ରାଜ୍ୟ Archives - Page 28 of 496

ଜିଟିଭି ଭାରତ ଓଡିଆ ଡିଜିଟାଲ୍ ନ୍ଯୁଜ ଚାନେଲର ଅଷ୍ଟମ ବାର୍ଷିକ ଉତ୍ସବ ମହାସମାରୋହରେ ପାଳିତ : ସାମ୍ବାଦିକ ଏକ ହେଲେ ଜିଲ୍ଲା ଓ ରାଜ୍ଯର ବିକାଶ ହେବ : ବିଧାୟକ ରାୟଗଡ ରାୟଗଡ଼ା: ତା : ୧୫/୦୬/୨୫ ଜିଟିଭି ଭାରତ ଓଡିଆ ଡିଜିଟାଲ ନ୍ଯୁଜ ଚାନେଲର ଅଷ୍ଟମ ବାର୍ଷିକ ଉତ୍ସବ ରାୟଗଡ଼ା ସଦର ମହକୁମା ସ୍ଥିତ ଲାୟନ୍ସ କ୍ଲବ ସଭାଗୃହ ଠାରେ ମୁଖ୍ଯ କାର୍ଯ୍ଯନିର୍ବାହୀ ସମ୍ପାଦକ ଶ୍ରୀ ରାମଦାସ ଲିମାଙ୍କ ସଭାପତିତ୍ବରେ ମହାଆଡମ୍ବରରେ ପାଳିତ ହୋଇଯାଇଛି | ଉକ୍ତ ଉତ୍ସବରେ ରାୟଗଡ଼ା ବିଧାୟକ ଶ୍ରୀଯୁକ୍ତ କାଡ୍ରାକା ଆପାଲସ୍ବାମୀ ମୁଖ୍ଯ ଅତିଥିଭାବେ ଯୋଗଦେଇ ସାମ୍ବାଦିକ ଏକ ହେଲେ ଜିଲ୍ଲା ଓ ରାଜ୍ଯର ବିକାଶ ହେବ ବୋଲି କହିବା ସହ ସାମ୍ବାଦିକଙ୍କ ବିଭିନ୍ନ ସମସ୍ଯା ସମ୍ପର୍କରେ ଆଲୋକପାତ କରିଥିଲେ | ପୁଣି କହିଥିଲେ ସାମ୍ବାଦିକ ପ୍ରତ୍ଯକ୍ଷ ଭାବେ ଘଟଣାର ପୁଙ୍ଖାନୁପୁଙ୍ଖ ଓ ସତ୍ଯସତ୍ଯା ଜାଣିବା ଦରକାର, ସଭାସମିତି ଓ ପ୍ରଶାସନର ବୌଠକ ସମ୍ପର୍କୀତ ଖବର ଗୁଡିକ ସିଧାସଳଖ ପ୍ରକାଶ ଓ ପ୍ରସାରଣ କରୁଛନ୍ତି | ସାମ୍ବାଦିକ ମାନେ ଚାରିଭାଗରେ ଭାଗଭାଗ ହୋଇଥିବାରୁ ଶାସକ ନା ପ୍ରଶାସନ ତାଙ୍କୁ ଗୁରୁତ୍ବ ଦେଉନଥିବା ଭଳି ମନେ ହେଉଛି | ସାମ୍ବାଦିକଙ୍କ ସମସ୍ଯା ସମ୍ପର୍କରେ ଗାଁରୁ ବିଧାନସଭା ଯାଏଁ ମୁଁ ସ୍ବର ଉତ୍ତୋଳନ କରିଛି | ବିଧାନ ସଭାରେ ପ୍ରଶ୍ନ ମଧ୍ଯ କରିଛି | ୩ ଟଙ୍କା ସୁଧହାରରେ ତତ୍କାଳିନ ସରକାର ସାମ୍ବାଦିକଙ୍କୁ ଦେଇଛନ୍ତି ଗୃହ ଓ ଗାଡି ଋଣ ଯାହା ଯେଉଁ ସାମ୍ବାଦିକଙ୍କ ବାର୍ଷିକ ଆୟ ୫୦ ହଜାର ଟଙ୍କାରୁ କମ୍ ରହିଥିବ ସେମାନେ ଏହି ସୁବିଧା ପାଇବେ | ଏ କିପ୍ରକାର ନିୟମ, ଜଣେ ସାମ୍ବାଦିଙ୍କୁ ଗୋଟିଏ ମଟର ସାଇକଲ୍, ଗୋଟିଏ ମୋବାଇର ଅତ୍ଯନ୍ତ ଆବଶ୍ଯକ, ଏହା ନଥିଲେ ଆଜିର ଦିନରେ ସାମ୍ବାଦିକତା କରିବା କଷ୍ଟକର ହୋଇପଡିବ | ଗାଡି ଖର୍ଚ୍ଚ ଓ ଅନ୍ଯାନ୍ଯ ତଥା ପରିବାର ପ୍ରତିପୋଷଣ ଦେଖିଲେ ସରକାରଙ୍କ ଧାର୍ଯ୍ଯସୀମା ଠାରୁ ଟପିଯିବ ତେବେ କେମିତି ସେହି ସୁବିଧା ପାଇବେ ବୋଲି ପ୍ରଶ୍ନ କରିଥିଲେ | ସାମ୍ବାଦିକ ମାନେ ଏକ ନହେଲେ ବିଧାୟକ ଯେତେ ଟାଣିଉଟାରି