ଲେପ୍ରା ସୋସାଇଟିରେ ଯୋଗ ଶିବିର ଅନୁଷ୍ଠିତ
ସୁବର୍ଣ୍ଣପୁର –ଲେପ୍ରା ସୋସାଇଟି ସୁବର୍ଣ୍ଣପୁର ସମ୍ମିଳନୀ କକ୍ଷରେ ଆଜି ସକାଳେ ଏକ ଦିବସୀୟ ଯୋଗ ଶିବିର ଯୋଗବିଦ୍ ଗୋରେଖନାଥ ସାହୁଙ୍କ ମାର୍ଗଦର୍ଶନରେ ଅନୁଷ୍ଠିତ ହୋଇଯାଇଛି I ଏହି ଶିବିରରେ ଲେପ୍ରା ସୋସାଇଟିର ହାଇଦ୍ରାବାଦ ସ୍ଥିତ ମୁଖ୍ୟାଳୟର ମୁଖ୍ୟ କାର୍ଯ୍ୟ ନିର୍ବାହୀ ଇଂ. ପ୍ରଶାନ୍ତ କୁମାର ନାଏକ ମୁଖ୍ୟ ଅତିଥି ତଥା ପ୍ରଖ୍ୟାତ ସମାଜସେବିକା ଶ୍ରୀମତୀ ନୁରିଆ ବେନାଇଟେଜ ସମ୍ମାନିତ ଅତିଥିଭାବେ ଯୋଗଦେଇ ଶିବିରାର୍ଥୀମାନଙ୍କୁ ଉଦବୋଧନ ଦେଇଥିଲେ I ଯୋଗ ସାଧନା ଦ୍ବାରା ଶରୀର ଓ ମନକୁ କିପରି ସୁସ୍ଥ ରଖାଯାଇ ପାରେ ସେ ସଂପର୍କରେ ବିଶେଷ ପ୍ରଶିକ୍ଷଣ ଦିଆଯାଇଥିଲା I ଏଥିରେ ସୁବର୍ଣ୍ଣପୁର କୁଷ୍ଠାଶ୍ରମର ଅନ୍ତେବାସୀମାନଙ୍କୁ ମିଶାଇ ମୋଟ ଚାଳିଶ ଜଣ କୁଷ୍ଠମୁକ୍ତ ପୁରଷ ଓ ମହିଳା ଯୋଗ ଦେଇଥିଲେ I ଅତିଥିମାନେ ଉପସ୍ଥିତ ସମସ୍ତଙ୍କୁ ଫଳ ବଣ୍ଟନ କରିଥିଲେ I ଶେଷରେ ସୋସାଇଟିର ସଂଯୋଜକ ନୃସିଂହ ଚରଣ ମିଶ୍ର ଧନ୍ୟବାଦ ଅର୍ପଣ କରିଥିଲେ I
ରିପୋର୍ଟ – ଉଗ୍ରସେନ କର୍ମୀ, ସୁବର୍ଣ୍ଣପୁର
