ଇଷ୍ଟଦେବଙ୍କ ଦର୍ଶନ କରି ପ୍ରତିଷ୍ଠା କାର୍ଯ୍ୟରେ ଯୋଗଦେଲେ ମହୁରୀ ରାଜା
ବ୍ରହ୍ମପୁର, ୬/୧୧ (ନରସିଂହ ଡାକୁଆ): ମହୁରୀ ରାଜା ଶ୍ରୀ ଅଶୋକ କୁମାର ନରେନ୍ଦ୍ର ଦେବ ବଡ଼ ବଜାର ସ୍ଥିତ ଚନ୍ଦ୍ର ଶେଖର ମହାଦେବ ମନ୍ଦିର ପ୍ରତିଷ୍ଠା କାର୍ଯ୍ୟକ୍ରମରେ ଯୋଗଦାନ କରିଥିଲେ । ଏନେଇ ଶ୍ରୀ ମହୁରୀ ରାଜା ଖାସ୍ପା ସାହି ସ୍ଥିତ ସାନ ଜଗନ୍ନାଥ ମନ୍ଦିରରେ ରାଜକୀୟ ଢାଞ୍ଚାରେ ବାଜା ପଟୁଆ ସହକାରେ ପହଞ୍ଚି ମହାପ୍ରଭୁ ଶ୍ରୀ ଜଗନ୍ନାଥ ଦର୍ଶନ କରିଥିଲେ । ପରେ ରାଜକୀୟ ଇଷ୍ଟଦେବତା ଶ୍ରୀ ଜଗନ୍ନାଥଙ୍କ ଠାରୁ ଆଜ୍ଞା ମାଳ ପାଇ ଉକ୍ତ ଶିବ ମନ୍ଦିର ପ୍ରତିଷ୍ଠା କାର୍ଯ୍ୟକ୍ରମରେ ଯୋଗଦାନ କରିଥିଲେ । ଏହି ଅବସରରେ ରାଜା ଶ୍ରୀ ନରେନ୍ଦ୍ର ଦେବ ପ୍ରତିକ୍ରିୟା ଦେଇଛନ୍ତି ଯେ, ପୂର୍ବରୁ ମହୁରୀରାଜାଙ୍କ ବଂଶଜଙ୍କ ଦ୍ଵାରା ଏହି ସାନ ଜଗନ୍ନାଥ ମନ୍ଦିର ପ୍ରତିଷ୍ଠିତ ହୋଇଥିଲା, ସେବେ ଠାରୁ ପୂର୍ବ ପରମ୍ପରା ଅନୁଯାୟୀ ମହୁରୀ ରାଜା କୌଣସି ମନ୍ଦିର ପ୍ରତିଷ୍ଠା କାର୍ଯ୍ୟକ୍ରମରେ ନିମନ୍ତ୍ରିତ ହେଲେ ଏହି ରାଜକୀୟ ଇଷ୍ଟଦେବତା ଶ୍ରୀ ଜଗନ୍ନାଥଙ୍କୁ ଦର୍ଶନ କରି ଉକ୍ତ କାର୍ଯ୍ୟକ୍ରମରେ ଅଂଶଗ୍ରହଣ କରିଥାନ୍ତି । ସେହିପରି ଆଜି ଇଷ୍ଟ ଦେବ ସାନ ଜଗନ୍ନାଥଙ୍କୁ ଦର୍ଶନ ପୂର୍ଣ୍ଣ ହୂତି କାର୍ଯ୍ୟରେ ଯୋଗଦାନ କରିଥିଲେ। ଏହି ଅବସରରେ ଜି ଉମାପତି ଅଚାରି, ଏନ୍ ଶ୍ରୀନିବାସ ରାଓ, ମୁରଲୀ ସୁବୁଦ୍ଧି, ସୁରେନ୍ଦ୍ର ସେନାପତି, ଲକ୍ଷ୍ମୀ ନାରାୟଣ ନାୟକ, ବାୟା ଭାଇଙ୍କ ସମେତ ପୁରୋହିତ ବାପିନି ଶୁକ୍ଳା ଓ ଅନ୍ୟ ବହୁ ସ୍ଥାନୀୟ ଅଞ୍ଚଳବାସୀ ଉପସ୍ଥିତ ଥିଲେ।
brahmpur epa ru narasingh dakua nka report
