ନାରାୟଣନଗର ଠାରେ ଆୟୁର୍ବେଦ ଓ ପ୍ରାକୃତିକ ଚିକିତ୍ସା ଶିବିର ଅନୁଷ୍ଠିତ

ବୌଦ୍ଧ ଜିଲ୍ଲା ସଦର ବ୍ଳକ ନାରାୟଣନଗର ରାମ ଓ ଜଗନ୍ନାଥ ଯୁଗ୍ମ ମନ୍ଦିର କମ୍ୟୁନିଟି ହଲ ଠାରେ ଛତ୍ରପୁର, ଗଞ୍ଜାମ ର ସ୍ବଦେଶ ବୈଦ୍ୟଶାଳା ଓ ରିସର୍ଚ୍ଚ ପ୍ରାଇଭେଟ ଲିଃ. ର ସହାୟତାରେ ଆନନ୍ଦମାର୍ଗ ପ୍ରଚାରକ ସଙ୍ଘ, ବୌଦ୍ଧ ଶାଖାର ପ୍ରାଉଟିଷ୍ଟ କେଦାର ନାଥ ସାହୁଙ୍କ ଆୟୋଜନକ୍ରମେ ଏକ ଦିନିକିଆ ଆୟୁର୍ବେଦ ଓ ପ୍ରାକୃତିକ ଚିକିତ୍ସା, ପଞ୍ଚଗବ୍ୟ, ପର୍ସ ଚିକିତ୍ସା ଓ ଔଷଧୀୟ ବୃକ୍ଷ ରୋପଣ ସଚେତନତା ଶିବିର ଅନୁଷ୍ଠିତ ହୋଇଥିଲା l ଉକ୍ତ ଶିବିରରେ ପ୍ରାକୃତିକ ଚିକିତ୍ସକ ଓ ଆୟୁର୍ବେଦାଚାର୍ଯ୍ୟ ଡା.ନିରାକାର ବେହେରା ଯୋଗଦେଇ ପ୍ରାକୃତିକ ଚିକିତ୍ସା ପଦ୍ଧତିରେ ଜଳ ଚିକିତ୍ସା, ପ୍ରାକୃତିକ ଖାଦ୍ୟ ଗ୍ରହଣ ଦ୍ୱାରା ବିନା ଔଷଧ ସେବନରେ ନିରୋଗ ରହିପାରିବା ବୋଲି ପ୍ରତିଶୃତି ଦେଇଥିଲେ l ବୌଦ୍ଧ ଜିଲ୍ଲାର ବିଭିନ୍ନ ଅଞ୍ଚଳରେ ସଚେତନତା ଶିବିର ଆୟୋଜନ ନିମନ୍ତେ ତାରିଖ ଧାର୍ଯ୍ୟ କରାଯାଇଛି l ଆସନ୍ତା ଦିନରେ ବଘିଆପଡା, ବଢ଼ିଗାଁ, ଶଗଡା, ମର୍ଜlକୁଦ, ବିରନରସିଂପୁର, ମାଧପୁର, ତଳଗାଁ ଠାରେ ଶିବିର ଆୟୋଜନ ନିମନ୍ତେ ସ୍ଥିର କରାଯାଇଛି l ଶିବିର ଆୟୋଜନ ନିମନ୍ତେ ସାମାଜିକକର୍ମୀ କେଦାରନାଥ ସାହୁ, କୃତ୍ତିବାସ ପଲିଆ, ଅଜିତ କୁମାର ପଟ୍ଟନାୟକ, କେଦାର ରଣବିଡା, ନିର୍ଗୁଣ ମହାକୁଡ଼, ରଘୁନାଥ ପଲିଆ, ନାରାୟଣ ମେହେର, ଶ୍ରୀବଲ୍ଲଭ ପ୍ରସାଦ ନାୟକ, ଗୋପାଳ ମହାରଣା, ଶରତ ପ୍ରଧାନ, ମଞ୍ଜୁଲତା ଦାସ ପ୍ରମୁଖ ଙ୍କୁ ଦାୟିତ୍ୱ ଅର୍ପଣ କରାଯାଇଛି l ଉକ୍ତ ଶିବିରରେ ମୁଖ୍ୟ ଅତିଥି ଭାବେ ସାମାଜିକ କର୍ମୀ ଭୋଳାନାଥ ସାହୁ ଯୋଗଦେଇ ଉଦଘାଟନ କରିଥିଲେ ଓ ନିଜେ ମଧ୍ୟ ପ୍ରାକୃତିକ ଚିକିତ୍ସା ପଦ୍ଧତି ଆପଣାଇବାକୁ ପ୍ରତିଶୃତି ଦେଇଥିଲେ l

ରିପୋର୍ଟ – ଉଗ୍ରସେନ କର୍ମୀ, ବୌଦ୍ଧ