ପାତାଳୀ ଶ୍ରୀ କ୍ଷେତ୍ର ର ହୁଣ୍ଡି ଚୋରି l ସୁବର୍ଣ୍ଣପୁର —
ପୁଣି ପାତାଳୀ ଶ୍ରୀକ୍ଷେତ୍ରରୁ ତାଲା କାଟି ହୁଣ୍ଡି ଚୋରି ହୋଇଥିବା ଜଣାପଡିଛି l ସୁବର୍ଣ୍ଣପୁର ଜିଲ୍ଲା କୋଟସମଲେଇ ସ୍ଥିତ ପାତାଳୀ ଶ୍ରୀକ୍ଷେତ୍ରରୁ ହୁଣ୍ଡି ଚୋରି ହୋଇଥିବା ଅଭିଯୋଗ ହୋଇଛି । ଗତକାଲି ବିଳମ୍ବିତ ରାତିରେ ଦୁର୍ବୁତ୍ତ ମାନେ ଜଗନ୍ନାଥ ମନ୍ଦିରର ତାଲା କାଟି ହୁଣ୍ଡି ସମେତ ଏମ୍ପ୍ଲି ଫାୟାର ଏବଂ ଅନ୍ୟାନ୍ୟ ସାମଗ୍ରୀ ଚୋରି କରି ନେଇଯାଇଛନ୍ତି ।
ସକାଳୁ ପୂଜକ ପହଞ୍ଚି ଦେଖିଲା ପରେ ମନ୍ଦିରର ତାଲା କଟା ଅବସ୍ଥାରେ ପଡ଼ିଥିବାରୁ ଚୋରି ହୋଇଥିବା ଜାଣିବାକୁ ପାଇଥିଲେ । ତୁରନ୍ତ ପାତାଳୀ ଟ୍ରଷ୍ଟକୁ ଘଟଣା ବିଷୟରେ ଜଣାଇଥିଲେ । ଖବର ପାଇଁ ପୋଲିସ ମଧ୍ୟ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ମନ୍ଦିର ପଛପଟୁ ହୁଣ୍ଡି ଉଦ୍ଧାର କରିଥିବା ଜଣାପଡିଛି । ତେବେ ହୁଣ୍ଡିରେ କେତେ ଟଙ୍କା ଥିଲା ତାହା ସ୍ପଷ୍ଟ ଜଣା ପଡ଼ି ନାହିଁ। କିଛି ମାସ ତଳେ ସମାନ ଢଙ୍ଗରେ ଏହି ମନ୍ଦିରରୁ ଚୋରି ହୋଇଥିଲେ ହେଁ ପୋଲିସ କାହାକୁ ଗିରଫ କରିବାରେ ସମର୍ଥ ହୋଇ ନଥିଲା । ବାରମ୍ବାର ଏଭଳି ଘଟଣା ସତ୍ତ୍ୱେ ପୋଲିସ ପ୍ରଶାସନ ଗୁରୁତ୍ବ ଦେଉ ନଥିବା ଅଭିଯୋଗ ହୋଇଛି l
ରିପୋର୍ଟ – ଉଗ୍ରସେନ କର୍ମୀ, ସୁବର୍ଣ୍ଣପୁର
