ସର୍ବ ଭାରତୀୟ ଫୁଟବଲ ଟୁର୍ଣ୍ଣାମେଣ୍ଟ ନୟାଗଡ କପ୍ ୨୦୨୬ ଉଦଘାଟିତ
ଭଞ୍ଜନଗର ୧ – ୦ ଗୋଲରେ ବିଜୟୀ ।
ନୟାଗଡ: ନୟାଗଡ ଖେଳ ପଡ଼ିଆରେ ୭୮୬ କ୍ଲବ ସିନ୍ଦୁରିଆ, ମର୍ଣିଂ କ୍ଲବ ଓ ଜିଲ୍ଲା ଆଥଲଟିକ ଆସୋସିଏନ ନୟାଗଡ ମିଳିତ ଆନୁକୁଲ୍ୟରେ ରଙ୍ଗାରଙ୍ଗ ପରିବେଶ ଏବଂ ଆକର୍ଷଣୀୟ ସୁସଜ୍ଜିତ ଖେଳପଡିଆ ମଧ୍ୟରେ ଆଜି ସର୍ବ ଭାରତୀୟ ଫୁଟବଲ ଟୁର୍ଣ୍ଣାମେଣ୍ଟ ନୟାଗଡ଼ କପ ୨୦୨୬ ଶୁଭ ଉଦଘାଟିତ ହୋଇଯାଇଛି। ପ୍ରଥମେ ପ୍ରଭୁ ଜଗତର ନାଥ ଜଗନ୍ନାଥଙ୍କ ନିକଟରେ ମୁଖ୍ୟ ଅତିଥି ସମାଜସେବୀ ଇରାନୀ ରାୟ,ସମ୍ମାନୀତ ଅତିଥି ପୂର୍ବତନ ବିଧାୟକ ରଣପୁର ସତ୍ୟନାରାୟଣ ପ୍ରଧାନ,ଜିଲ୍ଲା ପରିଷଦ ସଭାପତି ଇଞ୍ଜିନିୟର ଦେବାଶିଷ ପଟ୍ଟନାୟକ, ଜିଲ୍ଲା କ୍ରୀଡା ଅଧିକାରୀ ସୁଜାତା ସାହୁ, ନୟାଗଡ ପୌରପରିଷଦ ଅଧ୍ୟକ୍ଷା ନିରୁପମା ଖଟେଇ,ଉପାଧ୍ୟକ୍ଷ ଗୁରୁପ୍ରସାଦ ଜେନା, ଏଡିପିଓ ( ଆଇପିଏସ ) ଜ୍ୟୋତିରଂଜନ ସାମନ୍ତରାୟ, ତହସିଲଦାର ରାଜେଶ କୁମାର ସ୍ବାଇଁ,ଓ ସମାଜସେବୀ ମମତାଜ ବେଗମ ପ୍ରମୁଖ ପ୍ରଦୀପ ପ୍ରଜ୍ବଳନ ପୂର୍ବକ କ୍ରୀଡା ପତାକା ଉତ୍ତୋଳନ କରି ନୟାଗଡ କପ ୨୦୨୬ କୁ ଉଦ୍ଘାଟନ କରିଥିଲେ ।
ଉଦ୍ଘାଟନ ସମୟରେ ଅତିଥି ମାନଙ୍କ ସହିତ ଥିଲେ, ସଭାପତି ଶେଖ ଇଶୁବୁ,ଅଶୋକ କୁମାର ନାୟକ, କାର୍ଯ୍ୟକାରୀ ସଭାପତି ସେକ୍ ନଇମ, ଉପସଭାପତି ସରିଫ ଖାଁ, ସଞ୍ଜୟ କୁମାର ସୁବୁଦ୍ଧି, ସଂପାଦକ ଅନୱର ଅଲ୍ଲୀ, ସାଂଗଠାନିକ ସଂପାଦକ ହଜରତ ଅଲ୍ଲୀ ଖାଁ, ସଞ୍ଜୟ କୁମାର ପ୍ରଧାନ । ଖେଳ ଆରମ୍ଭ ପୂର୍ବରୁ ରଙ୍ଗା ରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଆୟଜିତ ହୋଇଥିଲା।