ଏକ ବ୍ୟଗରେ ଆଚିର୍ହ୍ନା ମହିଳା ଶବ ମିଳିଥିବା ମାମଲାରେ ଜଡ଼ିତ ଅଭିଯୁକ୍ତକୁ ଗିରଫ

*ରାୟଗଡ଼ା ପୋଲିସର ବଡ ସଫଳତା***

ରାୟଗଡା ପୋଲିସକୁ ଏକ ବ୍ୟାଗରେ ଲୁଚାଇ ରଖାଯାଇଥିବା ଅଜଣା ମହିଳାଙ୍କ ମୃତଦେହ ମିଳିବା ପରେ ଦୀର୍ଘ ୪୫ ଦିନର ତୀକ୍ଷ୍ଣ ତଦନ୍ତ ପରେ, ପରିଶେଷରେ ଅଭିଯୁକ୍ତ ବୋଲିସେଟ୍ଟି ସୁରେଶ କୁମାର (ବୟସ ୩୨ ବର୍ଷ,ପିତା: ବୋଲିସେଟ୍ଟି ଭେଙ୍କଟ ରମଣ, ନିବାସୀ: ଗଙ୍ଗନ୍ନା ନଗର, ପୋଷ୍ଟ ଅଫିସ୍ ପାଖରେ, କଞ୍ଚାରାପାଲେମ୍, ବିଶାଖାପାଟଣା)ଙ୍କୁ ୩୦/୦୭/୨୦୨୬ ସନ୍ଧ୍ୟା ୫.୩୦ ସମୟରେ ଗିରଫ କରି ବଡ଼ ସଫଳତା ହାସଲ କରିଛି।
ଶୁକ୍ରବାର ଦିନ ରାୟଗଡା ଏସପି ରାଜ ପ୍ରସାଦ (ଆଇପିଏସ) ଉକ୍ତ ଅଭିଯୁକ୍ତଙ୍କୁ ଗିରଫ କରିବା ସମ୍ପର୍କରେ ଏକ ସାମ୍ବାଦିକ ସମ୍ମିଳନୀ ବିସ୍ତୃତ ସୂଚନା ପ୍ରଦାନ କରିଥିଲେ। ଏସପି ଶ୍ରୀ ପ୍ରସାଦ କହିଥିଲେ ଯେ,୧୭/୬/୨୬ ତାରିଖରେ, ଆମେ ରାୟଗଡାର ଖାଲିଗୁଡ଼ାରେ ହୁଣ୍ଡାଇ ଶୋ’ରୁମର ପରିଚାଳକଙ୍କଠାରୁ ତାଙ୍କ ସୋରୁମ ପାର୍ଶ୍ୱରୁ ଏକ ବ୍ୟାଗରୁ ଦୁର୍ଗନ୍ଧ ବାହାରୁଥିବା ନେଇ ପ୍ରାପ୍ତ ସୂଚନା ଅନୁସାରେ ଚାନ୍ଦିଲି ପୋଲିସ ଦଳ ଘଟଣାସ୍ଥଳରେ ପହଞ୍ଚି ଫରେନସିକ୍ ବିଶେଷଜ୍ଞଙ୍କ ସହାୟତାରେ ବ୍ୟାଗ ଭିତରେ ଜଣେ ମହିଳାଙ୍କ ମୃତଦେହ ପାଇ ନିଜ ଅକ୍ତିଆରକୁ ନେଇ ସିଏଡବ୍ଲୁ (CAW)କ୍ରାଇମ୍ ବ୍ରାଞ୍ଚ ଏବଂ ଡିଆଇଜି (SWR) ର ମାର୍ଗଦର୍ଶନରେ, ଆମେ ତଦନ୍ତକୁ ଆଗକୁ ବଢ଼ାଇଥିଲୁ ଏବଂ ବୈଷୟିକ ବିଶ୍ଳେଷଣ, ସିସିଟିଭି ବିଶ୍ଳେଷଣ, ସନ୍ଧାନ ଅଭିଯାନ, ଭଡା ସମ୍ପତ୍ତି ତଦନ୍ତ ଏବଂ ପରିବହନ ଟ୍ରାକିଂ ପାଇଁ ସ୍ୱତନ୍ତ୍ର ୟୁନିଟ୍ ସମେତ ଗଠିତ ଛଅ ଗୋଟି ଦଳଙ୍କ କ୍ରମାଗତ ସୂଚନା ଆଧାରରେ ଆମେ ଜାଣିବାକୁ ପାଇଲୁ ଯେ ଅଭିଯୁକ୍ତ ଟ୍ରେନରେ ବିଶାଖାପାଟଣାରୁ ୧୫/୦୬/୨୬ ତାରିଖ ପ୍ରାୟ ଦିନ ୧ ଘନ୍ତିକ ସମୟରେ ଇଣ୍ଟରସିଟି ଏକ୍ସପ୍ରେସ ଟ୍ରେନ୍ ଜରିଆରେ ଯାତ୍ରା କରି ରାୟଗଡ଼ା ଷ୍ଟେସନ ପହଞ୍ଚିବା ପରେ ସେ ମୃତଦେହକୁ ବିଭିନ୍ନ ସ୍ଥାନକୁ ବୁଲାଇ ନେଇ ଶେଷରେ ଖଳିଗୁଡ଼ା ଅଞ୍ଚଳରେ ମୃତଦେହ ଥିବା ବ୍ୟାଗକୁ ଛାଡି ସେଠାରୁ ପଳାଇଥିଲା।

ଏହି ପ୍ରକ୍ରିୟା ସମୟରେ, ବ୍ୟାଗ ଭିତରେ ଜଣେ ଅଜଣା ମହିଳାଙ୍କ ପଚିଯାଇଥିବା ମୃତଦେହ ମିଳିବା ପରେ ମୃତକଙ୍କ ଫଟୋ ବ୍ୟାପକ ପ୍ରସାରଣ ଏବଂ ନିରନ୍ତର କ୍ଷେତ୍ର ତଦନ୍ତ ସତ୍ତ୍ୱେ, ତାଙ୍କ ପରିଚୟ ନ ପାଇବାରୁ ପରିଶେଷରେ ସମସ୍ତ ଆଇନଗତ ଔପଚାରିକତା ପୂରଣ କରିବା ପରେ, ଦାବି ନକରିଥିବା ମୃତଦେହକୁ ସଠିକ୍ ଭାବରେ ପୋତି ଦିଆଯାଇଥିଲା, ଏବଂ ଭବିଷ୍ୟତରେ ଚିହ୍ନଟ ପାଇଁ ପ୍ରମାଣ ଏବଂ ଜୈବିକ ନମୁନା ସଂରକ୍ଷଣ କରାଯାଇଥିଲା।
ନିରବଚ୍ଛିନ୍ନ ଭାବରେ, ତଦନ୍ତ ଦଳ ରାୟଗଡା ଟାଉନ୍ ଏବଂ ଚାନ୍ଦୀଲି ଅଞ୍ଚଳର ବିଭିନ୍ନ ସ୍ଥାନ ଏବଂ ଘଟଣା ରାତିରେ ଗତିବିଧିର ବିଭିନ୍ନ ରାସ୍ତାରୁ ସିସି ଟିଭି ଫୁଟେଜ୍ ଯାଞ୍ଚ କରିଥିଲେ ଯାହା ଦ୍ୱାରା ଘଟଣାସ୍ଥଳେ ବ୍ୟାଗ ଛାଡିଥିବା ବ୍ୟକ୍ତିଙ୍କ ଗତିବିଧି ଠାବ କରାଯାଇଥିଲା। ରାୟଗଡା ସାଇବର ସେଲ୍ ସହାୟତାରେ ଅଭିଯୁକ୍ତ ମୃତଦେହ ଫିଙ୍ଗି ହେବା ଦିନ ଆନ୍ଧ୍ରପ୍ରଦେଶର ବିଶାଖାପାଟନମ୍ ରୁ ରାୟଗଡା ଯାତ୍ରା କରୁଥିବା ନେଇ ଜଣାପଡ଼ିଥିଲା। ଏହି ପ୍ରମାଣ ଆଧାରରେ, ଆନ୍ଧ୍ର ପୋଲିସ ସହାୟତାରେ ଜୁଲାଇ ୩୦,୨୦୨୬ ରେ ସନ୍ଧ୍ୟା ୫.୩୦ ସମୟରେ ଅଭିଯୁକ୍ତ ବୋଲିସେଟ୍ଟି ସୁରେଶ କୁମାର ଚିହ୍ନଟ କରାଯାଇ ଗିରଫ କରାଯାଇଥିଲା।
