ତିର୍ତ୍ତୋଲ ସାମ୍ବାଦିକ ସଙ୍ଘ ପକ୍ଷରୁ ଜାତୀୟ ପ୍ରେସ ଦିବସ ପାଳିତ
ତିର୍ତ୍ତୋଲ: ଜଗତସିଂହପୁର ଜିଲ୍ଲା ତିର୍ତ୍ତୋଲ ଅଞ୍ଚଳର ସର୍ବପୁରାତନ ସାମ୍ବାଦିକ ସଙ୍ଗଠନ ତିର୍ତ୍ତୋଲ ସାମ୍ବାଦିକ ସଙ୍ଘ ତରଫରୁ ବ୍ଲକ ସ୍ତରୀୟ ଜାତୀୟ ପ୍ରେସ ଦିବସ ୨୦୨୪ ସ୍ଥାନୀୟ ବୀଣାପାଣି ମଣ୍ଡପ ପରିସରରେ ପାଳିତ ହୋଇଯାଇଅଛି | ଏହି ଅବସରରେ ଆୟୋଜିତ ଏକ ସଭାରେ ମୁଖ୍ୟ ଅତିଥିଭାବେ ମାନ୍ୟବର ତିର୍ତ୍ତୋଲ ବିଧାୟକ ଡ଼. ରମାକାନ୍ତ ଭୋଇ ଯୋଗ ଦେଇଥିଲେ | ସମ୍ମାନିତ ଅତିଥିଭାବେ ତିର୍ତ୍ତୋଲ ମଣ୍ଡଳ ଉନ୍ନୟନ ଅଧିକାରୀ ଦୀପକ କୁମାର ସ୍ୱାଇଁ, ତିର୍ତ୍ତୋଲ ଅତିରିକ୍ତ ତହସିଲଦାର କଳ୍ପନା ତପସ୍ୱିନୀ ନାୟକ, ମାତୃ ଆଶ୍ରିତ ସମାଜ ସଂସ୍କାରକ ବାବା ସଦାନନ୍ଦ ମହାରାଜ ଯୋଗ ଦେଇ ସାମ୍ପ୍ରତିକ ପରିସ୍ଥିତିରେ ଗଣମାଧ୍ୟମ ର ଭୂମିକା ସମ୍ପର୍କରେ ଆଲୋକପାତ କରିଥିଲେ | ସଙ୍ଘର ସଭାପତି ଟୁକନ ଚରଣ ସେଠି ସଭାପତିତ୍ୱ କରିଥିବା ବେଳେ ଉପଦେଷ୍ଟା ଅମର ଜ୍ୟୋତି ସାହୁ ଅତିଥି ପରିଚୟ ପ୍ରଦାନ ସହିତ ସଭା ପରିଚାଳନା କରିଥିଲେ | ସମ୍ପାଦକ ସୌରାଜିତ ପଢିଆରି ସମ୍ପାଦକୀୟ ବିବରଣୀ ପାଠ କରିଥିବା ବେଳେ ବରିଷ୍ଠ ସଭ୍ୟ ମାନସ କୁମାର ସୂତାର ସଂଘର ଉନ୍ନତି ପାଇଁ ଦାବୀ ପ୍ରସଙ୍ଗ ଉପସ୍ଥାପନ କରିଥିଲେ | ପରିଶେଷରେ ସହସମ୍ପାଦକ ଚନ୍ଦ୍ରକାନ୍ତ ବାରିକ ଧନ୍ୟବାଦ ଅର୍ପଣ କରିଥିଲେ | ଏହି କାର୍ଯ୍ୟକ୍ରମରେ ଉପଦେଷ୍ଟା ସୁଧାଂଶୁ ଶେଖର ପୃଷ୍ଟି, କୋଷାଧକ୍ଷ ଭାନୁ ଶଙ୍କର ରାଉତରାୟ, ସଂଗଠନ ସମ୍ପାଦକ ସତ୍ୟ ପ୍ରକାଶ ମହାନ୍ତି, ପ୍ରଭାତ କୁମାର ପରିଡା, ଜଗନ୍ନାଥ ପ୍ରସାଦ ସାହୁ, ବରିଷ୍ଠ ସଭ୍ୟ ଶ୍ରୀବତ୍ସ ପାଢ଼ୀ ନିଶାକର ଦାସ, ଦିଲ୍ଲୀପ କୁମାର ସାହୁ, ପ୍ରଶାନ୍ତ ମହାନ୍ତି, ଏମ. ଏସ. ରାଜନ କୁମାର, ସ୍ୱାଗତ ରଞ୍ଜନ ଦାସ, ଅବଦୁଲ ନଜିମ୍ ପ୍ରମୁଖ ସହଯୋଗ କରିଥିଲେ |
ଶ୍ରୀବତ୍ସ ପାଢ଼ୀ, ଇପିଏ ନିୟୁଜୁ,
