ଅଗଷ୍ଟ ୧୬ ରୁ ଜିଲ୍ଲାବ୍ୟାପୀ ଡିଜିଟାଲ ଫସଲ ସର୍ବେକ୍ଷଣ
ରାୟଗଡ ଜିଲ୍ଲାପାଳଙ୍କ ଚିନ୍ତନ କକ୍ଷରେ ଜିଲ୍ଲାପାଳ ଶ୍ରୀମତୀ ପାରୁଲ୍ ପଟୱରି ତା ୧୩/୦୮/୨୪ ରିଖ ଡିସିଏସ୍ ସମ୍ବନ୍ଧରେ ଏକ ସମୀକ୍ଷା ନେଇ ବୈଠକ ରଖିଥିଲେ । ଏଥିରେ ରାୟାଗଡା ଜିଲ୍ଲାର ସମସ୍ତ ଗାଁର ପ୍ଲଟ୍ ଜ୍ଞାନୀ ଫସଲ କଭରେଜ୍ ସଂଗ୍ରହ ପାଇଁ ଡିଜିଟାଲ୍ କ୍ରପ୍ ସର୍ଭେ ନେଇ ଆଲୋଚନା କରାଯାଇଥିଲା । ଡିଜିଟାଲ କ୍ରପ ସର୍ଭେ ଯୋଜନା ର ପ୍ରଗତିର ସମୀକ୍ଷା କରିବା ସହ ଅତିରିକ୍ତ ସର୍ଭେଖ୍ୟାନକରୀଙ୍କ ଚିହ୍ନଟ ସହ ଜନ ପ୍ରତିନିଧିଙ୍କ ସହାୟତା ନେବାପାଇଁ ସୁପାରିଶ କରିଥିଲେ । ଅଗଷ୍ଟ ୧୬ ରୁ ସେପ୍ଟେମ୍ବର ୧୫ ତାରିଖ ଭିତରେ ଏହି କାର୍ଯ୍ୟ ସାରିବାକୁ ସରକାରୀ ନିର୍ଦ୍ଦେଶ ରହିଛି ବୋଲି ମୁଖ୍ୟ ଜିଲ୍ଲା କୃଷି ଅଧିକାରୀ ଜଣାଇଲେ ଏବଂ ରାଜସ୍ବ ବିଭାଗ ର ସାହାଯ୍ୟ ଆଶା କରିବା ସହ ସମସ୍ତ ଜନ ପ୍ରତିନିଧି ମାନଙ୍କୁ ସର୍ବେକ୍ଷଣ କାମ ରେ ସହଯୋଗ କରିବା ପାଇଁ ଆହ୍ବାନ ଦେଇଛନ୍ତି ।
ଚଳିତ ବର୍ଷ ଖରିଫ ୨୦୨୪ ରେ ରାୟଗଡ଼ା ଜିଲ୍ଲା ର ୧୮୨ ପଞ୍ଚାୟତ ରେ ଡିଜିଟାଲ ଫସଲ ସର୍ବେକ୍ଷଣ ହେବ । ଏଥିରେ ୫୯୭୨୫୮ ପ୍ଲଟ ଅନ୍ତର୍ଭୁକ୍ତ ହୋଇଛି । ପୂର୍ବତନ ଜିଲ୍ଲାପାଳ ଶ୍ରୀ ମନୋଜ ସତ୍ୟଭାନ ମହାଜନଙ୍କ ଅଧ୍ୟକ୍ଷତାରେ ୦୭/୦୮/୨୪ ତାରିଖରେ ଜିଲ୍ଲା ସ୍ତରୀୟ ତାଲିମ ଆୟୋଜନ କରାଯାଇଥିଲା ।ଜିଲ୍ଲାର ୩ କୃଷି ଜିଲ୍ଲା ଅଧୀନ ୧୧ ବ୍ଲକର ଡିଜିଟାଲ ଫସଲ ସର୍ବେକ୍ଷଣ କାର୍ଯକ୍ରମ ସମ୍ପାଦନ ପାଇଁ ନିଯୁକ୍ତ ସମସ୍ତ ବ୍ଲକ ମାଷ୍ଟର ଟ୍ରେନର ମାନଙ୍କୁ ତାଲିମ ଦିଆଯାଇଥିଲା। ଏହି ଜିଲ୍ଲା ସ୍ତରୀୟ ତାଲିମ ଶିବିରରେ ସମସ୍ତ ବିଡିଓ, ସମସ୍ତ ତହସିଲଦାର, ସମସ୍ତ କୃଷି ଅଧିକାରୀ ଏବଂ ଜିଲ୍ଲା ସ୍ତରୀୟ ଅଧିକାରୀ ଅଂଶଗ୍ରହଣ କରିଥିଲେ।
