ଭାରତୀୟ ମଜଦୁର ସଂଘ ପକ୍ଷରୁ ରାଷ୍ଟ୍ରୀୟ ପର୍ଯ୍ଯାବରଣ ଦିବସ ପାଳନ
ରାଇରଙ୍ଗପୁର : ଭାରତୀୟ ମଜଦୁର ସଂଘ ସହବନ୍ଧିତ ପର୍ଯ୍ଯାବରଣ ମଂଚ ପକ୍ଷରୁ ମୟୂରଭଂଜ ଜିଲ୍ଲା ତରଫରୁ ରାଇରଙ୍ଗପୁର ମହିଳା ମହାବିଦ୍ଯାଳୟ ସଭାଗୃହରେ ଆଜି ରାଷ୍ଟ୍ରୀୟ ପର୍ଯ୍ଯାବରଣ ଦିବସ ପାଳିତ ହୋଇଯାଇଛି l ପରିବେଶର ସୁରକ୍ଷା ପାଇଁ ନିଜ ଜୀବନକୁ ଉତ୍ସର୍ଗ କରିଥିବାରୁ ସାହାସୀ ଅମୃତା ଦେବୀ ଙ୍କ ସ୍ମୃତିରେ ଭାରତୀୟ ମଜଦୁର ସଂଘ ପରିବେଶ ଫୋରମ୍ ଦ୍ବାରା ଅଗଷ୍ଟ ଅଠେଇଶି କୁ ପରିବେଶ ଦିବସ ବା ପର୍ଯ୍ଯାବରଣ ଦିବସ ଭାବେ ପାଳନ କରୁଛି l ଏହି ଦିନରେ ପରିବେଶକୁ ରକ୍ଷା କରିବା ପାଇଁ ଯୋଧପୁର ଠାରୁ ପଚିଶ କିମି ଦୂର ଖେଜୁରୀ ଗ୍ରାମ ଠାରେ ଖେଜୁରୀ ଜଙ୍ଗଲ କାଟିବାକୁ ଯୋଧପୁର ରାଜା ଆଦେଶ ବିରୁଦ୍ଧରେ ଯାଇ ଅଣସତୁରୀ ଜଣ ମହିଳାଙ୍କ ସମେତ ତିନିଶହ ତେଷଠି ଜଣ ପୁରୁଷ ନିଜ ଜୀବନକୁ ବଳିଦାନ ଦେଇଥିଲେ l
ଏହି ପର୍ଯ୍ଯାବରଣ ଦିବସରେ ଅଧ୍ୟାପକ ବିଜୟ କୁମାର ରାମ ସଭାପତିତ୍ବ କରିଥିବା ବେଳେ ମୁଖ୍ୟ ଅତିଥି ଭାବେ ଭାରତୀୟ ମଜଦୁର ସଂଘର ରାଜ୍ୟ କାର୍ଯ୍ଯକାରିଣୀ ସଦସ୍ୟ ତଥା ପର୍ଯ୍ୟାବରଣ ମଂଚର ରାଜ୍ୟ ସହସଂଯୋଜକ ନିଗମାନନ୍ଦ ପଟ୍ଟନାୟକ l ମୁଖ୍ୟବକ୍ତା ଭାବେ ପରିବେଶବିତ୍ ତଥା ବିଶିଷ୍ଟ ସାହିତ୍ୟିକ ଲଳିତ ମହାନ୍ତ, ସମ୍ମାନିତ ଅତିଥି ଭାବେ ବି.ଏମ୍ .ଏସ୍ ର ଜିଲ୍ଲା ସଭାନେତ୍ରୀ ସରସ୍ବତୀ ଟୁଡୁ ଓ ସଂପାଦକ ବୋଧି ରଜତ ମହାନ୍ତ ପ୍ରମୁଖ ଆଲୋଚନା କରିଥିଲେ l ଅନ୍ୟତମ ଅତିଥି ରାଇରଙ୍ଗପୁର ଫରେଷ୍ଟ ରେଂଜର ଜ୍ଯୋତି ରଂଜନ ସେନାପତି ଓ ଷ୍ଟାଫ ଦୁଷ୍ମନ୍ତ ବସା ପ୍ରମୁଖ ଛାତ୍ରୀମାନଙ୍କୁ ଶତାଧିକ ବୃକ୍ଷଚାରା ବିତରଣ କରି ଏହାକୁ ବଂଚାଇବା ପାଇଁ ବିଶେଷ ଗୁରୁତ୍ବ ଦେଇ ସଂକଳ୍ପ କରାଇଥିଲେ l ମୁଖ୍ୟ ଅତିଥି ଶ୍ରୀ ପଟ୍ଟନାୟକ ଅଗଷ୍ଟ ଅଠେଇଶି ପର୍ଯ୍ଯାବରଣ ଉଦ୍ଦେଶ୍ୟ ତଥା ବୃକ୍ଷ ଲଗାଇବା ଦ୍ବାରା ସମାଜର ଲାଭକ୍ଷତି ସଂପର୍କରେ ଆଲୋଚନା କରିଥିଲେ l ମୁଖ୍ୟବକ୍ତା ଲଳିତ ମହାନ୍ତ କୁହନ୍ତି ବୃକ୍ଷ କାଟିବା ଦ୍ବାରା ଜଳାଭାବ ଦ୍ବାରା ଆମର କ୍ଷତି କଣ ହେଉଛି, ସେ ଉପଲକ୍ଷେ ବିଭିନ୍ନ ଉଦାହରଣମାନ ଦେଇ ବିସ୍ତୃତ ଭାବେ ଆଲୋଚନା କରିଥିଲେ l ସଭାପତି ଶ୍ରୀ ବିଜୟ କୁମାର ରାମ କୁହନ୍ତି ପ୍ରତ୍ୟେକ ଛାତ୍ରୀ ବୃକ୍ଷ ଲଗାଇବା ଯେତିକି ଗୁରୁତ୍ବ ତାକୁ ବଂଚାଇବା ସବୁଠାରୁ ମହତ୍ବପୂର୍ଣ୍ଣ କହିଥିଲେ l ଏହାବ୍ୟତୀତ ସବୁ ବ୍ଲକରେ ବିଭିନ୍ନ କଲେଜ ଅଙ୍ଗନୱାଡି କର୍ମୀମାନଙ୍କ ଦ୍ବାରା ଦଶହଜାର ଗଛ ଲଗାଯିବ ବୋଲି କହିଥିଲେ l ପରିଶେଷରେ ବି.ଏମ୍.ଏସ୍ ଜିଲ୍ଲା ସଭାନେତ୍ରୀ ସରସ୍ବତୀ ଟୁଡୁ ନିଜର ବକ୍ତବ୍ୟ ରଖି ଧନ୍ୟବାଦ ଅର୍ପଣ କରିଥିଲେ l