ପ୍ରଥମ ଦିନର ଖେଳରେ ପପୁଲାର ଫୁଟବଲ କ୍ଲବ ଢେଙ୍କାନାଳ ଏବଂ ମରାଠା ଇଲେଭେନ ଫୁଟବଲ କ୍ଲବ ଭଞ୍ଜନଗର ପରସ୍ପରକୁ ଭେଟିଥିଲେ। ଆରମ୍ଭରୁ ଖେଳ ସଂଘର୍ଷ ପୂର୍ଣାହୋଇଥିଲେ ମଧ୍ୟ ପ୍ରଥମାର୍ଦ୍ଧରେ କେହି କାହାକୁ ଗୋଲ ଦେଇ ପାରି ନଥିଲେ ।ଖେଳ ଶେଷ ହେବାକୁ ୧୦ ମିନିଟ ଅଛି ଭଞ୍ଜନଗର ଟିମର ୫ ନମ୍ବର ଖେଳାଳୀ ସିମି ଗୋଟିଏ ମଜାଦାର ପ୍ରଥମ ଗୋଲ ଦେଇ ୧/୦ରେ ନିଜ ଦଳକୁ ଅଗ୍ରଣୀ କରିଥିଲେ ।
ଏହି ଗୋଲ ପରେ ଖେଳ ଖୁବ ମଜାଦାର ସଂଘର୍ଷପୂର୍ଣ୍ଣ ଥିଲାବେଳେ ଢେଙ୍କାନାଳ ଦଳ ଗୋଲ ଶୁଝାଇ ପାରିନଥିଲେ ।ଯାହା ଫଳରେ ମରାଠା ଇଲେଭେନ ଫୁଟବଲ କ୍ଲବ ଭଞ୍ଜନଗର ବିଜୟୀ ହୋଇଥିଲା । ଆଜିର ଖେଳକୁ ପରିଚାଳନା କରିଥିଲେ ମୁଖ୍ୟ ରେଫରୀ ଭାବେ ଆନ୍ତର୍ଜାତୀୟ ଖ୍ୟାତିସମ୍ପନ୍ନ ରେଫରୀ ରାଜୁ ମହାନ୍ତି, ଲାଇନରେ ସହାୟତା କରିଥିଲେ,ପ୍ରସନ୍ନ ନାୟକ ଓ ଶରତ ମହାରଣା । ମ୍ୟାଚ୍ କମିଶନର ଥିଲେ ଆଲୋକ ଦାସ ଓ ସହକାରୀ କମିଶନର ଥିଲେ ଅମୀୟ କୁମାର ସାହୁ ।ଆଜିର ଖେଳକୁ ଦର୍ଶକ ଗ୍ୟାଲେରୀରେ ହଜାର ହଜାର ଫୁଟବଲ ପ୍ରେମୀ ମନଭରୀ ଉପଭୋଗ କରି ମଜା ଉଠାଇଥିଲେ ।ଆସନ୍ତା କାଲିର ଖେଳ ୟୁନାଇଟେଡ ଇୟୁଥ କ୍ଲବ ଗନ୍ଦରପୁର ଭୁବନେଶ୍ୱର ଓ ଏସ ଜେ ସି ଫୁଟବଲ କ୍ଲବ କାଲିକୁଟ କେରଳ ମଧ୍ୟରେ ଠିକ୍ ଅପରାହ୍ନ ୩ଘଟିକା ସମୟରେ ଅନୁଷ୍ଠିତ ହେବା ।
ଇ ପି ଏ ରୁ ଗୋକୁଳ କୁମାର ଷଡ଼ଙ୍ଗୀ ଜିଲ୍ଲା ପ୍ରତିନିଧି ନୟାଗଡ଼ ।