ହେଲେ ମଧ୍ଯ ସାମ୍ବାଦିକଙ୍କ ସମସ୍ଯା ସମାଧାନ ହୋଇପାରିବ ନାହିଁ | ଶୁଣନ୍ତୁ ବିଧାୟକ କଣ କହିଛନ୍ତି | ସମ୍ମାନିତ ଅତିଥିଭାବେ ଜନ୍ମେଜୟ ସ୍ବାଇଁ ଜିଲ୍ଲା ସଭାପତି ତଥା ରାଜ୍ଯ ସାଂଗଠନିକ ସମ୍ପାଦକ ଯୋଗଦେଇ ସାମ୍ବାଦିକଙ୍କ ସମସ୍ଯା ସମ୍ପର୍କରେ ନିଜ ବକ୍ତବ୍ଯ ରଖିବା ପରେ ସମସ୍ତ ସାମ୍ବାଦିକ ଦଳଦଳ ନହୋଇ ଗୋଟିଏ ଦଳ ବା ଗୋଟିଏ ସଂଘ କଲେ ଭଲହେବ ବୋଲି ତାଙ୍କ ଭାଷଣଛଳରେ ନିଜ ପ୍ରସ୍ତାବ ଦେଇଥିଲେ | ଅନ୍ଯତମ ସମ୍ମାନିତ ଅତିଥି ଭାବେ ସେଞ୍ଚୁରିଆନ୍ ୟୁନିଭରସିଟିର ନିର୍ଦ୍ଦେଶକ ଡ. ରାଜେଶ କୁମାର ପାଢୀ, ଶ୍ରୀଯୁକ୍ତ ଗୋବିନ୍ଦ ରଥ, ନିର୍ଦ୍ଦେଶ, ଜିଷ୍ଟ୍ ଇଞ୍ଜିନିୟରିଂ କଲେଜ ସମ୍ମାନିତ ଅତିଥି ରୂପେ ଯୋଗଦେଇ ନିଜ ବକ୍ତବ୍ଯ ରଖିଥିଲେ | ମୁଖ୍ଯ ବକ୍ତାଭାବେ ଅବସରପ୍ରାପ୍ତ ଡେପୁଟି ଚାଇରେକ୍ଟର ଏବଂ ପୂର୍ବତନ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଯୋଗଦେଇ ସାମ୍ବାଦିକଙ୍କ ବିଭିନ୍ନ ସମସ୍ଯା ସମ୍ପର୍କରେ ଆଲୋକପାତ କରିବା ସହ | ଜିଲ୍ଲାରେ ସରକାରଙ୍କ ଏତେ ସବୁ ଯୋଜନା ରହିଛି ଓ ତିନି ଚାରୋଟି ବଡବଡ କଳକାରଖାନା ରହିଥିବା ସତ୍ବେ ଜିଲ୍ଲାର ହଜାର ହଜାର ସଂଖ୍ଯକ ଆଦିବାସୀ ଓ ଦଳିତ ମହିଳା ଓ ପୁରୁଷ ଦାଦନ ଖଟିବାକୁ ବାହାର ରାଜ୍ଯକୁ ଯାଉଛନ୍ତି ଏବଂ ସେଠାରେ ନିର୍ଯ୍ଯାତନାର ଶିକାର ହୋଇ ପ୍ରାଣହରାଉଛନ୍ତି | ଏସମ୍ପର୍କେ ସରକାର କିମ୍ବା ଜିଲ୍ଲା ପ୍ରସାଶନ ଗୁରୁତ୍ବ ଦେଉନଥିବାରୁ ଦାଦନ ସମସ୍ଯା ଗୁରୁତର ହୋଇପଡିଛି | କ୍ଷମାସାଗର ନାଏକ ବ୍ଯୁରୋ ହେଡ୍ ଏବଂ ଡାରେକ୍ଟର ଶ୍ରୀ ଦୀପକ କୁମାର ପୃଷ୍ଠି ମଞ୍ଚାସୀନ ରହି କାର୍ଯ୍ଯକ୍ରମକୁ ପରିଚାଳନା କରିଥିଲେ | ବିଭିନ୍ନ କ୍ଷେତ୍ର ଉଲ୍ଲେଖନିୟ ଅବଦାନ ପାଇଁ ନ୍ଯୁଜ ଚାନେଲ ତରଫରୁ ୧୭ ଜଣଙ୍କୁ ସମ୍ମାନିତ ଓ ସମ୍ବର୍ଦ୍ଦିତ କରାଯାଇଥିଲା | ସେମାନଙ୍କ ମଧ୍ଯରୁ ଜି ଭି ପ୍ରସାଦ, ପ୍ରସାଦ ଟେକ୍ନୋ ସ୍କୁଲ, ସମାଜସେବୀ ସୁବାଷ ବେହେରା, ବିଶ୍ବଜିତ ପଣ୍ଡା, ସାମ୍ବାଦିକ ନୟନ ରଞ୍ଜନ ପଣ୍ଡା ଏବଂ ଶିବ ପ୍ରସାଦ ମହାରଣା, ଡଃ ଉଲ ଚୈଧୂରୀ, ରାଜେନ୍ଦ୍ର ଦୁରିଆ, କେ ରମେଶ ଓ ଅନ୍ୟମାନଙ୍କୁ ସମ୍ମାନିତ ଓ ସମ୍ଵର୍ଦ୍ଦନା କରାଯାଇଛି।

