ରଥ ଖଳା: ରଥ ନିର୍ମାଣ କାର୍ଯ୍ୟ ୨୯ ତମ ଦିବସ
ରଥ ନିର୍ମାଣକାରୀଙ୍କ ଉପସ୍ଥାନ
*ତିନିରଥ ମହାରଣା ସେବକ – ୭୭*ତିନିରଥ ଭୋଇ ସେବକ – ୭୭*ତିନିରଥ କରତି ସେବକ – ୪*ତିନିରଥ ରୂପକାର ସେବକ – ୨୧
*ତିନିରଥ କମାର ସେବକ – ୨୦*ତୁମ୍ବ ବିନ୍ଧ କାରିଗର – ୨*ପାହି ମହାରଣା – ୨*ରଥଖଳା ସହାୟକ (ପାଣିବାଲା)୧ମୋଟ – ୨୦୪ ଜଣ
ଆଜି ରଥ ନିର୍ମାଣର ୨୯ ତମ ଦିବସରେ ରଥ ନିର୍ମାଣକାରୀ ସେବକ ବୃନ୍ଦ ସବୁଦିନପରି ଆଜି ସକାଳ ଘ.୮.୦୦ ଟିକା ସମୟ ପୂର୍ବରୁ ରଥ ଖଳା ଠାରେ ଉପସ୍ଥିତ ପୂର୍ବକ ଉପସ୍ଥାନ ଦେଇ ରଥ ମୁଖ୍ୟ ମହାରଣାଙ୍କ ମାର୍ଗ ଦର୍ଶନରେ ନିର୍ମାଣ କାର୍ଯ୍ୟ ଆରମ୍ଭ କରିଥିଲେ।
ରଥ ନିର୍ମାଣ ଅଗ୍ରଗତିତିନି ରଥର ୪୨ ଚକ ନିର୍ମାଣ ଶେଷ (ଗତକାଲି ସୁଦ୍ଧା ତିନିରଥର ୩୯ ଚକ ନିର୍ମାଣ ଶେଷ ପରେ ତିନି ରଥର ଅନ୍ୟାନ୍ୟ ଅଂଶ ମାନ ନିର୍ମାଣ ସହ ବାକି ତିନି ଗୋଟି ଚକ ର ନିର୍ମାଣ କାର୍ଯ୍ୟ ଜାରୀ ରହିଥିଲା।)
ଆଜି ତିନି ରଥର ବାକି ଥିବା ଶେଷ ଗୋଟିଏ ଗୋଟିଏ ଚକ ନିର୍ମାଣ ପରେ ତିନିରଥ ର ମୋଟ ୪୨ ଚକ ନିର୍ମାଣ ସମ୍ପୂର୍ଣ୍ଣ ହୋଇଛି।
ତିନି ରଥର ଗରଗରା ଚଉପଟ ଆରମ୍ଭ
ଆଜି ତିନି ରଥର ଆରମ୍ଭ ହୋଇଛି “ଗରାଗରା” ଚଉପଟ କାର୍ଯ୍ୟ । ଗାରଗରା ନିର୍ମାଣ ପାଇଁ ଆଜି ଅପରାହ୍ନରେ ରଥ ଅମୀନ ଶ୍ରୀ ଲକ୍ଷ୍ମଣ ମହାପାତ୍ର ଭୋଇ ସେବକଙ୍କ ସହାୟତାରେ ତିନି ରଥ ଚାଳି କୁ ଯୋଗାଇ ଦେଇଛନ୍ତି ୧୪:୧୬ ସାଇଜର ଗରଗରା ନିର୍ମାଣ ପାଇଁ ଦୁଇଟି ଲେଖାଏଁ ୨୦ ଫୁଟିଆ ଧଉରା କାଠ। ତିନି ରଥର ମହାରଣା ସେବକ ମାନେ ଉକ୍ତ ୨୦ ଫୁଟିଆ ଧଉରା କାଠ ର ଚଉପଟ କାର୍ଯ୍ୟ ଆରମ୍ଭ କରିଛନ୍ତି।
