ଏକ୍ସ ଆକାଉଣ୍ଟରେ ଉତ୍ତର ରଖନ୍ତୁ ଜିଲ୍ଲା ଗ୍ରାମ୍ୟ ଜଳଯୋଗାଣ ବିଭାଗ ମୁଖ୍ୟ କାର୍ଯ୍ୟ ନିର୍ବାହୀ ଯନ୍ତ୍ରୀ

ସୁବର୍ଣ୍ଣପୁର– ଆଜିକାର ଦୁନିଆଁ କୁ ଡିଜିଟାଲ ଯୁଗ ବୋଲି କୁହାଯାଏ।ଆମ ଭାରତର ପ୍ରଧାନମନ୍ତ୍ରୀ ଶ୍ରୀଯୁକ୍ତ ନରେନ୍ଦ୍ର ମୋଦୀ ଡିଜିଟାଲ ଇଣ୍ଡିଆର ନାରା ଦେଉଛନ୍ତି। ହେଲେ ସୁବର୍ଣ୍ଣପୁର ଜିଲ୍ଲାରେ ଏହାର ବ୍ୟତିକ୍ରମ ହେଉଥିବା ଅଭିଯୋଗ ହେଉଛି। ଏକ୍ସ ( ଟୁଇଟର) ରେ ଜିଲ୍ଲା ଗ୍ରାମ୍ୟ ଜଳଯୋଗାଣ ବିଭାଗ ନିକଟକୁ ଅନେକ ଅଭିଯୋଗ ଆସୁଛି। ହେଲେ ମୁଖ୍ୟ କାର୍ଯ୍ୟ ନିର୍ବାହୀ ଯନ୍ତ୍ରୀ ତାଙ୍କ ଏକ୍ସ ଆକାଉଣ୍ଟରେ ଦୀର୍ଘ ଦିନ ହେଲା ଯେକୌଣସି ଅଭିଯୋଗ ର ଉତ୍ତର ସଠିକ୍ ଭାବେ ଦେଉନଥିବା ଅଭିଯୋଗ ହେଉଛି l ଏ ନେଇ ସୁବର୍ଣ୍ଣପୁର ଜିଲ୍ଲାର ଟୁଇଟର ଵଏ ଭାବେ ପରିଚିତ ସାମାଜିକ କର୍ମୀ ଶ୍ରୀ ସର୍ଜନ କୁମାର ପାଣ୍ଡେ ଅଭିଯୋଗ କରିଛନ୍ତି। ଏବେ ପ୍ରଚଣ୍ଡ ଗ୍ରୀଷ୍ମ ପ୍ରବାହ ଯୋଗୁଁ ଜିଲ୍ଲାର ବିଭିନ୍ନ ଅଞ୍ଚଳରୁ ଆସୁଥିବା ବିଭିନ୍ନ ଅଭିଯୋଗ ଓ ସମାଧାନ ସମ୍ପର୍କରେ ଗ୍ରାମ୍ୟ ଜଳଯୋଗାଣ ବିଭାଗର ମୁଖ୍ୟ କାର୍ଯ୍ୟ ନିର୍ବାହୀ ଯନ୍ତ୍ରୀ ଏକ୍ସରେ ଉତ୍ତର ରଖିବାକୁ ଶ୍ରୀ ପାଣ୍ଡେ ମୁଖ୍ୟମନ୍ତ୍ରୀ ଓ ମୁଖ୍ୟ ଶାସନ ସଚିବଙ୍କ ଦୃଷ୍ଟି ଆକର୍ଷଣ କରିଛନ୍ତି।

ରିପୋର୍ଟ – ଉଗ୍ରସେନ କର୍ମୀ, ସୁବର୍ଣ୍ଣପୁର