EPA editor June 16, 2025 0

ସାମ୍ବାଦିକ ଏକ ହେଲେ ଜିଲ୍ଲା ଓ ରାଜ୍ଯର ବିକାଶ ହେବ : ବିଧାୟକ ରାୟଗଡ ରାୟଗଡ଼ା:ଜିଟିଭି ଭାରତ ଓଡିଆ ଡିଜିଟାଲ ନ୍ଯୁଜ ଚାନେଲର ଅଷ୍ଟମ ବାର୍ଷିକ ଉତ୍ସବ...

ସୋଆ ଏସ୍‌ଏଚ୍‌ଏମ୍ ପକ୍ଷରୁ ରଜ ପିଠା ପ୍ରତିଯୋଗିତା ଆୟୋଜିତ

EPA editor June 16, 2025 0

ଭୁବନେଶ୍ୱର: ଓଡ଼ିଶାର ଗଣପର୍ବ ରଜ ଉପଲକ୍ଷେ ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ ସ୍ଥାନୀୟ ସ୍କୁଲ୍ ଅଫ୍ ହୋଟେଲ ମ୍ୟାନେଜମେଂଟ (ଏସ୍‌ଏଚ୍‌ଏମ୍‌) ପକ୍ଷରୁ ଶୁକ୍ରବାର ରଜ ପିଠା...

ବିକଶିତ ଓଡ଼ିଶା ପାଇଁ ବିକଶିତ ଜିଲ୍ଲା’ କର୍ମଶାଳା

EPA editor June 15, 2025 0

କଟକ : ରାଜ୍ୟ ସରକାରଙ୍କ ଏକ ବର୍ଷ ପୂର୍ତି ଉପଲକ୍ଷେ ଆଜି ‘ବିକଶିତ ଓଡ଼ିଶା ପାଇଁ ବିକଶିତ ଜିଲ୍ଲା’ ଶୀର୍ଷକ ଏକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି ।...

ବ୍ରହ୍ମପୁରରେ ଆନ୍ତର୍ଜାତୀୟ ବାଣିଜ୍ୟ ମେଳା ୨୦୨୫”

EPA editor June 15, 2025 0

ବ୍ରହ୍ମପୁର ୟୁସିପି ଇଞ୍ଜିଡିଅର ସ୍କୁଲ ପଡ଼ିଆ ଠାରେ ଗୁପ୍ତା ଇଭେଣ୍ଟ ମ୍ୟାନେଜମେଣ୍ଟ ପକ୍ଷରୁ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା। ଏଥିରେ କମ୍ପାନୀ ପରିଚାଳନା ନିର୍ଦ୍ଦେଶକ ଶ୍ରୀ...