ତିନି ରଥର ଅଖ ନିର୍ମାଣ ପାଇଁ ରଥ ଖଳାରେ କାଠ ସାଇତା ଶେଷ
ଆସନ୍ତାକାଲି ତିନି ରଥର ବାକି ଅଖ ଗୁଡ଼ିକର ନିର୍ମାଣ କାର୍ଯ୍ୟ ଆରମ୍ଭ ହେବ, ଆଜି ରଥ ଅମୀନ ଭୋଇ ସେବକଙ୍କ ସହାୟତାରେ ଅଖ ନିର୍ମାଣ ପାଇଁ ତିନି ରଥ ପାଇଁ ଆବଶ୍ୟକ ୪୦ ଫୁଟିଆ ଧଉରା କାଠ ଯୋଗାଇଦେଇଛନ୍ତି।
ଆସନ୍ତା କାଲି ଆରମ୍ଭ ହେବ ଭୂଇଁ ଚଉତା ରେ ପାଖୁଡ଼ା ବିନ୍ଧ ସହ ଖମ୍ବୀ ବିନ୍ଧ
ଏଥିସହ ଚଉପଟ ହୋଇ ରହିଥିବା ତିନିରଥର ୧୨ ଟି ଲେଖାଏଁ ଭୂଇଁ ଚଉତା ରେ ଶେଷ ହୋଇଛି ବିନ୍ଧ ମାପ ଚିହ୍ନ। ଆସନ୍ତାକାଲି ତିନିରଥର ମହାରଣାମାନେ ଆରମ୍ଭ କରିବେ ଭୂଇଁ ଚଉତା ରେ ପାଖୁଡ଼ା ବିନ୍ଧ ସହ ଖମ୍ବୀ ବିନ୍ଧ।
ରୂପକାର ଚାଳି
ରୂପକାର ସେବକ ମାନେ ତିନି ରଥର ସାଲ ଗୁଜ ରେ ରୂପ ଖୋଦେଇ ସହ ଶେଷ ହୋଇଥିବା ରୂପ ଗୁଡ଼ିକର ପଲିସ୍ କାର୍ଯ୍ୟ ଏବଂ ରୂପରେ ଅଳଙ୍କାର ପକା କାର୍ଯ୍ୟ ଜାରୀ ରଖିଛନ୍ତି।
କରତୀ ଚାଳି
କରତୀ ସେବକ ମାନେ ଜାରୀ ରଖିଛନ୍ତି ତାଳଧ୍ୱଜ ରଥର ପୋଲ ଗୟଳ ଚିତା କାର୍ଯ୍ୟ, ଚିରଟ ପୂର୍ବରୁ ୪୦ ଫୁଟିଆ ଧଉରା କାଠର ଉଭୟ ପଟର ଚିତା କାର୍ଯ୍ୟ ଉଭୟ ପଟକୁ ବାରିକିରେ ହାଣି ସମତଳ କାର୍ଯ୍ୟ ଆସନ୍ତା କାଲି ତାଳଧ୍ଵଜ ରଥ ପୋଲ ଗୟଳ ଟ ଚିରତ କାର୍ଯ୍ୟ ଆରମ୍ଭ କରିବେ କରତି ସେବକ ମାନେ।
କମାର ଶାଳ
ଦୋଳବେଦୀ ଅସ୍ଥାୟୀ କମାର ଶାଳ ରେ ଓଝା କମାର ସେବକ ମାନେ ତିନିରଥର ଅଖ ଦଣ୍ଡା ବିଡିଆ ଏବଂ ଅଗ ପାତେଳୀ କଣ୍ଟା ନିର୍ମାଣ ଜାରୀ ରଖିଛନ୍ତି।
ପାହି ମହାରଣା
ଦୋଳବେଦୀ ଠାରେ ସ୍ନାନ ଯାତ୍ରା ଏବଂ ରଥ ଯାତ୍ରା ରେ ରଥ ଉପରେ ମହାପ୍ରଭୁଙ୍କ ପୂଜାରେ ଆବଶ୍ୟକ କାଠ ନିର୍ମିତ ଉପକରଣ ମାନ ନିର୍ମାଣ କାର୍ଯ୍ୟ ଜାରୀ ରଖିଛନ୍ତି।
