର୍ମଚାରୀ ମାନଙ୍କୁ ନେଇ ଆରମ୍ଭରୁଯେ ଶେଷ ପର୍ଯ୍ୟନ୍ତ ସୁପରିଚାଳନା କରିଥିଲେ ।
ଇ ପି ଏ ରୁ ଗୋକୁଳ କୁମାର ଷଡ଼ଙ୍ଗୀ ଜିଲ୍ଲା ପ୍ରତିନିଧି ନୟାଗଡ଼ ।
