ପୁରୀ ପୋଲିସ ପକ୍ଷରୁ ଜନସାଧାରଣଙ୍କ ହଜିଯାଇଥିବା କିମ୍ବା ଚୋରି ହୋଇଥିବା ସମ୍ପତ୍ତି ଉଦ୍ଧାର
ପୁରୀ ପୋଲିସ ପକ୍ଷରୁ ଜନସାଧାରଣଙ୍କ ହଜିଯାଇଥିବା କିମ୍ବା ଚୋରି ହୋଇଥିବା ସମ୍ପତ୍ତି ଉଦ୍ଧାର କରି ପ୍ରକୃତ ମାଲିକଙ୍କ ନିକଟରେ ପହଞ୍ଚାଇବା ନିମନ୍ତେ ନିରନ୍ତର ପଦକ୍ଷେପ ଗ୍ରହଣ କରାଯାଉଛି। ଏହି କ୍ରମରେ ସିଂହଦ୍ୱାର ପୋଲିସ ଦ୍ୱାରା ଉଦ୍ଧାର ହୋଇଥିବା କିଛି ସୁନା ଅଳଙ୍କାର ଓ ନଗଦ ଟଙ୍କା ସମ୍ବନ୍ଧରେ ଯଥାଯଥ ଯାଞ୍ଚ, ପରିଚୟ ଏବଂ ଆବଶ୍ୟକ କାଗଜପତ୍ରର ଯାଞ୍ଚ କରାଯାଇଥିଲା। ଯାଞ୍ଚରୁ ଜଣାପଡ଼ିଥିଲା ଯେ, ଉଦ୍ଧାର ହୋଇଥିବା ପ୍ରାୟ ୧୬ ଗ୍ରାମ ଓଜନର ସୁନା ଚେନ୍ ଓ କାନଫୁଲ (ଇୟର ରିଙ୍ଗ୍) ଏବଂ *ନଗଦ ଟଙ୍କା ୩,୩୫୦/-*ର ପ୍ରକୃତ ମାଲିକା ହେଲେ ଶ୍ରୀମତୀ ବାସୁମତୀ ବେହେରା (ବୟସ–୪୦ ବର୍ଷ), ସ୍ୱାମୀ–ଶ୍ରୀ ନଳିନୀକାନ୍ତ ବେହେରା, ସା/ପୋ–ନୂଆପଡା, ପାଣପଣା, ଜିଲ୍ଲା–ବାଲେଶ୍ୱର। ପରବର୍ତ୍ତୀ ସମୟରେ ଆଇନଗତ ପ୍ରକ୍ରିୟା ଅନୁସରଣ କରି ଏବଂ ସମସ୍ତ ତଥ୍ୟର ସଠିକ୍ ଯାଞ୍ଚ ପରେ ଉକ୍ତ ସୁନା ଅଳଙ୍କାର ଓ ନଗଦ ଟଙ୍କାକୁ ଶ୍ରୀମତୀ ବାସୁମତୀ ବେହେରାଙ୍କ ଜିମାରେ ହସ୍ତାନ୍ତର କରାଯାଇଥିଲା। ଏହି ଅବସରରେ ବାସୁମତୀ ବେହେରା ପୁରୀ ପୋଲିସ ପ୍ରତି କୃତଜ୍ଞତା ପ୍ରକାଶ କରିବା ସହ ପୋଲିସର ତତ୍ପରତା ଓ ଦାୟିତ୍ୱବୋଧର ପ୍ରଶଂସା କରିଥିଲେ। ପୁରୀ ପୋଲିସ ସର୍ବଦା ଜନସାଧାରଣଙ୍କ ସେବା, ସୁରକ୍ଷା ଓ ସମ୍ପତ୍ତିର ସୁରକ୍ଷା ପ୍ରତି ଅଙ୍ଗୀକାରବଦ୍ଧ ରହିଛି। ହଜିଯାଇଥିବା କିମ୍ବା ଚୋରି ହୋଇଥିବା ସାମଗ୍ରୀର ଉଦ୍ଧାର ଏବଂ ପ୍ରକୃତ ମାଲିକଙ୍କୁ ଫେରସ୍ତ ପ୍ରଦାନ କରିବା ଦିଗରେ ଏଭଳି ପଦକ୍ଷେପ ଭବିଷ୍ୟତରେ ମଧ୍ୟ ଜାରି ରହିବ।
