ରେଆର ତରଫରୁ ବିଶ୍ୱ ମସ୍ତିଷ୍କ ପକ୍ଷାଘାତ ଦିବସ ପାଳିତ l
ସୁବର୍ଣ୍ଣପୁର: ୬ ଅକ୍ଟୋବର ୨୦୨୬ ତାରିଖରେ ଦିଶା କମ୍ ବିକାଶ ଏବଂ ଡେ କେୟାର୍ ପୁନର୍ବାସ କେନ୍ଦ୍ର, ସୋନପୁରଠାରେ ବିଶ୍ୱ ମସ୍ତିଷ୍କ ପକ୍ଷାଘାତ ଦିବସ ପାଳନ କରାଯାଇଥିଲା। ମସ୍ତିଷ୍କ ପକ୍ଷାଘାତ ସମ୍ପର୍କରେ ସଚେତନତା ସୃଷ୍ଟି କରିବା ସହିତ ଦିବ୍ୟାଙ୍ଗ ବ୍ୟକ୍ତିମାନଙ୍କର ସମାବେଶ, ସମାନ ସୁଯୋଗ ଏବଂ ସଶକ୍ତିକରଣ ଉପରେ ଗୁରୁତ୍ୱ ଦେବା ଏହି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ଥିଲା।
ଏହି କାର୍ଯ୍ୟକ୍ରମରେ ସଭାପତି ଶ୍ରୀ ଅଶ୍ୱିନ କୁମାର ହୋତା, ବୋର୍ଡ ସଦସ୍ୟ ଶ୍ରୀ ଅମ୍ବୁଜ କୁମାର ଶତପଥୀ,ଜିଲ୍ଲା ସାମାଜିକ ସୁରକ୍ଷା ଅଧିକାରୀ ବୌଦ୍ଧ ଶ୍ରୀ ରାଜେନ୍ଦ୍ର କିସାନ ଏବଂ ସାଧାରଣ ସମ୍ପାଦକ ଏଵଂ CEO , ରେଆର ଶ୍ରୀ ଅନଙ୍ଗ ନେଗୀ ଅତିଥି ଭାବେ ଯୋଗଦେଇଥିଲେ l
କାର୍ଯ୍ୟକ୍ରମର ଆରମ୍ଭରେ ଅତିଥି ଏବଂ ଉପସ୍ଥିତ ସମସ୍ତଙ୍କୁ ସ୍ୱାଗତ କରାଯାଇଥିଲା ଏବଂ କାର୍ଯ୍ୟକ୍ରମର ଉଦ୍ଦେଶ୍ୟ ବିଷୟରେ ସଂକ୍ଷିପ୍ତ ପରିଚୟ ପ୍ରଦାନ କରାଯାଇଥିଲା। ପରେ ମସ୍ତିଷ୍କ ପକ୍ଷାଘାତ ସମ୍ପର୍କରେ ଏକ ସଚେତନତା ଅଧିବେଶନ ଆୟୋଜନ କରାଯାଇଥିଲା। ଏଥିରେ ମସ୍ତିଷ୍କ ପକ୍ଷାଘାତ ଥିବା ଶିଶୁମାନଙ୍କର ଯତ୍ନ, ଚିକିତ୍ସା ଓ ପୁନର୍ବାସ ସମ୍ପର୍କରେ ଆବଶ୍ୟକୀୟ ସୂଚନା ଦିଆଯାଇଥିଲା।ଏହା ସହିତ ନିୟମିତ ଭୌତିକ ଚିକିତ୍ସା ଏବଂ ଘରେ କରାଯାଉଥିବା ବ୍ୟାୟାମର ଗୁରୁତ୍ୱ ବିଷୟରେ ଅଭିଭାବକ ଓ ଯତ୍ନ କାରୀ ମାନଙ୍କୁ ବୁଝାଇ ଦିଆଯାଇଥିଲା। ଅଭିଭାବକମାନଙ୍କ ସହ ଏକ ଆଲୋଚନା ଓ ମତ ବିନିମୟ ଅଧିବେଶନ ମଧ୍ୟ ଅନୁଷ୍ଠିତ ହୋଇଥିଲା। ଏଥିରେ ସେମାନେ ନିଜ ଅନୁଭବ, ସମସ୍ୟା ଓ ଶିଶୁମାନଙ୍କ ଯତ୍ନ ସମ୍ପର୍କିତ ବିଭିନ୍ନ ବିଷୟ ଆଲୋଚନା କରିଥିଲେ। ଏହି କାର୍ଯ୍ୟକ୍ରମ ମାଧ୍ୟମରେ ମସ୍ତିଷ୍କ ପକ୍ଷାଘାତ ସମ୍ପର୍କରେ ସଚେତନତା ବୃଦ୍ଧି, ସମା ବେଶୀ ସମାଜ ଗଠନ ଏବଂ ମସ୍ତିଷ୍କ ପକ୍ଷାଘାତ ଥିବା ବ୍ୟକ୍ତିମାନଙ୍କର ଅଧିକାର ଓ ସଶକ୍ତିକରଣ ପାଇଁ ସମସ୍ତଙ୍କୁ ଏକତ୍ରିତ ହୋଇ କାମ କରିବାର ବାର୍ତ୍ତା ଦିଆଯାଇଥିଲା। ଶେଷରେ ଧନ୍ୟବାଦ ଅର୍ପଣ କରାଯାଇ କାର୍ଯ୍ୟକ୍ରମକୁ ସଫଳ କରିବାରେ ସହଯୋଗ କରିଥିବା ସମସ୍ତ ଅତିଥି, ଅଭିଭାବକ, ଶିଶୁ ଏବଂ କେନ୍ଦ୍ରର କର୍ମଚାରୀମାନଙ୍କୁ ହୃଦୟରୁ କୃତଜ୍ଞତା ଜଣାଯାଇଥିଲା।
ସୁବର୍ଣ୍ଣପୁର ରୁ ଉଗ୍ରସେନ କର୍ମୀ ଙ୍କ ରିପୋର୍ଟ ଇପିଏ ନ୍ୟୁଜ.