ଜିଲ୍ଲା ସ୍ତରୀୟ ତାଲିମ ମୁଖ୍ୟ ଜିଲ୍ଲା କୃଷି ଅଧିକାରୀ ଶ୍ରୀ ସୁମନସିଂ ପଟ୍ଟନାୟକ ଙ୍କ ତତ୍ତ୍ଵାବଧାନରେ କରାଯାଇଥିଲା । ଏଥିରେ ରାୟଗଡ଼ା ର ସମସ୍ତ ଗୋଷ୍ଠୀ ଉନ୍ନୟନ ଅଧିକାରୀ, ତହସିଲଦାର ଏବଂ ବ୍ଲକ ମାଷ୍ଟର ଟ୍ରେନର ମାନେ ଉପସ୍ଥିତ ଥିଲେ ।ଯୋଜନା ଅଧିକାରୀ ଶ୍ରୀସୁଜିତ୍ କୁମାର ପାଢ଼ୀ ଯୋଜନା ର ସମ୍ୟକ୍ ଧାରଣ ଦେଇଥିଲେ । କାର୍ଯ୍ୟକ୍ରମ ରେ ଜିଲ୍ଲା ସ୍ତରୀୟ ମାଷ୍ଟର ଟ୍ରେନର ଶ୍ରୀମତୀ ମଧୁସ୍ମିତା ବେହେରା (ଡେପୁଟି କଲେକ୍ଟର ) ଓ ଶ୍ରୀ ଗୁପ୍ତ ପ୍ରସାଦ ପଣ୍ଡା (ସହକାରୀ କୃଷି ଅଧିକାରୀ , କୋଲନରା ) ଡିଜିଟାଲ ଫସଲ ସର୍ବେକ୍ଷଣ ଉପରେ ବର୍ଣ୍ଣନା କରିଥିଲେ। ବ୍ଲକ୍ ସ୍ତରୀୟ ଅଧିକାରୀ ମାନେ ଏଥିରେ ସୁପର୍ଭାଇସିଂ ଅଧିକାରୀ ରୂପେ ନିଯୁକ୍ତ ହେବେ । ଅତିରିକ୍ତ ତହସିଲଦାର, ସହକାରୀ କୃଷି ଅଧିକାରୀ ଏବଂ ଅନ୍ୟାନ୍ୟ କୃଷିଭିତ୍ତିକ ସଂସ୍ଥା ର ଅଧିକାରୀ ମାନେ ବ୍ଲକ୍ ମାଷ୍ଟର ଟ୍ରେନର ରୂପେ ନିଯୁକ୍ତ ହେବେ । ରେଭେନ୍ୟୁ ଇନ୍ସପେକ୍ଟର, ଅତିରିକ୍ତ ରେବେନ୍ୟୁ ଇନ୍ସପେକ୍ଟର , କୃଷି ଅଧିଦର୍ଷକ, ଗ୍ରାମ ସେବକ ପ୍ରମୁଖ ସୁପର୍ଭାଇସର୍ ରୂପେ ନିଯୁକ୍ତ ହେବେ । ସର୍ବେକ୍ଷଣକାରି ରୂପେ କୃଷକ ସାଥୀ, କୃଷି ମିତ୍ର, ପ୍ରଣୀମିତ୍ର ତଥା ଗ୍ରାମ ଯୁବକ ମାନେ ରହିବେ ।
ରାୟଗଡା ଜିଲ୍ଲା ଇପିଏ ରୁ ତିରୁମାଲା ପ୍ରସାଦ ପଟ୍ଟନାୟକ ଙ୍କ ରିପୋର୍ଟ
ଇପିଏ ନିଉଜ ( ଇଷ୍ଟର୍ଣ୍ଣ ପ୍ରେସ ଏଜେନ୍ସି )
