ଶ୍ରୀ ଶ୍ରୀ ବଡ଼ମା'ଙ୍କ ୧୩୩ ତମ ଶୁଭ ଆବିର୍ଭାବ ଉତ୍ସବ ପାଳିତ

ଆୟୋଜିତ ରକ୍ତଦାନ ଶିବିରରେ ୧୮ଟି ୟୁନିଟ୍ ରକ୍ତ ସଂଗ୍ରହ

ସମର୍ପିତ ନାରୀଜୀବନର ପୂର୍ଣ୍ଣ ପ୍ରତିଫଳନ ଜଗଜ୍ଜନନୀ ଶ୍ରୀ ଶ୍ରୀ ବଡମାଙ୍କ ୧୩୩ତମ ଜନ୍ମଦିବସ ୩୧ ଜୁଲାଇ, ୨୦୨୬ ତାରିଖ ଶୁକ୍ରବାର ଦିନ ସତସଙ୍ଗ ବିହାର, ରାୟଗଡ଼ା ମନ୍ଦିର ପ୍ରାଙ୍ଗଣରେ ଆଡମ୍ବରରେ ପାଳିତ ହୋଇଥିଲା। ପ୍ରମୁଖ କାର୍ଯ୍ୟକ୍ରମ ମଧ୍ୟରେ ସକାଳ ବେଦ ମାଙ୍ଗଳିକ, ନହବତ “ଉଷା କୀର୍ତ୍ତନ” (ପ୍ରତ୍ୟୁଷରେ ଭଜନ-ଗୀତ ଏବଂ ଦିବ୍ୟ ଉପସ୍ଥିତିକୁ ଆହ୍ବାନ କରିବା ପାଇଁ କୀର୍ତ୍ତନ) ଏବଂ ପ୍ରାତଃକାଳୀନ ବିନତି ,ପ୍ରାର୍ଥନା (ସକାଳ ଏବଂ ସନ୍ଧ୍ୟା ପ୍ରାର୍ଥନା) ହୋଇଥିଲା। ଏହି ବିଶେଷ ଦିନଟି ସତସଙ୍ଗ ପରମ୍ପରାରେ ଦିବ୍ୟ ମାତାଙ୍କ ଜନ୍ମଦିବସକୁ ଭକ୍ତି ଏବଂ ପ୍ରାର୍ଥନା ସହିତ ପାଳନ କରିବା ପାଇଁ ଶ୍ରଦ୍ଧାଷ୍ପଦ ଗୁରୁଭାଇ ଏବଂ ମଆ ମାନେ ସତସଙ୍ଗ ବିହାରରେ ଏକତ୍ରିତ ହୋଇଥିଲେ।
“ବନ୍ଦେ ପୁରୁଷୋତ୍ତମମ୍” ଆଧ୍ୟାତ୍ମିକ ସ୍ଲୋଗାନ ଦ୍ୱାରା ଅନୁପ୍ରାଣିତ ହୋଇ ସତସଙ୍ଗ ଆଶ୍ରମରେ ମୁଖ୍ୟ ଉତ୍ସବ ଅନୁଷ୍ଠିତ ହୋଇଥିଲା।ଅପରାହ୍ନ ସମୟରେ ମହିଳାମାନଙ୍କ ଆଧ୍ୟାତ୍ମିକ ପ୍ରଗତି ଉପରେ କେନ୍ଦ୍ରିତ “ମାତୃ ସମ୍ମିଳନୀ” କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏହା ପରେ ସାନ୍ଧ୍ୟକାଳୀନ ବିନତି ସହ ସମାପନ ହୋଇଥିଲା।

ପୂଜ୍ୟା ବଡମାଙ୍କ ୧୩୩ତମ ଜନ୍ମଦିବସ ଅବସରରେ ଓଡ଼ିଶା ରକ୍ତଦାତା ସଂଗଠନ ମହାସଂଘ ଓ ସତସଙ୍ଗ ବ୍ଲଡ ଡନର ଫେମିଲି ମିଳିତ ପ୍ରୟାସରେ ପ୍ରଥମଥର ପାଇଁ ଅନୁଷ୍ଠିତ ଏକ ରକ୍ତଦାନ ଶିବିରରେ ୧୮ ୟୁନିଟ୍ ରକ୍ତ ସଂଗ୍ରହ ହୋଇଥିଲା। ଏହାକୁ ଓଡ଼ିଶା ରକ୍ତଦାତା ସଂଗଠନ ମହାସଂଘର ରାଜ୍ୟ ସଂଯୋଜକ ରାଜେଶ କୁମାର ପଣ୍ଡା ଆୟୋଜନ କରିଥିବା ବେଳେ ରାଜ୍ୟ ସଦସ୍ୟ ବୋଗିଲି ରାଜେଶ କୁମାର ପରିଚାଳନା କରିଥିଲେ। ଆଜିର ରକ୍ତଦାନ ଶିବିର କାର୍ଯ୍ୟକ୍ରମକୁ ସତସଙ୍ଗ ବ୍ଲଡ ଡନର ଫେମିଲି ତରଫରୁ ଗୀତଚାନ୍ଦ ମିଶ୍ର ଓ ସଦସ୍ୟ ବୃନ୍ଦ ସହଯୋଗ କରିଥିଲେ। ଦ୍ୱିପହର ଓ ରାତ୍ରରେ ବ୍ୟବସ୍ଥିତ ଆନନ୍ଦବଜାରରେ ଆସିଥିବା ସମସ୍ତ ମାଆ ଓ ଗୁରୁଭାଇମାନେ ଭୋଜନ କରିଥିଲେ।