ତଦନ୍ତ ଦଳ ବିଶାଖାପାଟଣା ଯାଇ ସେଠାରେ ତଦନ୍ତ ସମୟରେ ଅଭିଯୁକ୍ତକୁ ପଚରାଉଚରା କରିବା ବେଳେ ଅଭିଯୁକ୍ତ ତାର ଅପରାଧ ସ୍ୱୀକାର କରି ମୃତକଙ୍କ ପରିଚୟ ପ୍ରକାଶ କରି କହିଥିଲା ଯେ ଆନ୍ଧ୍ରପ୍ରଦେଶର ବିଜୟୱାଡାର ଜଣେ ମହିଳାଙ୍କ ସହିତ ଅଭିଯୁକ୍ତର ପରକୀୟା ପ୍ରୀତିରେ ଶାରୀରିକ ପ୍ରେମ ସମ୍ପର୍କରେ ରହିଆସୁଥିଲେ। ପରେ ମୃତକ ମହିଳା ଜଣକ ୧୫ ଜୁନ ସକାଳେ ଅଭିଯୁକ୍ତଙ୍କ ଘରକୁ ଯାଇ ତାଙ୍କ ସହ ବିବାହ ପାଇଁ ଜିଦ୍ ଧରି ଯୁକ୍ତିତର୍କ,ଝଗଡା କରିବା ସମୟରେ ଅଭିଯୁକ୍ତର ମାରାତ୍ମକ ଆକ୍ରମଣ ମୃତକଙ୍କ ମୃତ୍ୟୁ ଘଟିବା ପରେ ଅଭିଯୁକ୍ତ ମହିଳାଙ୍କ ମୃତଦେହକୁ ସ୍ଥାନୀୟ ବଜାରରୁ କିଣାଯାଇଥିବା ଏକ ନୀଳ ଟ୍ରଲି ବ୍ୟାଗରେ ରଖିଥିଲା। ଏଥିସହ କିପରି ମୃତଦେହକୁ ଲୁଚାଇ ଆନ୍ଧ୍ରପ୍ରଦେଶରୁ ରାୟଗଡ଼କୁ ସ୍ଥାନାନ୍ତର କରିଥିଲା ତାହା ବର୍ଣ୍ଣନା କରିଥିଲା। ଅଭିଯୁକ୍ତକୁ ଗିରଫ କରିନ ସହ ତା ପାଖରୁ ଅନେକ ଗୁରୁତ୍ୱପୂର୍ଣ୍ଣ ପ୍ରମାଣ ପୋଲିସ ଜବତ କରିଛି ।ଅଭିଯୁକ୍ତ ଗିରଫ ପରେ କୋର୍ଟ ଚାଲାଣ କରାଯାଇଛି। ଏସପି କହିଥିଲେ ଯେ,ଆମେ ଆଶା କରୁଛୁ ଯେ ତଦନ୍ତ ଶୀଘ୍ର ସମାପ୍ତ ହେବ ଏବଂ ଏହି ମାମଲାରେ ଅଭିଯୁକ୍ତଙ୍କୁ ଦଣ୍ଡ ଦିଆଯିବ।”
ଏହି ଗିରଫଦାରୀ ଚାନ୍ଦିଲି ଥାନାରେ ହତ୍ୟା ମାମଲା ନଂ. ୧୯୮, ତାରିଖ ୧୭/୦୬/୨୦୨୬; ଫୌଜଦାରୀ କାର୍ଯ୍ୟବିଧି ସଂହିତାର ଧାରା ୧୦୩(୧)/୨୩୮ ଅନୁସାରେ ପଞ୍ଜିକୃତ ହୋଇଥିଲା। ଏସପିଙ୍କ ଦ୍ଵାରା ଆୟୋଜିତ ଉକ୍ତ ସାମ୍ବାଦିକ ସମ୍ମିଳନୀରେ ରାୟଗଡ଼ା ଏସଡିପିଓ ଓ ଚାନ୍ଦିଲି ଥାନା ଭାରପ୍ରାପ୍ତ ଅଧିକାରୀ,ତଦନ୍ତ ଅଧିକାରୀ ଉପସ୍ଥିତ ଥିଲେ।
ରିପୋର୍ଟ: ରାୟଗଡ଼ା ଜିଲ୍ଲା ଈପିଏରୁ ତିରୁମାଲା ପ୍ରସାଦ ପଟ୍ଟନାୟକ