ସେକେଣ୍ଡ ଇନିଙ୍ଗ୍ସ କ୍ରିକେଟ୍ କ୍ଲବ୍ ସିଜିନ୍-୨ ଟ୍ରଫି ଉନ୍ମୋଚିତ
ଭୁବନେଶ୍ବର : ସେକେଣ୍ଡ ଇନିଙ୍ଗ୍ସ କ୍ରିକେଟ୍ କ୍ଲବ୍ ଆନୁକୂଲ୍ୟରେ ଆସନ୍ତା ମାସ ୪ ତାରିଖରୁ ହେବାକୁ ଥିବା ସେକେଣ୍ଡ ଇନିଙ୍ଗ୍ସ କ୍ରିକେଟ୍ କପ୍ ସିଜିନ୍-୨ର ଟ୍ରଫି ସ୍ଥାନୀୟ ଏକ ତାରକା ହୋଟେଲ୍ରେ ଉନ୍ମୋଚିତ ହୋଇଛି। ଏହି ଟ୍ରଫି ଉନ୍ମୋଚନ ଉତ୍ବସରେ ଅତଥି ଭାବେ । ସେକେଣ୍ଡ ଇନିଙ୍ଗ୍ସ କ୍ରିକେଟ୍ କ୍ଲବ୍ ସଭାପତି ଯଥା ବିଧାୟକ ଅନନ୍ତ ନାରାୟଣ ଜେନା ଯୋଗ ଦେଇ ଏହାକୁ ଉନ୍ମୋଚିତ କରିଥିଲେ। ଓପିଜିସି ଅତିରିକ୍ତ ମହାପ୍ରବନ୍ଧକ ଦୀପକ ରଂଜନ ତ୍ରିପାଠୀ, ସୋଆ ବିଶ୍ବବିଦ୍ୟାଳୟ ଷ୍ଟୁଡେଣ୍ଟ ୱେଲ୍ଫେୟାର ଡିନ୍ ଜ୍ୟୋତିରଂଜନ ଦାସ, ସାମଜସେବୀ ନିହାର ରଂଜନ ସ୍ବାଇଁ, ସେକେଣ୍ଡ ଇନିଙ୍ଗ୍ସ କ୍ରିକେଟ୍ କ୍ଲବ୍ର ସମ୍ପାଦକ ମାନସ ରଂଜନ ସାହୁ ପ୍ରମୁଖ ଅତିଥି ଭାବେ ଉପସ୍ଥିତ ଥିଲେ।
ଏହି ପ୍ରତିଯୋଗିତାରେ ୧୬ ଦଳ, ରେଲ ବିହାର କ୍ଲବ୍, କର୍ପୋରେଟ କ୍ରିକେଟ୍ କ୍ଲବ୍, ଟାଟା କନସୁଲଟାନ୍ସି ସର୍ଭିସେସ୍, ସେକେଣ୍ଡ ଇନିଙ୍ଗ୍ସ କ୍ରିକେଟ୍ କ୍ଲବ୍, କିଟ୍, ରିସୋଲଟ କ୍ରିକେଟ୍ କ୍ଲବ୍, ରୟାଲ ରେଞ୍ଜର୍ସ, ଅସୋସିଏଟ୍ ଭେଟେରାନ, ଲୟର୍ସ କର୍ପୋରେଟ୍ କ୍ରିକେଟ୍ କ୍ଲବ୍, କମେଣ୍ଡବଲ୍ ଭେଟେରାନ ଏକ୍ସ ରାଇଡର୍ସ, ଷ୍ଟାର୍ଟଅପ୍ ଏକାଦଶ, ଏବି ୟୁନିକର୍ନ୍ସ, ରୟାଲ ଷ୍ଟ୍ରାଇକର୍ସ, କଳିଙ୍ଗ ୱାରିୟର୍ସ, କର୍ପୋରେଟ୍ ଇନ୍ଭଇଟେସନ୍ ଏକାଦଶ ଓ ଏଲ୍ଟିଆ ମାଇଣ୍ଡ ଟ୍ରି ଅଂଶଗ୍ରହଣ କରିବେ।
