ସୁସ୍ଥ ପରିବେଶ ରକ୍ଷା ପାଇଁ, ଜମିରେ ପାଳ ନଡ଼ା ପୋଡ଼ି ବନ୍ଦ କରିବା ନିମନ୍ତେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ ।
ନୟାଗଡ଼: ନୟାଗଡ ଜିଲ୍ଲାରେ ପରିବେଶ ରକ୍ଷା ନିମିତ୍ତ ଭାରତୀୟ ଜନ ସ୍ବରାଜ ସଂଗଠନ ପକ୍ଷରୁ ପ୍ରଦୂଷଣ ନିୟନ୍ତ୍ରଣ ଓ ଜମିରେ ନଡ଼ା ପାଳ ପୋଡ଼ି ବନ୍ଦ ପାଇଁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କୁ ଦାଵୀ ପତ୍ର ପ୍ରଦାନ କରାଯାଇଛି। ଏହାର ଯଥାର୍ଥତା ସାରା ଓଡ଼ିଶାର ପରିବେଶ ରକ୍ଷା ପାଇଁ ମଧ୍ୟ ଜରୁରୀ ଅଟେ ।ଆଇନଜୀବୀ ସଂସାରୀ ସାହୁ, ପ୍ରକୃତି ବନ୍ଧୁ ସୁକାନ୍ତ ଚନ୍ଦ୍ର ଚୌଧୁରୀ ପ୍ରମୁଖ ଏଥିରେ ସାମିଲ ଥିବାବେଳେ ଭାରତୀୟ ଜନ ସ୍ବରାଜ ସଂଗଠନ ରାଜ୍ୟ କମିଟି ସଦସ୍ୟ ରଣଜିତ ଦଳବେହେରା ଏହାର ନେତୃତ୍ୱ ନେଇଥିଲେ। ଜିଲ୍ଲାପାଳ ଅନୁପସ୍ଥିତ ଥିଲାବେଳେ ନୟାଗଡ଼ ଅତିରିକ୍ତ ଜିଲ୍ଲାପାଳ ରୋଜିନା ଦାସ ଦାବିପତ୍ର ଗ୍ରହଣ କରିଥିଲେ।ଧାନ ଅମଳ ପରେ ଜମିରେ ପାଳ ନଡା ଚାଷୀମାନେ ପୋଡ଼ି ଦେଉଥିଲା ବେଳେ ଏଥିରେ ଜମିର ଉର୍ବରତା ନଷ୍ଟ ହେବା ସହ ପରିବେଶ ଦୂଷିତ ହୋଇଥାଏ।ଏହାକୁ ନପୋଡି କିପରି ବର୍ଷା ଦିନେ ଜମିରେ ପୋତି ଦିଆଯାଇ ଜୈବିକ ସାର ଭାବେ ବ୍ୟବହାର କରାଯାଇ ପାରିବ ଏଥିପ୍ରତି ଜନ ସଚେତନତା କରିବାର ଆବଶ୍ୟକତା ରହିଛି। ଏଥିପାଇଁ ବିଧାନସଭାରେ ମଧ୍ୟ ଆଇନ ପ୍ରଣୟନ କରାଯିବା ଅତି ଜରୁରୀ ।ଆଗକୁ ଦୀଲ୍ଲି ଅବସ୍ଥା ଆମର ନହେଉ ସେଥିପ୍ରତି ସରକାରଙ୍କୁ ମଧ୍ୟ ଆଗୁଆ ସଜାଗ ଓ ସତର୍କ କରିଦେଇଛି ଭାରତୀୟ ଜନ ସ୍ବରାଜ ସଂଗଠନ। ଏହି ଦାବିପତ୍ର ପ୍ରଦାନରେ ସମୟର ସଂଗଠନର ସଭ୍ୟ ଗୋପବନ୍ଧୁ ମହାନ୍ତି ସମାଜସେବୀ ଚନ୍ଦ୍ରମଣି ବେହେରା, ଶଶାଙ୍କ ଶେଖର ସୁବୁଦ୍ଧି, ନାଥ ପ୍ରଧାନ ପ୍ରମୁଖ ଉପସ୍ଥିତ ଥିଲେ ।
ଇ ପି ଏ ରୁ ଗୋକୁଳ କୁମାର ଷଡ଼ଙ୍ଗୀ ଜିଲ୍ଲା ପ୍ରତିନିଧି ନୟାଗଡ଼ ।
