ଟାଟା ଷ୍ଟିଲ୍ ପକ୍ଷରୁ ଯୋଡ଼ାରେ ଦୋରାବ ଜୀ ଟାଟା ଙ୍କ 165ତମ ଜନ୍ମଜୟନ୍ତୀ ପାଳିତ ।
ଯୋଡ଼ା, ଅଗଷ୍ଟ 27, 2024: ଟାଟା ଷ୍ଟିଲ୍ ଯୋଡ଼ା ୟୁନିଟ୍ ପକ୍ଷରୁ ମଙ୍ଗଳବାର ଦୋରାବ ଜୀ ଟାଟାଙ୍କ 165 ତମ ଜନ୍ମଜୟନ୍ତୀ ପାଳିତ ହୋଇଯାଇଛି ।ଏହି ଅବସରରେ ଟାଟା ଷ୍ଟିଲ୍ ଯୋଡ଼ାର ଚିଫ୍ ରାଜେଶ କୁମାର ଅନ୍ୟାନ୍ୟ ୟୁନିଟ୍ ର ଚିଫ୍, ମୁଖ୍ୟ, କର୍ମଚାରୀ, ଅଧିକାରୀ ଏବଂ ଶ୍ରମିକ ମାନଙ୍କ ସହ ମିଶି ସ୍ଥାନୀୟ ଦୋରାବ ଜୀ ବଟାନିକାଲ ପାର୍କ ପ୍ରାଙ୍ଗଣରେ ତାଙ୍କ ପ୍ରତିମୂର୍ତ୍ତିରେ ପୁଷ୍ପାଞ୍ଜଳି ଅର୍ପଣ କରିଥିଲେ ।ଏତଦବ୍ୟତୀତ, ଯୋଡ଼ା ଇଷ୍ଟ ଖଣି, ଖଣ୍ଡବନ୍ଧ ଖଣି, ଫେରୋ ପ୍ଲାଣ୍ଟ, ନୀଳାଚଳ ଖଣି ଓ ମାଙ୍ଗାନିଜ ଗ୍ରୁପ୍ ଅଫ୍ ମାଇନ୍ସର କର୍ମଚାରୀ ଓ ଅଧିକାରୀମାନଙ୍କ ଦ୍ୱାରା ମଧ୍ୟ ଏହି ଦୂରଦ୍ରଷ୍ଟାଙ୍କୁ ପୁଷ୍ପ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା ।ଏହି ପରିପ୍ରେକ୍ଷୀରେ ସମସ୍ତେ ଦୋରାବ ଜୀ ଙ୍କ ଭଳି ବ୍ୟକ୍ତିତ୍ୱ ର ସ୍ମୃତିଚାରଣ କରିଥିଲେ I ବିଶେଷକରି ଭାରତରେ ଶିଳ୍ପାୟନ ର ଅଗ୍ରଗତି ରେ ତାଙ୍କର ପ୍ରମୁଖ ଭୂମିକା ସହ ସ୍ଵଦେଶୀ ଜାଗରଣ ର ପୁରୋଧା ହିସାବରେ ତାଙ୍କର ଅବଦାନ ଅତୁଳନୀୟ Iଏତଦବ୍ୟତୀତ, ଅଲିମ୍ପିକ୍ସ ଭଳି ଆନ୍ତର୍ଜାତୀୟ ସ୍ତର ପ୍ରତିଯୋଗୀତା ରେ ଭାରତର ପ୍ରତିନିଧିତ୍ଵ କୁ ପ୍ରୋତ୍ସାହିତ କରିବା ପାଇଁ ତାଙ୍କର ପ୍ରଚେଷ୍ଟା ମଧ୍ୟ ଅବର୍ଣ୍ଣନୀୟ I ଲୋକଙ୍କୁ ଗୁଣାତ୍ମକ ସ୍ୱାସ୍ଥ୍ୟ ସେବା ଯୋଗାଇବା ତଥା ଶ୍ରମିକ କଲ୍ୟାଣ ଏବଂ ପରୋପକାର ର ଅଗ୍ରଦୂତ ହିସାବରେ ସେ ଚିର ସ୍ମରଣୀୟ I ଏହି ଦିବସ ଟି କୁ ମନେ ରଖିବା ପାଇଁ ବହୁ ଅନ୍ୟାନ୍ୟ କାର୍ଯ୍ୟକ୍ରମ ର ଆୟୋଜନ କରାଯାଇଥିଲା I
ଯୋଡ଼ା ରୁ ଡିମ୍ପଲ ସାଣ୍ଡିଲ ଙ୍କ ରିପୋର୍ଟ ଇପିଏ ନିଉଜ ।
