ମା ସମଲେଶ୍ୱରୀ ସଂଘ ପକ୍ଷରୁ 34 ତମ ଗଣେଶ ପୂଜା ଉପଲକ୍ଷେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ
ସୁବର୍ଣ୍ଣପୁର –ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲିସ୍ଥିତ କୁଦେଇପଡ଼ା ମା ସମଲେଶ୍ୱରୀ ସଂଘ ପକ୍ଷରୁ 34 ତମ ଗଣେଶ ପୂଜା ଉପଲକ୍ଷେ ଶନିବାର ରାତିରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ପ୍ରଥମେ ସଂଘ ର ସଭାପତି ଯଦୁମଣି କୁଦେଇ ଙ୍କ ଅଧକ୍ଷତା ରେ ଏକ ସଭା କାର୍ଯ୍ୟ ଅନୁଷ୍ଠିତ ହୋଇଥିଲା l ଏଥିରେ ସାମ୍ବାଦିକ ପବିତ୍ର ମୋହନ ପାଣ୍ଡିଆ, ସାମ୍ବାଦିକ ଦୀନବନ୍ଧୁ ସୁନା, ସାମ୍ବାଦିକ ସୁଦାମ ସାହୁ, ସାମ୍ବାଦିକ ରତ୍ନାକର ସେଠ୍, ସାମ୍ବାଦିକ ମହାଦେବ ଗଡତିଆ, ସାମ୍ବାଦିକ ପ୍ରଶାନ୍ତ ସେଠ୍ ଓ ଜିଲ୍ଲା ଟ୍ରକ ମାଲିକ ସଂଘର ସଭାପତି ମୃତ୍ୟୁଞ୍ଜୟ ମିଶ୍ର ଅତିଥି ଭାବେ ଯୋଗଦେଇ ଥିଲେ l ଏହି ଅବସରରେ 34 ତମବର୍ଷ ରେ ପଦାର୍ପଣ କରିଥିବା ଏହି ଗଣେଶ ପୂଜା ମା ସମଲେଶ୍ୱରୀ ସଂଘର ବିଭିନ୍ନ ଜନହିତକର କାର୍ଯ୍ୟକ୍ରମ ଓ ନୂଆଁଖାଇ ତିହାର ର ପରମ୍ପରା ଉପରେ ଅତିଥି ମାନେ ମତ ପ୍ରକାଶ କରିଥିଲେ l ଅତିଥି ମାନଙ୍କ ସ୍ବାଗତଂ, ପରିଚୟ ପ୍ରଦାନ ଓ ମଞ୍ଚ ପରିଚାଳନା ଶଙ୍କର ମହାଳିଙ୍ଗ କରିଥିଲେ l ସଂଘ ର ସମ୍ପାଦକ ସୋମ୍ୟ ରଞ୍ଜନ ମହାନ୍ତି ଧନ୍ୟବାଦ ଅର୍ପଣ କରିଥିଲେ l ରାତି ସାରା ସମ୍ବଲପୁରୀ, ରସରକେଲି, ମାଇଲାଜଡ଼, ଓଡ଼ିଶୀ, ନୃତ୍ୟ ଗୀତ ଛୋଟ ଛୋଟ କୁନି କଳାକାର ଓ ବିଭିନ୍ନ ଗ୍ରାମରୁ ଆସିଥିବା କଳାକାର ମାନଙ୍କ ଦ୍ଵାରା ନୃତ୍ୟ ଗୀତ ପରିବେଷଣ ହୋଇଥିଲା l ବହୁ ସଂଖ୍ୟା ରେ ଦର୍ଶକ ଙ୍କ ଭିଡ଼ ଲାଗି ରହିଥିଲା l ଦୁଇ ଦିନ ଧରି ପୂଜା ମଣ୍ଡପ ରେ ଅନ୍ନ ଭୋଗ ବଣ୍ଟନର ବ୍ୟବସ୍ଥା କମିଟି ପକ୍ଷରୁ କରାଯାଇଥିଲା l ସାଂସ୍କୃତିକ କାର୍ଯ୍ୟକ୍ରମ ର ନୃତ୍ୟ ଗୀତ ରେ ଭାଗ ନେଇ ଥିବା କଳାକାର ମାନଙ୍କୁ ଅତିଥି ମାନେ ଟ୍ରଫି ଓ ମାନପତ୍ର ପ୍ରଦାନ କରିଥିଲେ l ଆଜି (ମଙ୍ଗଳବାର ଦିନ )ଭସାଣି ଉତ୍ସବ ଧୁମଧାମ ରେ ପାଳନ କରାଯିବ ବୋଲି ପୂଜା କମିଟି ର ସଭାପତି ପ୍ରକାଶ କରିଛନ୍ତି l ସଂଘର ପ୍ରଶାନ୍ତ , ରାଜମୋହନ,ନିଲୁ,ଶଙ୍କରସନ, ହିମାଂଶୁ, ତରଣୀ ମିତେଶ, ସ୍ୱାଗତ ପ୍ରମୁଖ ସଂଘର ସମସ୍ତ ସଦସ୍ୟ ସହଯୋଗ କରିଥିଲେ l
ରିପୋର୍ଟ – ଉଗ୍ରସେନ କର୍ମୀ, ସୁବର୍ଣ୍ଣପୁର
