ଓଡ଼ିଶା ରାଜ୍ୟ ପଦୂଷଣ ବୋର୍ଡ ସଦସ୍ୟଙ୍କୁ ସ୍ମାରକ ପତ୍ର ପ୍ରଦାନ
ଭୁବନେଶ୍ୱର ତା. ୧୯.୧୧- ଆଜି ଓଡ଼ିଶା ପିସିସି ଷ୍ଟିୟରିଂ କମିଟି ସଦସ୍ୟ ଶ୍ରୀମତୀ ସସ୍ମିତା ବେହେରାଙ୍କ ନେତୃତ୍ୱରେ ଓଡ଼ିଶା ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ଭୁବନେଶ୍ୱର ସ୍ଥିତ କାର୍ଯ୍ୟାଳୟ ଠାରେ ଅଧ୍ୟକ୍ଷ ଓ ସଚିବଙ୍କ ଉଦ୍ଦେଶ୍ୟରେ ଏକ ସ୍ମାରକପତ୍ର ପ୍ରଦାନ କରାଯାଇଛି । ଜିନ୍ଦଲ କମ୍ପାନୀ ଦେଶର ସର୍ବାଧିକ ପ୍ରଦୂଷଣ କରୁଥିବା ଶିଳ୍ପସଂସ୍ଥା ଓଡ଼ିଶାର ଅନୁଗୁଳ ଜିଲ୍ଲାର ଛେଣ୍ଡିପଦା ନିର୍ବାଚନ ମଣ୍ଡଳୀ ଏବଂ ଅନୁଗୁଳ ସହରର ପ୍ରାୟ ୬୦ଟି ଗ୍ରାମର ଜନସାଧାରଣ ଜିନ୍ଦଲ କମ୍ପାନୀ ଦ୍ୱାରା ନିର୍ଗତ ପାଉଁଶ ପୋଖରୀ ପାଣିଦ୍ୱାରା ମାରାତ୍ମକ ରୋଗର ଶୀକାର ହେଉଛନ୍ତି । ଏହି ପାଉଁଶ ଦ୍ୱାରା ପରିବେଶ ଓ ସ୍ୱାସ୍ଥ୍ୟ ଉଭୟ ନଷ୍ଟ ହେବାରେ ଲାଗିଛି । ବିଶେଷ କମରି ଲୋକମାନେ ଯକ୍ଷ୍ମା, ଆଜମା, ଥାଇରଡ, ପାକସ୍ଥଳୀ, ହୃଦଘାତ ଜନୀତ ରୋଗରେ ଆକ୍ରାନ୍ତ ହେଉଛନ୍ତି । ଏ ସମ୍ପର୍କରେ ଅଂଚଳବାସୀମାନେ ପୂର୍ବରୁ ବହୁବାର ଅଭିଯୋଗ କରିଥିଲେ ମଧ୍ୟ କର୍ତୃପକ୍ଷ କୌଣସି କର୍ଣ୍ଣପାତ କରୁନାହାନ୍ତି ।
ଦ୍ୱିତୀୟତଃ କୋଲ ଗ୍ୟାସିଫିକେସନ ପ୍ଲାଂଟ (ସିଜିପି)ରୁ ନିର୍ଗତ ହେଉଥିବା ଅତ୍ୟନ୍ତ ଦୁର୍ଗନ୍ଧ ଗ୍ୟାସ ଦ୍ୱାରା ଲୋକମାନେ ଅଣନିଶ୍ୱାସୀ ହୋଇ ପଡ଼ୁଛନ୍ତି । ଆଗାମୀ ଦିନରେ ଲୋକ କି କି ରୋଗରେ ଆକ୍ରାନ୍ତ ହେବ ସେ ସମ୍ପର୍କରେ ଅନିଶ୍ଚିତତା ମଧ୍ୟରେ ରହିଛନ୍ତି । ଦେଶର ବିଭିନ୍ନ ରାଜ୍ୟରେ ଜିନ୍ଦଲ କମ୍ପାନୀ ନିୟମ କାନୁନ ଉଲ୍ଲଙ୍ଘନ କରୁଥିବାରୁ ନ୍ୟାସନାଲ ଗ୍ରୀନ ଟ୍ରବ୍ୟୁନାଲ ଦ୍ୱାରା ଦଣ୍ଡିତ ହୋଇଛି । ଓଡ଼ିଶାର ମଧ୍ୟ ଜିନ୍ଦଲ କମ୍ପାନୀକୁ ଏନଜିଟି ୨ କୋଟି ଟଙ୍କାରେ ଦଣ୍ଡିତ କରିଛି । ପଲ୍ୟୁସନ କଂଟ୍ରୋଲ ବୋର୍ଡ ଏକ ଉଚ୍ଚସ୍ତରୀୟ କମିଟି ଗଠନ କରି ଜିନ୍ଦଲ କମ୍ପାନୀର ଏଭଳି ମନୋମୁଖି କାର୍ଯ୍ୟର ଅନୁସଂଧାନ କରି ଉପଯୁକ୍ତ ପଦକ୍ଷେପ ଗ୍ରହଣ କରିବାକୁ ଅଜିର ପ୍ରତିନିଧି ଦଳ ସ୍ମାରକପତ୍ରରେ ଦାବୀ ଉପସ୍ଥାପନ କରିଛନ୍ତି । ନଚେତ ଜନସାଧାଣଙ୍କ ସ୍ୱାସ୍ଥ୍ୟର ସୁରକ୍ଷା ପାଇଁ ଆଗାମୀ ଦିନରେ ଏକ ଜନ ଆନ୍ଦୋଳନ ଗଢ଼ି ତୋଳିବ ବୋଲି ଚେତାବନୀ ଦିଆଯାଇଛି ।ଏହି ଅବସରରେ ନବୀନ ଜିନ୍ଦଲ ଙ୍କ କୁଶପୁତ୍ତଳିକା ଦାହ କରାଯାଇଥିଲା।ଆଜିର ଏହି ପ୍ରତିନିଧି ମଣ୍ଡଳୀରେ ଅନ୍ୟମାନଙ୍କ ମଧ୍ୟରେ ଅନୁଗୁଳ ଜିଲ୍ଲା ସଭାପତି ଅମ୍ବିକା ପ୍ରସାଦ ଭଟ୍ଟ, କଂଗ୍ରେସ ନେତା ସର୍ବଶ୍ରୀ ବିଜୟାନନ୍ଦ ଚାଉଳିଆ, ସରୋଜ ପ୍ରଧାନ, ଦିଗମ୍ବର ଗଡ଼ନାୟକ, ସୁଦୀପ ମିଶ୍ର, ଜଗଦାନନ୍ଦ ପ୍ରଧାନ, ଗୋବିନ୍ଦ ନାୟକ, ନିରଞ୍ଜନ ନାୟକ, ରଶ୍ମିରଞ୍ଜନ ସାହୁ, ରଞ୍ଜିତ ସାହୁ, ନିରୁପମା ପାତ୍ର, ଜାନକୀ ମଲ୍ଲିକ ପ୍ରମୁଖ ଉପସ୍ଥିତ ଥିଲେ ।
Madhusudan sahu nka report
